UPM wil Baster-grondeis instel

‘Waghond teen korrupsie’

10 July 2019 | Politiek
Die United People’s Movement (UPM) het bevestig pogings is aangewend om ’n grondeis in te stel vir grond wat tydens die Duitse, Suid-Afrikaanse en Swapo-regering van die Rehoboth Basters afgeneem is.

“Die UPM het die Baster-kaptein gehelp om inligting oor die grondkwessie te kry en die eis in te stel,” lui ’n mediaverklaring van die UPM ná hul openbare vergadering die naweek in die Kaptein Hermanus van Wyk-gedenksaal op Rehoboth.

“Na verwagting sal die kaptein lede van die Rehoboth Baster Gemeente (RBG) binnekort oor die grondeis inlig,” lui die verklaring.

“Hoewel die vergadering nie goed bygewoon is nie, is die boodskap duidelik: Laat ons verenig om ’n toekoms vir ons kinders en kleinkinders te verseker,” sê die hoofsprekers, die UPM-president, mnr. Piet Junius, en die party se visepresident, mnr. Jan van Wyk.

Die UPM het ook beweringe verwerp dat die party “niks” doen nie.

“Hoewel die party net een setel in die parlement het, het dit tot verskeie wetsontwerpe bygedra wat die lewens van Namibiërs, insluitende minderheidsgroepe soos die Rehoboth Basters, beïnvloed,” sê Van Wyk.

“Die UPM kan nie ontwikkeling vir Rehoboth bring as hy nie mag op die dorp het nie, maar hy het ’n belangrike rol as waghond teen korrupsie gespeel met raadslede wat geskors is.”

Die UPM sê die bewyse van korrupsie teen die dorspraad se Swapo-raadslede is in ’n 74 bladsy lange verslag vervat.



“’n Paar maande gelede het die NamPower-rekening op N$99 miljoen gestaan, maar die Rehoboth-dorspraad kon dié hoë rekening nie verduidelik nie.

“Die UPM het weer eens die parlementêre platform gebruik om dié inligting te kry. In die minister se antwoorde op 20 Junie is erken Rehoboth-inwoners ly onder korrupte elemente in die Rehoboth-dorpsraad,” lui die verklaring.

“Die minister het in sy terugvoering aangedui die mense koop byvoorbeeld elektrisiteit vir N$600, maar in plaas daarvan ontvang hulle N$6 000 se eenhede.”

Volgens die UPM het die party die afgelope vier jaar as deel van hul maatskaplike verantwoordelikheid drie universiteitstudente finansieel ondersteun, en vyf studente is gehelp om hul studies aan Namcol voort te sit.

“Werk is aan 17 mense in die land verskaf en binnekort sal nog mense aangestel word, afhangende van die finansiële hulpbronne beskikbaar.”

Die UPM het verlede week ook vleis aan twee sopkombuise op Rehoboth geskenk en die party se president het sy ontevredeneheid uitgespreek oor die beskikbaarheid van droogtehulp aan boere.



“Ondanks erge verliese wat boere gely het, het die regering voete met hulpverlening gesleep. Die UPM het op 6 Februarie reeds die regering aangeraai om die droogte tot noodtoestand te verklaar.”

Junius het die moontlikheid benadruk om met ander politieke partye tydens die komende en toekomstige verkiesings saam te werk.

Hy het ’n beroep op kiesers gedoen om tydens die registrasieproses tot 27 Julie te registreer en op 27 November te gaan stem.

Soortgelyk

 

The rose among the thorns

23 ure gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

23 ure gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

23 ure gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

23 ure gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

23 ure gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

23 ure gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

23 ure gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

23 ure gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

23 ure gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...