Van Schalkwyk skuldig aan strafbare manslag

30 April 2021 | Howe
Henriette Lamprecht – Byna vyf jaar nadat ’n motorongeluk die lewe van ’n matriekmeisie geëis het en die saak vir ’n wyle van die hofrol verwyder is, is die bestuurder van die voertuig skuldig bevind.

Jacobus van Schalkwyk is in die Windhoekse streekhof in Katutura deur landdros Alexis Diergaardt skuldig aan strafbare manslag bevind, ná die dood van die 18-jarige Dunja von Dewitz in die vroeë oggendure van 15 Oktober 2016 in ’n motorongeluk.

Haar vriend, RJ Visser, is ernstig in die ongeluk beseer. Van Schalkwyk is in Desember 2016 van strafbare manslag aangekla en dat hy in of naby Mandume Ndemufayoweg onregmatig en deur nalatigheid die dood van Dunja veroorsaak het.

Volgens die aanklaer in die saak, mnr. Filemon Nyau, is die saak tot vandag vir versagting en verswaring vir vonnisoplegging uitgestel.

RJ se ma, me. Alieta Wiese, het in reaksie op die skuldigbevinding erken die gesin is “verlig dis verby”. RJ het permanente skade in die ongeluk opgedoen en het voortdurend opvolgbehandeling nodig. Sy ouers kon ook nie van die Motorvoertuigongelukkefonds (MVAF) eis omdat die saak nie afgehandel was nie.

Dunja se ouers, mnr. Jochen en me. Erna von Dewitz, eis intussen ook saam met Visser se ouers, me. Alieta en Werner Wiese, byna N$11 miljoen van Van Schalkwyk in ’n skadevergoedingseis. Van Schalkwyk se ouers, mnr. Piet en me. Liezl van Schalkwyk, is die tweede en derde respondente.
[email protected]

FOTO’S
RJ Visser is ernstig beseer in die ongeluk waarin die 18-jarige Dunja von Dewitz in 2016 gesterf het. FOTO ARGIEF

Jacobus van Schalkwyk is aan strafbare manslag skuldig bevind. FOTO ARGIEF

Soortgelyk

 

Pastoor verkrag glo tienerseuns

6 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

6 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

6 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

6 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

6 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

6 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

6 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

6 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

6 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...