Valse kerkleiers gekritiseer
Catherine Sasman
Die president van die Vereniging van Charismatiese Pinksterkerke van Namibië (ACPCN), ds. Fritz Gaweseb, sê ongedissiplineerde, “sogenaamde” godsdienstige leiers is nie lede van die sambreel-organisasie nie.
Die ACPCN het middel Augustus vergaderings met leraars in die Kavango- en Zambezistreek gehou waar sowat 180 kerkleiers hul kommer uitgespreek het oor onbetaamlike gedrag van mense wat hulle as geestelike leiers voordoen.
Gaweseb het gesê die ACPCN is “moeg van die ongevraagde, ongoddelike en onprofessionele gedrag” van pastore wat die beeld van die kerk en Christenskap in die algemeen bevlek.
“Dit is raadsaam dat ’n kerkleier goeie geestelike ervaring, ’n skoon rekord en ’n goeie naam in gemeenskappe sal hê,” het Gaweseb gesê.
Hy het gesê kerkleiers moet nie net die regte akademiese kwalifikasies hê nie, maar ook vaardighede, wat Bybelse kennis insluit. Hulle moet ook geestelike afrigters wees wat self ’n mentorskap-program deurloop het.
“Ons is moeg van selfopgelegde, selfaangestelde, gesalfde en geordende leiers wat nie die regte kwalifikasies en goedkeuring het om ampte van pastore, biskoppe en diakens te beklee nie. Die Bybel gee ons die mandaat om sulke mense te dissiplineer,” het Gaweseb gesê.
“Die sondige en ongewenste gedrag van valse leiers moet ernstig na gekyk en ontwortel word, want dit is gelykstaande aan korrupsie.”
Die president van die Vereniging van Charismatiese Pinksterkerke van Namibië (ACPCN), ds. Fritz Gaweseb, sê ongedissiplineerde, “sogenaamde” godsdienstige leiers is nie lede van die sambreel-organisasie nie.
Die ACPCN het middel Augustus vergaderings met leraars in die Kavango- en Zambezistreek gehou waar sowat 180 kerkleiers hul kommer uitgespreek het oor onbetaamlike gedrag van mense wat hulle as geestelike leiers voordoen.
Gaweseb het gesê die ACPCN is “moeg van die ongevraagde, ongoddelike en onprofessionele gedrag” van pastore wat die beeld van die kerk en Christenskap in die algemeen bevlek.
“Dit is raadsaam dat ’n kerkleier goeie geestelike ervaring, ’n skoon rekord en ’n goeie naam in gemeenskappe sal hê,” het Gaweseb gesê.
Hy het gesê kerkleiers moet nie net die regte akademiese kwalifikasies hê nie, maar ook vaardighede, wat Bybelse kennis insluit. Hulle moet ook geestelike afrigters wees wat self ’n mentorskap-program deurloop het.
“Ons is moeg van selfopgelegde, selfaangestelde, gesalfde en geordende leiers wat nie die regte kwalifikasies en goedkeuring het om ampte van pastore, biskoppe en diakens te beklee nie. Die Bybel gee ons die mandaat om sulke mense te dissiplineer,” het Gaweseb gesê.
“Die sondige en ongewenste gedrag van valse leiers moet ernstig na gekyk en ontwortel word, want dit is gelykstaande aan korrupsie.”
Kommentaar
Republikein
Geen kommentaar is op hierdie artikel gelaat nie