Usakos neem ook afskeid

Staatsbegrafnis Saterdag vir Gurirab

18 July 2018 | Mense
Denver Kisting



'n Polisiehelikopter neem vandag die liggaam van die oudspeaker, mnr. Theo-Ben Gurirab, na sy geboortedorp.

Mnr. Mbeuta Ua-Ndjarakana, die permanente sekretaris (PS) van inligting en kommunikasietegnologie, het gister aan Republikein gesê 'n waakdiens word vandag op Usakos vir Gurirab gehou.

Die liggaam keer dan terug Windhoek toe vir 'n gedenkdiens aan huis van die Gurirab-gesin môreaand.

Vrydag sal die amptelike roudiens in die parlementstuine plaasvind waarna die liggaam hier tot Saterdagoggend in staatsie sal lê, het ­Ua-Ndjarakana voorts gesê.

Op besluit van president Hage Geingob sal Gurirab, 'n voormalige eerste minister en Namibië se eerste minister van buitelandse sake, ­Saterdag tydens 'n staatsbegrafnis by Heldeakker ter ruste gelê word.

Intussen het die huidige speaker van die Nasionale Vergadering (NV), prof. Peter Katjavivi, die ­afgelope week in 'n verklaring gesê: “Hy (Gurirab) was 'n ikoon van demokrasie en diplomasie, vaardig in onderhandelinge met ondersteuners én teenstanders, welbekend en gerespekteer oraloor die wêreld en in die Verenigde Nasies(VN)-familie.”

Gurirab het tussen 1999 en 2000 as president van die VN se ­algemene vergadering gedien.

Katjavivi het voorts gesê die NV sal Gurirab onthou as 'n denker, 'n ­toegewyde demokraat, 'n ­vryheidsvegter en 'n uitstaande ­diplomaat.



nasionale held

“Ons sal hom ook onthou as 'n regverdige en onpartydige ­voorsittende beampte en 'n nasionale held, wie se pogings daartoe gelei het dat Namibië op die wêreldkaart geplaas is in die moeilike tydperk van ons bevrydingstryd.”

As 'n lid van die grondwetgewende vergadering het Gurirab ook beduidend bygedra tot die skryf van die Grondwet en die wette van 'n onafhanklike Namibië, het Katjavivi gesê.

Gurirab, wat in 2015 uit die politiek getree het, is Saterdag in 'n Windhoekse hospitaal oorlede.

In 'n berig op bl. 3 in gister se uitgawe oor die heengaan van Gurirab is na wyle me. Stienie Mudge as mnr. Dirk Mudge se weduwee verwys.

Sy was mnr. Mudge se vrou en nié sy weduwee nie, omdat hy steeds leef. Republikein vra hiermee om verskoning vir enige ongerief wat dié oorsig teweeg gebring het.

Soortgelyk

 

Regering staan bakhand vir 2% van Namibiërs se jáárlikse...

1 dag gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

2 dae gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

2 dae gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

2 dae gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

2 dae gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

2 dae gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

2 dae gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

2 dae gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

2 dae gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...