Van haweloos tot helpende hand

11 January 2017 | Plaaslik
Tanja Bause



'n Eens hawelose vrou help deesdae gestremde en honger kinders.

Laas jaar het die God's Garden-skooltjie in Tsumkwe sy deure oopgemaak. Aanvanklik was dit 'n skool vir gestremde kinders, maar nou het die skool ook amper 80 kinders wat daagliks hier kos ontvang.

Vier jaar gelede het me. Louise Steyn in Tsumkwe aangekom en vandag is haar droom om kinders te help uiteindelik verwesenlik. Steyn was self lank haweloos en is al jare by kinders betrokke.

“Ek het met al my aardse besittings in 'n trollie op Swakopmund en Walvisbaai se strate en strande gewoon. Hier het ek baie tyd met straatkinders deurgebring en hulle gehelp waar ek kon,” sê Steyn.

Sy was in die verlede aan dwelms verslaaf en juis dié ervaring spoor haar aan om hoofsaaklik kinders van die Sam-­gemeenskap in Tsumkwe te help.

“Ek was jare lank op straat. Ek weet wat dit is om swaar te kry. In Tsumkwe is daar baie sjebeens en alkoholmisbruik is algemeen. Ma's sluit hul kinders toe om te gaan drink. Hulle word verwaarloos en kry nie kos nie. By my kry hulle ontbyt en middagete sewe dae 'n week. Ek deel als wat ek het met hulle,” sê Steyn.

Aanvanklik het sy die kinders net ses dae 'n week kos gegee en vir hulle skool gehou, maar deesdae kom hulle ook op Sondae - en sy geniet dit ten volle.

“Ek kan my nie 'n lewe sonder die kinders indink nie. God het hulle in my hande geplaas. Ons is almal instrumente en deel van Sy plan.”

Steyn en 'n San-man het die gebou waarin die kinders skoolgaan self gebou.

“Die gebou moet nog geverf word. As daar dalk iemand is met 'n blikkie verf wat ons kan gebruik, sal ons dit baie waardeer. Ek wil nie geld hê nie, maar kos vir die kinders. Opvoedkundige speelgoed, skryfbehoeftes en meubels vir die skool is ook baie welkom. Dit hoef nie nuut te wees nie. Ons is ook tevrede met tweede­handse goed.”

Soortgelyk

 

Dirk Uys Meatco se topprodusent

2 ure gelede | Landbou

Elvira Hattingh - Terwyl Meatco vanjaar sy dertigste bestaansjaar vier, is mnr. Dirk Uys van die plaas Dalmuta Vrydagdagaand as Meatco se 2016 produsent van...

Kuns sy passie

1 dag gelede | Kuns en vermaak

Tanja Bause Van kleins af het kuns mnr. Blessing Aifa gefassineer.Hy het geweet hy sou eendag sy brood en botter daardeur verdien. Op skool het...

Lesersfoto's vir 13 Maart 2017

1 dag gelede | Lesersfoto's

Lesersfoto's vir 13 Maart 2017

Car-Tech Namibia – 10 years and going strong

1 dag gelede | Motors

­Car-Tech Namibia marks its 10th anniversary in the automotive repair business this month. Having relocated to even bigger premises in Lafrenz Industrial Park in the...

VW Tiguan gets serious

1 dag gelede | Motors

Volkswagen has added three turbodiesels and a turbopetrol to the line-up of the second-generation Tiguan (Tigtwo?) and, more importantly, three of the four come with...

The Tamo Racemo is unlike any Tata you've ever...

1 dag gelede | Motors

Many folks will probably not know this but Tata Motors has a sports division called Tamo.Though it does not have the same reputation and heritage...

Otjozondjupa waste management forum launched

1 dag gelede | Plaaslik

OTJIWARONGO - Otjozondjupa Regional Governor, Otto Ipinge on Thursday launched the region's waste management forum.The main objective of the forum is to develop a sustainable...

Ongwediva councillor wants more female representation in Oshana RC

1 dag gelede | Plaaslik

ONGWEDIVA – Women should participate in the 2020 Regional and Local Authority Elections in large numbers so that more women can join the Oshana Regional...

Poef! En toe brand lorrie

1 dag gelede |

Ronelle Rademeyer - Dié vragmotor het gister (Donderdag) omstreeks 12:00 op die pad tussen Keetmanshoop en Bethanie aan die brand geslaan.Die bestuurder het op die...