Venezuela se tragiese lot kan SA ook tref

Gewone mense kry die swaarste

04 January 2017 | Ekonomie
Toe hongersnood verlede jaar tienduisende landsburgers na die strate van Venezuela gedryf het om protes aan te teken teen astronomiese voedselpryse, het pres. Nicolás Maduro die weermag aangestel om die krimpende kosvoorraad te bestuur. Weermag­generaals is in bevel van alles – van botter tot rys – geplaas.

Maar pleks daarvan om hongersnood te beveg maak die weermag geld daaruit, is bevind in 'n ondersoek deur Associated Press (AP) wat vandeesweek gepubliseer is.

In die middel van die nag word kleinhandelaars op onwettige markte wat deur die weermag beheer word, gedwing om tot 100 keer die vasgestelde staatsprys vir stapelvoedsel te betaal. Daarby word tonne bederfde voedsel weggegooi omdat die aandrang op omkoopgeld die verspreiding van voedsel vertraag – terwyl gewone mense in lang toue moet staan om skaars voedselprodukte, soos 'n stukkie hoender, te koop.

“Die weermaglede op dié markte hou toesig oor sakke geld. Hulle het altyd alles wat ek benodig,” het 'n kruidenier, Jose Campos, aan AP vertel.



Waar het alles begin?

Dié olieryke land was eens die rykste in Latyns-Amerika.

Die land se voormalige president, Hugo Chávez, het in 2004 'n nasionale departement van voedsel geskep. Sy sosialistiese regering het plase en fabrieke genasionaliseer – en toe verwaarloos, sodat huishoudelike produksie opgedroog het.

Toe die prys van olie in 2014 ineengestort het kon die regering nie langer bekostig om al die voedsel wat die land benodig in te voer nie.

Dit is gewone mense wat die swaarste kry. Voedsel bereik nie diegene wat dit die nodigste het nie en wangevoede kinders sterf in hospitale, terwyl voedsel-opstande alledaags geword het en deur die weermag onderdruk word. Maar die weermag is in die hart van die korrupsieweb, sê AP, nadat dié nuusagentskap met meer as 60 mense, insluitend vyf voormalige generaals, onderhoude gevoer het.

“Deesdae is voedsel 'n beter onderneming as dwelms,” sê die afgetrede generaal, Cliver Alcala, wat eens in beheer van grensveiligheid was.

Die land voer byna al sy voedsel in en korrupsie het die pryse hemelhoog gedryf.



Korrupsie vier hoogty

Een Suid-Amerikaanse sakeman het aan AP vertel dat hy miljoene dollars in gunslone aan amptenare van Venezuela moes betaal, insluitend US$8 miljoen aan die land se minister van voedsel, genl. Rodolfo Marco Torres.

Die sakeman verduidelik dat handelaars soos hy kan bekostig om dié omkoopgeld te betaal omdat hulle reuse-winsmarges in hul regeringskontrakte inbou. 'n Enkele kontrak ter waarde van US$52 miljoen om geelmielies in te voer, het 'n potensiële oorbetaling van US$20 miljoen ingesluit, vergeleke met die markprys op daardie tydstip, het AP bevind.

Sommige kontrakte gaan na maatskappye wat geen ondervinding in die voedselsektor het nie, of wat slegs op papier bestaan.

Daarby word heelwat van die ingevoerde besendings voedsel bederf omdat amptenare die skepe buite die hawe laat wag totdat die omkoopgeld betaal is, het 'n hawewerker aan AP gesê.

Die Internasionale Monetêre Fonds (IMF) bereken dat inflasie in Venezuela vanjaar tot 1 600% sal bereik.

Volgens Forbes.com het die swartmarkwaarde van die land se geldeenheid, die bolivar, só gedaal dat sommige handelaars nou eerder die bondels note weeg as om hulle te tel.



Suid-Afrika kan in diÉ strik beland

Venezuela se olieproduksie word deesdae hoofsaaklik gebruik om skuld af te betaal – veral aan China.

“Die land het nie die kapitaal om sy olieproduksie te handhaaf nie, wat nog te sê uit te brei, en omdat buitelandse beleggers afgeskrik is deur 'n ideologie wat vyandig teenoor private beleggers is, is hierdie reddingsboei nou nutteloos,” sê Terence Corrigan van die Instituut vir Rasse-aangeleenthede.

Hy waarsku dat Suid-Afrika versigtig moet wees met die populistiese aansprake om minerale hulpbronne te nasionaliseer.

“Die meedoënlose stigmatisering van die bedryf en oproepe om nasionalisering ondermyn beleggersvertroue in dié sektor. 'n Toekoms waar ons enorme minerale rykdom onder die grond vasgevang bly, kan vir ons voorlê.” - Netwerk24

Soortgelyk

 

Vrou se liggaam in Goreangabdam gevind

1 dag gelede | Misdaad

Die liggaam van ‘n ongeïdentifiseerde vrou is Donderdagnag in die Goreangabdam by Windhoek gevind. ‘n Woordvoerder van die Namibiese polisie, hoofinsp. Kauna Shikwambi, het vandag...

Dr. Malan Lindeque op lys vir hoë posisies by...

1 dag gelede | Omgewing

Die kabinet het besluit om dr. Malan Lindeque, permanente sekretaris van die omgewing en toerisme, se nominasie vir top-posisies by die Verenigde Nasies (VN) goed...

Nuwe raad vir NPTH

1 dag gelede | Tegnologie

Die adjunkminister van inligting en kommunikasietegnologie mnr. Engel Nawatiseb het vandag die nuutste kabinetsbesluite aangekondig, asook die goedgekeurde nuwe raad van die Namibia Post and...

ECB keur kragtarief-verhoging van 5% goed

2 dae gelede | Energie

Die Elektrisiteitsbeheerraad (ECB) het vanoggend die nasionale kragverskaffer NamPower toestemming te gee om die grootmaat-elektrisiteitstarief met 5% te verhoog. NamPower het op 12 April aansoek...

Muilband-aansoek deur Intelligensiediens oor plase in die hof

2 dae gelede | Howe

Die verhoor van die dringende aansoek vir ‘n interdik waarmee die Namibië se Sentrale Intelligensiediens (NCIS) ‘n weekblad se mond oor moontlike korrupsie met die...

Verwarring oor taxistaking

2 dae gelede | Vervoer

Hoewel die president van die Namibiese Vervoer- en Taxivakbond (NTTU), mnr. Werner Januarie, sê taxi’s gaan eerskomende Maandag staak, sê die president van die...

Seuntjie (3) sterf ná glo met stok geslaan is

2 dae gelede | Misdaad

‘n Driejarige seuntjie het Woensdag in die Otjomukandi-nedersetting in die Kunenestreke gesterf nadat sy 34-jarige tannie hom glo met ‘n stok oral op sy lyf...

Geingob nooi Britse ondernemings na Namibië

2 dae gelede | Regering

Pres. Hage Geingob het gister (Donderdag) saam met 45 ander staatshoofde die amptelike opening van die Statebondsberaad as gas van koningin Elizabeth by Buckingham Paleis...

Hoop in 'n bondeltjie liefde

2 dae gelede | Omgewing

Hope, die bobbejaan wat in 2016 in die nuus was nadat sy in Windhoek erg mishandel is, het ma geword. Ná sy gered is, het...