Veldwagters maak leeuplaas skoon
Des Erasmus - ‘n Man se bril, die doppies van twee koeëls en bloedspatsels op die grond was makabere getuienis van gevegte tot op die drumpel van die dood toe die konflik tussen mens en dier Donderdag en Vrydag ‘n ernstige wending op die plaas Arendsnes, noord van Kamanjab langs die Ruacanapad, geneem het.
Die bril was die van die boer, mnr. Willem Maré, en die doppies die van die geweer waarmee hy gevuur het toe hy Donderdag en Vrydag by ‘n veepos naby die grens van die Etosha Nasionale Park deur dieselfde leeuwyfie aangeval is. Maré is Sondagmiddag ná ‘n noodrit van 270 km Vrydag uit ‘n hospitaal op Otjiwarongo ontslaan.
Van die leeuwyfie, vermoedelik gewond, was daar geen teken nie toe ‘n eerste van twee opvolgoperasies Sondag by die veepos sowat 300 meter van die Etosha-grens uitgevoer is. Die bril en doppies is daar opgetel. In die tweede geveg met die leeuwyfie Vrydag het Maré self die oop kweswond op haar skof ná Donderdag se eerste onderonsie gesien. Sy het moontlik saam met die res van ‘n trop na die veiligheid van die wildtuin teruggekeer.
Maré het gister in Windhoek aan Republikein gesê dit gaan met hom goed ondanks al sy wonde. Hy skryf dit toe aan al die gebede van Namibiërs en die sterk antibiotika wat hy deur ‘n geneesheer van Otjiwarongo toegedien is. Hy het wel goeie nuus van sy plaas Arendsnes ontvang. Dit was ‘n onderneming deur veldwagters van die ministerie van die omgewing en toerisme dat hulle besig is om sy plaas van indringerroofdiere “skoon” te maak.
Hy en sy bure ondervind ernstige probleme met olifante wat die Etoshagrens plattrap waarna veral leeus en hiënas hul grond betree.
Hy en sy vrou, Edith, se eerste 30 jaar van hul huwelikslewe sou uiteindelik gister in Windhoek saam met hul kinders en kleinkinders gevier word. Aanvanklik was dié geleentheid vir die naweek in Windhoek beplan, maar toe moes dit afgestel word nadat hy in die leeuaanval beseer en in ’n hospitaal op Otjiwarongo opgeneem is.
Hy en Edith sal vandag na Arendsnes terugkeer waar hy self na die strydperk sal gaan kyk waar hy met sy lewe daarvan afgekom het. Oor sy talle wonde sê hy hy weet nie eens hoeveel steke hy gekry het nie, maar dit is baie. Sy wonde is besig om vinnig te genees. Hy sal wel vandag op pad terug plaas toe volgens afspraak ‘n opvolgbesoek aan die dokter op Otjiwarongo bring.
Die bril was die van die boer, mnr. Willem Maré, en die doppies die van die geweer waarmee hy gevuur het toe hy Donderdag en Vrydag by ‘n veepos naby die grens van die Etosha Nasionale Park deur dieselfde leeuwyfie aangeval is. Maré is Sondagmiddag ná ‘n noodrit van 270 km Vrydag uit ‘n hospitaal op Otjiwarongo ontslaan.
Van die leeuwyfie, vermoedelik gewond, was daar geen teken nie toe ‘n eerste van twee opvolgoperasies Sondag by die veepos sowat 300 meter van die Etosha-grens uitgevoer is. Die bril en doppies is daar opgetel. In die tweede geveg met die leeuwyfie Vrydag het Maré self die oop kweswond op haar skof ná Donderdag se eerste onderonsie gesien. Sy het moontlik saam met die res van ‘n trop na die veiligheid van die wildtuin teruggekeer.
Maré het gister in Windhoek aan Republikein gesê dit gaan met hom goed ondanks al sy wonde. Hy skryf dit toe aan al die gebede van Namibiërs en die sterk antibiotika wat hy deur ‘n geneesheer van Otjiwarongo toegedien is. Hy het wel goeie nuus van sy plaas Arendsnes ontvang. Dit was ‘n onderneming deur veldwagters van die ministerie van die omgewing en toerisme dat hulle besig is om sy plaas van indringerroofdiere “skoon” te maak.
Hy en sy bure ondervind ernstige probleme met olifante wat die Etoshagrens plattrap waarna veral leeus en hiënas hul grond betree.
Hy en sy vrou, Edith, se eerste 30 jaar van hul huwelikslewe sou uiteindelik gister in Windhoek saam met hul kinders en kleinkinders gevier word. Aanvanklik was dié geleentheid vir die naweek in Windhoek beplan, maar toe moes dit afgestel word nadat hy in die leeuaanval beseer en in ’n hospitaal op Otjiwarongo opgeneem is.
Hy en Edith sal vandag na Arendsnes terugkeer waar hy self na die strydperk sal gaan kyk waar hy met sy lewe daarvan afgekom het. Oor sy talle wonde sê hy hy weet nie eens hoeveel steke hy gekry het nie, maar dit is baie. Sy wonde is besig om vinnig te genees. Hy sal wel vandag op pad terug plaas toe volgens afspraak ‘n opvolgbesoek aan die dokter op Otjiwarongo bring.
Kommentaar
Republikein
Geen kommentaar is op hierdie artikel gelaat nie