Vars uit die Jazz-oond - Walk Away - Gustav Myburgh

25 November 2004 | Kollig

Hierdie een is so kraaknuut dat dit maar eers Maandag amptelik in Stellenbosch bekendgestel is.
Gustav Myburgh se debuutalbum, Walk Away, is \'n verstommende ervaring met die eerste luister, maar verloor so \'n bietjie glans as jy die ore fyner spits. Die aanvanklike \"sjoe\" is dalk die gevolg daarvan dat verspreiders - en musikante - deesdae maar min uitpak waaroor mens regtig kán jubel.
Daar is tien snitte, om die helfte in Afrikaans en Engels, en \'n video van die openingsnommer, \"Dokter dokter.\" Dié kaalvoet-innie-reën cum klub-video gaan nie oor Blommie en die bytjies nie; selfs al laat die gekarring met die sangeressie se rokkie mens nogal wonder?
Die temas is deurgaans uiters ernstig.
Myburgh en sy medewerkers speel stemmingsmusiek. Hoofsaaklik jazz-fusion (nié \"confusion\" nie, gahôr), wat mens skaamteloos laat verlang na die werk van Herman van den Berg.
Gustav laat gesels die akkoestiese en elektriese kitaar land en sand, met prima bydraes op agtergrondsang, deur Ron Gaché se trompet en Hendri Liebenberg op klawers (\"Sweat Dreams\"). Op \'n paar plekke is die trompeteindes so \'n graad te voorspelbaar, maar die rock wat bygepluk word op \"Milkyway\" is \'n vars briesie.
Soms toon die melodieë, uit Gustav, Paul Wege en Francois Malherbe se kokers, haakplekkies vir die meer geoefende jazz-oor. Ook die lirieke slaag die toets van toeganklikheid, raak-raak maar nog net hier en daar aan grootsheid.
Byvoorbeeld op \"Windharp\" (die skrywer is onbekend), \"Song vir Roxanne\" en \"Die koffer.\" Daar ís immers oorspronkliker beelde as die groener gras aan die ander kant?
\"Donker kamer,\" geskryf deur Christine Cronje, se oënskynlik eenvoudige taal kry vlerke danksy die sterk musiek wat dié woorde dra. Van hier word die nommers onverklaarbaar al korter, byvoorbeeld die daaropvolgende \"Funny Society\" en uiteindelik \"1 Minute Mexican Noodle.\" Asof die groep oorhaastig ateljee toe is; met komposisies wat veel verder ontwikkel kon word.
Andersyds: slaan die snare terwyl hulle warm is?
Ondanks die skaafplekke en die titel, is hierdie \'n album waarop liefhebbers van Afrikaans en jazz beslis nie die rug moet keer nie. Ondersteun dié kêrels en wie weet, miskien trek hulle die gordyn nog so \'n bietjie verder voor hul pittige sygoedjies weg.

BEANTWOORD DIE VRAAG HIERONDER KORREK EN WEN GUSTAV MYBURGH SE DEBUUTALBUM WALK AWAY - MET KOMPLIMENTE VAN [email protected] IN DIE TOWN SQUARE-INKOOPSENTRUM. (VERSPREIDERS: PAUL JOUBERT-MUSIEK)

Vraag: Watter instrument bespeel Gustav Myburgh?

Faks jou antwoord, naam en foonnommers aan Die ene ore by 061 223 721. Vonkpos aan
[email protected]
. Sluittyd: Maandag om 12:00. Die eerste korrekte antwoord wat ons trek, wen.

Vorige antwoord: Fanie de Jager het in 1972 sy sangdebuut gemaak. Wenner: Helena Enslin van Windhoek.

Soortgelyk

 

Getuie pak skuld op Katrina

10 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

10 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

10 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

10 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

10 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

10 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...

Teengif-trust gestig ná seuntjie sterf

10 ure gelede | Omgewing

Francoise SteynbergVrolike kinderlaggies in 'n cul-de-sac in die Elisenheim-landgoed noord van Windhoek is stil nadat klein Deon Heunis (Dehan) de Wet (2) sy dapper stryd...

Sesjarige deur 17-jarige skoolkind verkrag

10 ure gelede | Misdaad

Tanja Bause 'n Sesjarige meisie is in die ­Oshitosi-nedersetting by Okatope verkrag deur 'n 17-jarige seun wat in graad 5 is. Hy het die jong...

Suider-Afrika in hittegreep

10 ure gelede | Weer

Die hoëdrukstelsel wat tans die suidpunt van Afrika domineer en vir baie warm, dalende lug sorg, sal volgens die Namibiese weerkantoor steeds vir sonnige en...