Vegtende kwartet gerat vir hul missies

22 July 2021 | Sport
Tielman van Lill – Die Afrika-veergewigkampioen van die Wêreldboksorganisasie (WBO), Sebastianus “Iron Fists” Nathanael (30), sal op Vrydag 30 Julie sy titel vir die eerste keer teen John Laryea (21) in Ghana verdedig.

Nathanael, uit die MTC Nestor Sunshine Tobias-stal, plaas sy drie maande oue titel teen dié Ghanees by die Bukom-boksarena in Accra op die spel. Meneer Ystervuiste het sy Afrika-kroon Aprilmaand in Windhoek kort voor die einde van die eerste ronde met 'n uitklophou teen Jeremiah Mhere van Zimbabwe beklink.

Laryea, met slegs nege gevegte agter die blad (8 gewen, een verloor, ses uitklophoue), spog met 'n uitkloprekord van bykans 67 persent.

Dié jong Wes-Afrikaan het nog nie buite sy land of selfs buite Accra geveg nie, maar lyk beslis na 'n veel taaier uitdager as Mhere.

Nestor Tobias, sy vegknoper en afrigter, bestempel Laryea as 'n sterk vegter met 'n onoorwonne rekord wat voor sy ondersteuners gaan boks.

Iron Fists se rekord (14 gewen, twee verloor, sewe uitklophoue) word net deur twee puntebeslissings teen hom op vreemde bodem (in Singapoer en in Suid-Afrika) bederf.

Tobias het gesê: “Dit is 'n opwindende tydperk vir Sebastianus, want dit is die eerste keer dat hy sy titel gaan verdedig. Ongelukkig moet hy dit opnuut in die vreemde gaan doen, maar ons was al in Ghana en weet wat om te verwag. Ek is vol vertroue dat hy sy geveg gaan wen en sodoende sy posisie op die WBO-wêreldranglys verbeter.

Nathanael sê: “Ek sien uit na die geveg en om my titel te behou waarvoor ek hard moes baklei. Ek weet dit gaan moeilik wees om weg van die huis af te boks, veral in Ghana, maar ek is geestelik en fisiek goed voorbereid vir die uitdaging om Namibië trots te maak.”

Iron Fists tel tans nie onder die WBO se voorste 15 veergewigte op sy wêreldranglys nie, maar 'n oorwinning einde vandeesmaand sal sy aandele in die regte rigting stuur.



NATTY KAKOLOLO

Intussen sal nog 'n Namibiese veergewig, die 32-jarige Natty Kakololo (11-2-1, vier uitklophoue) vandag in Moskou by die Dynamo-vlugbalarena vir 'n nie-titelgeveg oor 10 rondes teen die 27-jarige Andranik Grigoryan (13, 3 KO's) van Armenië deur die toue klim.

Kakololo is die veergewigkampioen van die Afrika-boksunie. Hy het nog nie teen sy landgenoot Sebastianus Nathanael te staan gekom nie.

In Junie het hy Oleg Malinovskyi van die Oekraïne in Kiëf om die WBO se interkontinentale gordel gepak. Ten spyte van 'n goeie vertoning moes Kakololo met punte (97-93, 95-95, 97-93) die aftog blaas.



LUKAS NDAFOLUMA

Die WBO se Afrika-middelgewigkampioen, die 35-jarige Lukas “The Demolisher” Ndafoluma, sal Sondag in Port Elizabeth die eerste keer sy gordel teen Christiano “The Warrior of Faith” Ndombassy (12-4, nege uitklophoue) van Angola verdedig.

The Demolisher (19-3, 10 uitklophoue) het dié vakante titel op 27 Februarie in die hoofstad teen Simion Tchetha van Malawi voor die halfpadmerk van die eerste ronde met 'n uitklophou verower.

Ndafoluma is tans nr. 15 op die WBO-wêreldranglys en sal met 'n oorwinning wil wys dat hy gevegte van 'n hoër gehalte as kontinentale vlak verdien. Ndombassy het die vakante internasionale superweltergewigtitel van die Wêreldboksfederasie (WBF) op 12 Maart in Kaapstad met punte teen Jami Webb van Suid-Afrika oor tien rondes gewen.

Die Angolees woon die laaste ruk in die Wes-Kaap. Ndombassy het in 2016 in Windhoek 'n tegniese uitklopnederlaag teen Anthony Jarmann gely.

• Op dieselfde aand se gevegslys in Port Elizabeth sal die MTC Salute-vlieggewig Immanuel Josef deur die toue klim. Die Suid-Afrikaner Sihle Jelwana sal in sy pad staan vir die vakante WBO Afrika-titel.

Soortgelyk

 

Hengari at the forefront of the youth agenda

4 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

4 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

4 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

4 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

4 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

4 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

4 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

4 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

10 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...