Veiliger paaie in feestyd geen rede vir slap lê

Minder ongelukke, beseerdes

10 January 2017 | Ongelukke
Augetto Graig



Die feesseisoen is amper verby, maar Namibië se padveiligheidspan meen die nasionale poging om lewensverliese op paaie te voorkom, moet versterk.

Me. Mona-Liza Garises, woordvoerder van die Namibiese Motorvoertuigongelukfonds (MVA), het namens die MVA, Nampol, die ministerie van werke, die Paaie-owerheid (RA), die Padfondsadministrasie (RFA), die Privaatsektor Padveiligheidsforum (PSRSF), die Nasionale Padveiligheidsraad (NRSC) en Windhoek se stadspolisie, maatreëls vir die huidige veldtog aangekondig.

Vanaf 22 November verlede jaar tot 2 Januarie hierdie jaar was Namibië se paaie effens veiliger. Een minder sterfte is aangeteken, wat die afgelope feesseisoen se getal tot op 94 bring. Hierdie jaar is 894 beserings aangemeld, in vergelyking met 1 062 in die 2015-'16-feesseisoen.

Gedurende die afgelope feesseisoen is 480 ongelukke aangemeld - amper 10% minder as die 530 aan die begin van 2016.

Die afname kan gedeeltelik toegeskryf word aan die gesamentlike poging van polisie- en verkeersbeamptes wat ongeveer 103 199 karre in landswye padblokkades gemonitor het.

Sowat 21 542 toetse om voertuigbestuurders se geskiktheid te bepaal, is gedoen.

Owerhede het ook 13 065 padwaardigheidstoetse gedoen.

Volgens Nampol se genl.maj. James Tjivikua is 229 mense in hegtenis geneem. Hy sê tot dusver is 7 669 dagvaardings ten bedrae van meer as N$8,3 miljoen uitgereik. Die meerderheid van dié boetes is vir spoed, bestuur sonder 'n lisensie, sitplekgordels wat nie vasgemaak is nie, ongelisensieerde en oorlaaide voertuie. Boetes is ook vir roekelose bestuur, selfoongebruik en onpadwaardige voertuie uitgeskryf.

Tjivikua sê: “'n Merkwaardige afname in ongelukke en beserings is sigbaar, maar lewensverliese is net 1% minder. Die hoofoorsake van ongelukke is roekelose en nalatige bestuur, onbedag­saamheid, dronkbestuur en uitputting.” Hy waarsku dat alle gebruikers van nasionale paaie versigtig moet wees, veral in reënweer, en by die spoedgrens moet hou.

Veral die B1- en B2-roetes sal deur polisiebeamptes geteiken word. Die vervoer van mense agter op bakkies sal ook gemonitor word. Volgens regulasie mag nie meer as ses mense agter op 'n bakkie vervoer word nie. Langafstand openbare vervoer-bestuurders sal ook 'n lys van hul passasiers moet verskaf.

Op Woensdag 11 Januarie sal 'n veldtog wat daarop fokus dat kinders veilig by die skool kom, afskop. Hiermee sal padveiligheidsbeamptes by sekere primêre skole in die Khomasstreek ontplooi word. Hulle sal seker maak voertuie wat kinders vervoer, word nie oorlaai nie.



Inhegtenisneming weens dronkbestuur:

//Karasstreek=30

Erongostreek=26

Kavango-Oosstreek=21

Khomasstreek =14

Oshanastreek=12

Hardapstreek=9

Omusatistreek=8

Kavango-Wesstreek=6

Ohangwenastreek=5

Omahekestreek=1

Totaal=132



Veiligheidsoperasies:

Voertuie gestop=103 199

Dronkbestuurtoetse=21 542

Padwaardigheidstoetse=13 065

Getal inhegtenisnemings=229

Soortgelyk

 

Doodskoot van agter

6 ure gelede | Howe

Jacqueline Louw – Die hoërhof het gister gehoor dat die doodskoot op mnr. Marko Rönni hom van agter getref het. Dit volgens getuienis van dr....

Mynbedryf diép bekommerd

6 ure gelede | Ministeries

Jo-Maré Duddy – Bekommerd, bekommerd en nóg bekommerd.Die president van die Kamer van Mynwese van Namibië, mnr. Kombadayedu Kapwanga, se jaaroorsig is deurspek met dié...

Herinneringsreis

6 ure gelede | In beeld

Me. Ndatyapelao Nangula Costa (40, links) was een van 430 kinders wat in 1978 ná die slag van Cassinga uit die vlugtelingkamp verwyder en na...

Weer, Donderdag 27 April 2017

6 ure gelede | Weer

BINNELAND: Gedeeltelik bewolk en warm tot baie warm met enkele buie oor Zambezi, Kavango, die oostelike gedeeltes van Otjozondjupa en Omaheke.KUS: Gedeeltelik bewolk en matig...

'Namibië, Angola moet malaria sáám beveg'

6 ure gelede | Gesondheid

Die ministeries van gesondheid van Namibië en Angola het Dinsdag op Wêreldmalariadag by die Oihole-nedersetting in die suide van Angola 'n samewer­kingsooreenkoms gesluit om malaria...

Hoe tevrede is Namibiese burgers?

6 ure gelede | Regering

Die kantoor van die eerste minister sal van Mei af met ’n burgerlike tevredenheidsopname oor die gehalte van openbare dienslewering dwarsoor die land begin. Aanbevelings...

Oudpres. Bush skryf oor besoek aan Namibië

6 ure gelede | Gesondheid

Estelle de Bruyn - Ná oudpres. George W. Bush se besoek aan Namibië en Botswana, waartydens gefokus is op die impak van sy noodplan om...

Hupstoot vir klein besighede

6 ure gelede | Plaaslik

Yochanaan Coetzee’n Groep van 21 klein besighede in die Tobias Hainyeko-kiesafdeling het Vrydag ’n groot hupstoot gekry toe hulle toerusting, gereedskap en materiaal ontvang het...

Nuwe junior burgemeester ingehuldig

6 ure gelede | In beeld

Windhoek se nuwe junior stadsraad is Maandag ingehuldig. Hulle sal onder die tema “Red ’n lewe vandag” hul projekte vir die termyn aanpak. Volgens Michael...