Usakos-huis in vlamme
Dorpenaars het besittings uit die huis gered, maar dié is later deur ander inwoners weggedra.
Tanja Bause – ’n Huis wat in 1924 op Usakos gebou is en wat die ou Wild-slaghuis gehuisves het, het Dinsdag omstreeks 15:00 afgebrand.
Volgens mnr. Barney van der Schyff, ’n inwoner van die dorp, moes inwoners self ou brandslange gaan haal en dit meer as ’n blok verder by ’n brandkraan inprop om die brand te blus.
“Die pyp is egter baie oud en het baie gelek. Die straal was maar baie swak en kon nie eers die dak van die huis natspuit nie,” het hy gesê.
Die eienaar van die huis het sy tuinslang gebruik om die brand te probeer blus.
“Tuinslange van ander huise is ook gebruik om die vlamme te blus. Karibib se brandweer het by die toneel opgedaag toe die huis klaar afgebrand het en het toe die smeulende balke op die grond natgespuit.”
Daar was ’n kind in die huis, wat danksy toegang deur die agterdeur gered is.
“Ek moet sê die ambulans was binne minute op die toneel en het die kind gehelp. Hulle het ook die hele tyd toe die huis gebrand het op die toneel gebly in geval een van die inwoners beseer word wat gehelp het om die brand te blus. Ek moet die gesondheidsafdeling en die ambulans punte gee. Hulle was vinnig en professioneel,” het Van der Schyff gesê.
Volgens hom het mense besittings uit die huis probeer red en op die sypaadjie neergesit, waar dit deur ander inwoners gesteel is.
“Ons het byvoorbeeld gevriesde vleis uit die vrieskas gehaal en dit op die sypaadjie gesit. Dit is deur ander mense gesteel. Die polisie het nooit opgedaag om die skare nuuskierige mense in toom te hou en diefstal te voorkom nie,” het hy gesê.
Van der Schyff het gesê ’n speurder in privaat klere het heelwat later opgedaag en die skare onder bedwang probeer bring.
“Elke maand word ’n bedrag van ons munisipale rekeninge vir brandfooie afgetrek, en dan kan hulle nie eers ’n brand blus wat skaars 100 meter van hul kantore af is nie.”
Volgens hom het die brandweer ’n paar jaar gelede ’n splinternuwe wa ontvang, wat egter nie in ’n werkende toestand is nie.
“Dit is miskien ses keer gebruik en nou staan dit toegesluit by die brandweer.”
Volgens mnr. Manfred Weskop van die dorpsraad word die brandweerwa tans gediens en kon dus nie gebruik word nie.
“Al is die wa nuut, moet hy ná ’n sekere tyd gediens word en dit is tans die geval,” het hy gesê.
Volgens mnr. Barney van der Schyff, ’n inwoner van die dorp, moes inwoners self ou brandslange gaan haal en dit meer as ’n blok verder by ’n brandkraan inprop om die brand te blus.
“Die pyp is egter baie oud en het baie gelek. Die straal was maar baie swak en kon nie eers die dak van die huis natspuit nie,” het hy gesê.
Die eienaar van die huis het sy tuinslang gebruik om die brand te probeer blus.
“Tuinslange van ander huise is ook gebruik om die vlamme te blus. Karibib se brandweer het by die toneel opgedaag toe die huis klaar afgebrand het en het toe die smeulende balke op die grond natgespuit.”
Daar was ’n kind in die huis, wat danksy toegang deur die agterdeur gered is.
“Ek moet sê die ambulans was binne minute op die toneel en het die kind gehelp. Hulle het ook die hele tyd toe die huis gebrand het op die toneel gebly in geval een van die inwoners beseer word wat gehelp het om die brand te blus. Ek moet die gesondheidsafdeling en die ambulans punte gee. Hulle was vinnig en professioneel,” het Van der Schyff gesê.
Volgens hom het mense besittings uit die huis probeer red en op die sypaadjie neergesit, waar dit deur ander inwoners gesteel is.
“Ons het byvoorbeeld gevriesde vleis uit die vrieskas gehaal en dit op die sypaadjie gesit. Dit is deur ander mense gesteel. Die polisie het nooit opgedaag om die skare nuuskierige mense in toom te hou en diefstal te voorkom nie,” het hy gesê.
Van der Schyff het gesê ’n speurder in privaat klere het heelwat later opgedaag en die skare onder bedwang probeer bring.
“Elke maand word ’n bedrag van ons munisipale rekeninge vir brandfooie afgetrek, en dan kan hulle nie eers ’n brand blus wat skaars 100 meter van hul kantore af is nie.”
Volgens hom het die brandweer ’n paar jaar gelede ’n splinternuwe wa ontvang, wat egter nie in ’n werkende toestand is nie.
“Dit is miskien ses keer gebruik en nou staan dit toegesluit by die brandweer.”
Volgens mnr. Manfred Weskop van die dorpsraad word die brandweerwa tans gediens en kon dus nie gebruik word nie.
“Al is die wa nuut, moet hy ná ’n sekere tyd gediens word en dit is tans die geval,” het hy gesê.
Kommentaar
Republikein
Geen kommentaar is op hierdie artikel gelaat nie