Venaani: Ondersoek SME Bank nóú
Die Popular Democratic Movement sê hy gaan hof toe as president Geingob nie 'n geregtelike ondersoek na die omstrede SME Bank van stapel stuur nie.
Augetto Graig - Die leier van die amptelike opposisieparty, die Popular Democratic Movement (PDM), eis 'n geregtelike ondersoek na die sake van die SME Bank.
Mnr. McHenry Venaani sê president Hage Geingob moet die ondersoek van stapel stuur om uit te vind wat presies by dié bank vir kleinsakeondernemings gebeur het.
Die SME Bank is bankrot en die sentrale bank van Namibië het dit oorgeneem voordat met die likwidasieproses in Junie 2017 begin is.
Volgens Venaani kan geen verantwoordelike land so iets toelaat nie. “Dink die president werklik die optrede van die betrokke regeringsbeamptes is verskoonbaar? N$200 miljoen is verlore en mense het hul geld in dié bank verloor. Dit kan nie net 'n leerproses wees nie.
“Die president beskerm die raad van direkteure. Tans weet ons nie wie die N$200 miljoen gevat het nie, maar wel dat die bank in duie gestort het en die geld weg is. Ons moet presies weet wat daar gebeur het,” sê hy.
Venaani sê Geingob kan nie in die verband skeidsregter speel nie en die volledige feite moet geopenbaar word. Volgens hom het tot die SME Bank se direkteure lenings aan hulself toegeken.
“Die regering het dit reggekry om in die Nasionale Vergadering die debat oor die SME Bank te onderdruk,” sê Venaani, “maar dit kan nie daar stop nie. Ons is reeds besig om hulpbronne te mobiliseer om hof toe te gaan, sou die geregtelike ondersoek nie gedoen word nie. Daar is 'n sterk saak dat strafbare aktiwiteite by die SME Bank plaasgevind het.”
Volgens hom is sy party reeds betrokke by hofsake wat op ongeregtigheid deur die regering gemik is.
Hy sê die PDM het onder meer tussen N$70 000 en N$80 000 bestee op die saak teen die Windhoek- munisipaliteit oor die sloping van plakkershuisies sonder 'n hofbevel.
Venaani sê plaaslike sakelui is nie bereid om geldelik soortgelyke pogings te ondersteun nie, in teenstelling met Suid-Afrika waar dit groot ondersteuning kry.
Mnr. McHenry Venaani sê president Hage Geingob moet die ondersoek van stapel stuur om uit te vind wat presies by dié bank vir kleinsakeondernemings gebeur het.
Die SME Bank is bankrot en die sentrale bank van Namibië het dit oorgeneem voordat met die likwidasieproses in Junie 2017 begin is.
Volgens Venaani kan geen verantwoordelike land so iets toelaat nie. “Dink die president werklik die optrede van die betrokke regeringsbeamptes is verskoonbaar? N$200 miljoen is verlore en mense het hul geld in dié bank verloor. Dit kan nie net 'n leerproses wees nie.
“Die president beskerm die raad van direkteure. Tans weet ons nie wie die N$200 miljoen gevat het nie, maar wel dat die bank in duie gestort het en die geld weg is. Ons moet presies weet wat daar gebeur het,” sê hy.
Venaani sê Geingob kan nie in die verband skeidsregter speel nie en die volledige feite moet geopenbaar word. Volgens hom het tot die SME Bank se direkteure lenings aan hulself toegeken.
“Die regering het dit reggekry om in die Nasionale Vergadering die debat oor die SME Bank te onderdruk,” sê Venaani, “maar dit kan nie daar stop nie. Ons is reeds besig om hulpbronne te mobiliseer om hof toe te gaan, sou die geregtelike ondersoek nie gedoen word nie. Daar is 'n sterk saak dat strafbare aktiwiteite by die SME Bank plaasgevind het.”
Volgens hom is sy party reeds betrokke by hofsake wat op ongeregtigheid deur die regering gemik is.
Hy sê die PDM het onder meer tussen N$70 000 en N$80 000 bestee op die saak teen die Windhoek- munisipaliteit oor die sloping van plakkershuisies sonder 'n hofbevel.
Venaani sê plaaslike sakelui is nie bereid om geldelik soortgelyke pogings te ondersteun nie, in teenstelling met Suid-Afrika waar dit groot ondersteuning kry.
Kommentaar
Republikein
Geen kommentaar is op hierdie artikel gelaat nie