Veldliga begin goed vir Saints, Wanderers

13 September 2018 | Sport
Die tweede ronde van die nasionale veldhokkie premierliga geborg deur Bank Windhoek is die afgelope naweek in Windhoek afgehandel.



MANS PREMIERLIGA

Die Namibiese Universiteit van Wetenskap en Tegnologie (NUST) se span het met 4-0 verloor teen BDO Wanderers wat onder afrigterskap van Johann Weyhe met nuwe energie speel.

Jan-Izak de Villiers het twee doele vir die wenspan behaal en Owen Hatton en Nathan van Niekerk elkeen een.

Saints, die nuwe voorloper met sewe punte, het met 1-0 verby die Deutscher Turn und Sportverein (DTS) gevorder danksy Wian Schickerling se enigste doel te midde van verskeie verbroude kanse vir die ligbloues.

Saints het gewys hoekom hulle die kampioene in beide die binnenshuise én die BDO Aandliga is en het hulle goeie begin van die seisoen voortgesit.

Op die openingsnaweek het hulle 'n 6-0 wentelling teen NUST opgestapel, waarvan Fagen Hansen die eerste twee treffers aangeteken het op pad na sy driekuns.

NUST het nog 'n ewe groot loesing teen die huidige titelhouer Windhoek Old Boys op die lyf geloop. Die eindtelling was 6-0 in Old Boys se guns, wat 'n driekuns deur Dylan Finch ingesluit het.

NUST het op die eerste naweek ook 'n 1-5 telling teen DTS afgestaan, hoewel hulle lank met 1-2 agter was voor die laaste drie doele die verskil laat aangroei het.

Die studente het benewens Mark Sungai se doel nóg goeie kanse geskep, maar kon nie goed genoeg afrond nie. Lenard Fick het 'n driekuns vir DTS ingeryg.

Die mansvoorloper Saints (7) het vir DTS (4) en Wanderers (3) op sy hakke.



VROUE PREMIERLIGA

BDO Wanderers se Bianca Muller en Michelle le Rouxhet elkeen twee keer die doelwagter geklop om vir hul span 'n 4-0 oorwinning teen DTS te beklink.

Saints se tweede span, die Angels, het teen NUST die grootste wegholtelling sover (12-0) opgestapel.

Anja Robberts se ses doele het haar aan die toppunt van die liga se individuele doelskieters geplaas.

Hannah Murphy en Martha Mvula het elkeen twee doele agter hul naam laat skryf.

Die Saints eerste span het Windhoek Old Boys met 3-0 verslaan, met twee doele deur Kaela Schimming.

Windhoek Old Boys het sy aanslag op koers gehou deur DTS in 'n redelike gelykop stryd met 1-0 te uitoorlê. Hul spankaptein Elzanne Erasmus het die wendoel behaal.

BDO Wanderers het die krane oopgedraai en met 6-0 teen NUST 'n bonuspunt verseker. Bianca Muller het die wedstryd met twee doele ­afgesluit en Monique Bothma, Michelle le Roux, Helé Steenkamp en Bernice Brink het ook volpunte help verseker.

Windhoek Old Boys het teen NUST ook met 5-0 geen glipse toegelaat nie.

Saints het op koers gebly deur met 2-0 teen BDO Wanderers te seëvier. Azaylee Philander en Joanne van Rooyen het die doele afgerond.

Die Saints Angels het hul karakter en deursettingsvermoë gewys deur met 1-0 die wenpunte teen Windhoek Old Boys te beklink.

Toe die stof ná die tweede naweek gaan lê, bevind Wanderers hom danksy 'n beter doelverskil as Old Boys boaan die vroueliga. Beide klubs is op sewe punte – net een voor Saints.

Die volgende ronde wedstryde word komende naweek op die astrobaan van Affiespark by Wanderers, asook die Trustco Davin-astrobaan by Windhoek Hoërskool gespeel.

Soortgelyk

 

Brand breek uit by Spar op Keetmanshoop

6 ure gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...