Vera voeg nog 'n Afrika-medalje by
Die Namibiese Olimpiër is net deur twee van Suid-Afrika se bestes geklop.
Andrew Poolman – Haar besluit op die nippertjie om wel 'n plan te maak en op eie stoom in Kaïro te gaan aanmeld, het gister vir Vera Looser vrugte afgewerp – en in wese ook vir die Namibiese Fietsryfederasie (NCF) wat vroeër daarteen besluit het om 'n amptelike span te stuur.
Die negemalige Namibiese vrouekampioen het 'n welverdiende bronsmedalje by die kontinentale padfietskampioenskap in die individuele tydtoets bygevoeg.
Die 27-jarige Looser het die derde vinnigste tyd opgestel oor die roete van 28 kilometer in Egipte se hoofstad. Sy was sowat een minuut 48 sekondes stadiger as die vlieënde Suid-Afrikaner Carla Oberholzer wat die goue medalje in 44 minute 15.90 sekondes verower het.
Die silwer is deur nog 'n Suid-Afrikaner, Frances Janse van Rensburg, sowat een minuut 06 sekondes stadiger as die wenner, ingepalm.
Sestien vroue van elf nasies het mekaar gister in die elite tydtoets uitgedaag.
Looser, wat reeds vir die Olimpiese Spele in Tokio later vanjaar gekwalifiseer het, se vorige individuele Afrika-medaljes in tydtoets en padresies sluit twee goues (2016), vier brons (2019 twee, 2013 en 2012) en een silwer (2013 padresies) in.
“Ek het eintlik 'n goeie dag beleef – veel beter as gister toe ons nie eens toegelaat is om vir 'n oefenrit te gaan nie, maar in die bioborrel in die hotel moes bly, wat nogal 'n frustrasie was,” het Looser gister ná haar resies laat weet.
“'n Deel van die roete was steeds vir my vreemd, want Maandag kon ons sowat die helfte van die roete sien – nie die eerste of die laaste 3.5 kilometer nie.
“Die organiseerders het vyf dae vooraf die roete verander. Elke rondte van 13.8 kilometer (twee keer herhaal) het omtrent 240 meter se vertikale klimwerk bevat, wat nogal baie is.
“Ek is nie 'n swak klimmer nie en het die afgelope maande in Switserland baie geklim, maar die roete was meer in die Suid-Afrikaanse vroue se kraal. Op grond van wat ons geweet het, het ek en my afrigter ook strategies besluit dat dit belangrik is om nie van die begin af te veel inspanning te gebruik nie.”
Looser sê grootliks dieselfde roete op en af teen basies die enigste werklike heuwel in Kaïro sal tydens Saterdag se 98 km padresies vir elite vroue gebruik word, wanneer hulle dieselfde entjie pad heen en weer sewe keer sal moet kafdraf.
Die negemalige Namibiese vrouekampioen het 'n welverdiende bronsmedalje by die kontinentale padfietskampioenskap in die individuele tydtoets bygevoeg.
Die 27-jarige Looser het die derde vinnigste tyd opgestel oor die roete van 28 kilometer in Egipte se hoofstad. Sy was sowat een minuut 48 sekondes stadiger as die vlieënde Suid-Afrikaner Carla Oberholzer wat die goue medalje in 44 minute 15.90 sekondes verower het.
Die silwer is deur nog 'n Suid-Afrikaner, Frances Janse van Rensburg, sowat een minuut 06 sekondes stadiger as die wenner, ingepalm.
Sestien vroue van elf nasies het mekaar gister in die elite tydtoets uitgedaag.
Looser, wat reeds vir die Olimpiese Spele in Tokio later vanjaar gekwalifiseer het, se vorige individuele Afrika-medaljes in tydtoets en padresies sluit twee goues (2016), vier brons (2019 twee, 2013 en 2012) en een silwer (2013 padresies) in.
“Ek het eintlik 'n goeie dag beleef – veel beter as gister toe ons nie eens toegelaat is om vir 'n oefenrit te gaan nie, maar in die bioborrel in die hotel moes bly, wat nogal 'n frustrasie was,” het Looser gister ná haar resies laat weet.
“'n Deel van die roete was steeds vir my vreemd, want Maandag kon ons sowat die helfte van die roete sien – nie die eerste of die laaste 3.5 kilometer nie.
“Die organiseerders het vyf dae vooraf die roete verander. Elke rondte van 13.8 kilometer (twee keer herhaal) het omtrent 240 meter se vertikale klimwerk bevat, wat nogal baie is.
“Ek is nie 'n swak klimmer nie en het die afgelope maande in Switserland baie geklim, maar die roete was meer in die Suid-Afrikaanse vroue se kraal. Op grond van wat ons geweet het, het ek en my afrigter ook strategies besluit dat dit belangrik is om nie van die begin af te veel inspanning te gebruik nie.”
Looser sê grootliks dieselfde roete op en af teen basies die enigste werklike heuwel in Kaïro sal tydens Saterdag se 98 km padresies vir elite vroue gebruik word, wanneer hulle dieselfde entjie pad heen en weer sewe keer sal moet kafdraf.
Kommentaar
Republikein
Geen kommentaar is op hierdie artikel gelaat nie