Veearts aangekla ná hy hondsdol koedoe skiet

11 August 2017 | Omgewing
Tanja Bause - Die ministerie van die omgewing en toerisme (MET) het Woensdag ’n klag teen die bekende veearts dr. Rainer Hassel aanhangig gemaak nadat hy ’n hondsdol koedoebul dié betrokke oggend geskiet het.

Die koedoe is Woensdagoggend in Klein Windhoek hy die Hidas-inkopiesentrum gewaar.

Volgens ’n ooggetuie het straatkinders die koedoe met klippe gegooi en in Sam Nujomarylaan tot by St. Paul's College gejaag.

Daar het die koedoe by ’n hek gaan staan.

“Toe ek om 7:20 daar aankom, het ek onmiddellik die stadspolisie gebel, maar ná 40 minute het hulle steeds nie opgedaag nie. Ek het ook vir die Dierebeskermingsvereniging (DBV) gebel wat my na die ministerie verwys het. Hulle kantoortelefone word egter eers ná 08:00 beantwoord,” het die man, wat verkies om anoniem te bly, gesê.

“Die koedoe het net daar gestaan en mense het in die pad gestop en uitgeklim om foto’s te neem. Ek en my personeel het probeer om die verkeer te reguleer en om mense weg te jaag omdat ons kon sien die koedoe het in ’n toestand van stres verkeer.”

Volgens hom het die koedoe oor die straat geloop en by ’n huis se erf ingeloop. Die man het die hek agter hom toegemaak om die koedoe van verdere stres te weerhou.

Hassel het op die toneel aangekom net voordat die bul oor die straat beweeg het.

Een beampte van die ministerie en een van die Namibiese polisie het om 09:00 opgedaag nadat die koedoe reeds in die erf was.

“Die natuurbewaarder het daar opgedaag met die geweer wat langs hom op die passasierssitplek gelê het sonder dat dit in ’n geweersak was. Hy het kortliks met die huiseienaar gepraat en toe begin om om die koedoe te loop. Ons kon sien die dier was onder baie stres en die man het dit vererger.”

Volgens hom het die koedoe die natuurbewaarder bestorm waarop die man hom twee keer met die geweerkolf op die snoet geslaan het. Die koedoe het hom toe teen die hek vasgedruk, maar die man kon homself bevry en het oor die hek geklim.

"DANS" OM KOEDOE

“Hy het sowat 15 minute binne om die koedoe gedans en nie een skoot afgevuur nie. Toe hy buite gestaan het, het hy die geweer deur die hek gesteek en probeer om ’n skoot in te kry.”

Hassel het toe sy eie pistool uitgehaal en wou die koedoe skiet waarop die natuurbewaarder glo vir hom gesê het: “Wat doen jy? Dit is nie ’n speletjie nie.”

Hassel het sy pistool weer gebêre en die natuurbewaarder het ’n verdere sowat 15 minute gevat voor hy geskiet het.

“Die natuurbewaarder het die koedoe geskiet en die dier het omgeval, maar onmiddellik weer opgestaan. Die man het weer geskiet en dit was mis. Toe hy die koedoe die derde keer skiet, het die bul in ’n sittende posisie neergeval. Die dier was steeds nie dood nie. Hy het uit sy neus gebloei en vir ons gekyk.

"Dit is toe dat die veearts sy pistool uitgehaal het, die koedoe ’n doodskoot gegee het en hom uiteindelik verlos het.”

Volgens die man het die natuurbewaarder baie onprofessioneel opgetree en die dier onnodig laat ly.

“Die man het nie geweet wat hy doen nie en gelukkig was die veearts op die toneel en kon hy ’n einde aan die koedoe se pyn en lyding maak.”

KLAGTE

Hassel is deur die ministerie aangekla van die onwettige afvuur van ’n private wapen in ’n stadsgebied.

“Klagte van met ’n pistool of ’n rewolwer jag, die gebruik van ammunisie om te jag en die verwydering van ’n karkas is ook aan my genoem,” het Hassel bevestig.

Volgens hom het hy as veearts ’n plig teenoor die dier om te verseker die dier ly so min as moontlik.

“Die natuurbewaarder was onprofessioneel. Hy het met my werk ingemeng en hy was onbevoeg om die dier van sy lyding te verlos. Inteendeel, hy het tot sy lyding bygedra.”

Hassel het intussen ’n klag van dieremishandeling teen die natuurbewaarder aanhangig gemaak.

Hy het die karkas verwyder en dit na die veeartsenydienste se laboratorium toe geneem sodat dit vir hondsdolheid getoets kon word. Gister is bevestig die koedoe het wel hondsdolheid onder lede gehad.

Soortgelyk

 

Naam van man bekend wat in ongeluk sterf

3 ure gelede | Ongelukke

Die 41-jarige man wat Donderdag in ’n ongeluk op die Outjo-Otavi-grondpad gesterf het, is as Smit de Wet Louw identifiseer. Die kop-teen-kop-botsing wat sy lewe...

Khomasstreek oor grondeienaarskap

15 ure gelede | Landbou

Elvira Hattingh - “Buitelanders se plase moet outomaties onteien word en boere moet tot 50% eienaarskap van hul plase aan plaaswerkers afstaan ten einde grondhervorming...

Windhoek 'in gróót moeilikheid'

15 ure gelede | Regering

Denver Kisting – Terwyl die verbruiker voortaan tot 300% meer vir sekere dienste moet opdok, het die stadsvaders van die Windhoekse munisipaliteit (CoW) pas ’n...

Weer vir 20 Julie 2018

15 ure gelede | Weer

BINNELAND: Gedeeltelik bewolk en matig tot warm in die Zambezi-, Kavango- en oostelike streek. Elders sal dit sonnig en matig tot warm wees. Dit sal...

Reho se /Uirab ‘in die pad gesteek’

15 ure gelede | Plaaslik

Denver Kisting – Mnr. Christoph /Uirab, uitvoerende hoof van die Rehoboth-dorpsraad, het agt maande van sy termyn tuis deurgebring./Uirab, wie se laaste werksdag vandag is,...

Kalender 13 Julie

15 ure gelede | Kuns en vermaak

Nou aan die gang» Anin Namibia bied tans ’n uitstalling in die Omba-galery aan. Hierdie keer het hulle groepsborduurprojekte en maatskappye genooi om deel te...

Siba sprankel by ekspo

15 ure gelede | Kuns en vermaak

Eet, smul en knaag bly maar hoogtepunte in baie van ons se dag. Vir sommige is dit ’n uitdaging om kos te maak en ander...

Kortbroektreffers uit Rocco se pen

15 ure gelede | Kuns en vermaak

Die bekroonde en uiters begaafde pianis Rocco de Villiers is terug met ’n splinternuwe popalbum, wat nie net vir die eerste keer met ’n Afrikaanse...

Drie maande om misdaad nek om te draai

15 ure gelede | Polisie

Tanja Bause – Die hoof van die Namibiese polisie, lt.genl. Sebastian Ndeitunga, het polisiebeamptes drie maande gegee om van misdaad in Windhoek ontslae te raak....