Unieke Namibiese handsakke

Kontrak vir nuwe Gondwana-lodge

13 September 2018 | Mense
Tanja Bause – Sowat twee jaar gelede het Bark Design die lig gesien en Windhoekers het nou die geleentheid om unieke, handgemaakte handsakke volgens hul eie spesifikasies te laat maak.

Mnr. Schalk Steenkamp (27), eienaar van dié onderneming, het ná skool ’n sjefkursus gedoen.

“Ek het nog altyd van kosmaak gehou en ná die kursus van ses maande het ek vir ’n jaar by ’n restaurant op Stellenbosch gewerk. Ek kon egter nie werk as ’n sjef met my terugkeer na Namibië kry nie en het by ’n plek wat kombuise ontwerp en installeer begin. Met my agtergrond as ’n sjef kon ek vinnig baie praktiese kombuise ontwerp,” het hy gesê.

Hierná het Steenkamp ’n vier jaar-kursus in binnenshuise ontwerp in die Kaap gaan doen.

Ná afloop daarvan het hy sy portefeulje aan drie ontwerpers in Europa gestuur.

Mnr. Piet Hein van Antwerpen in België het hom ’n internskap van ses maande aangebied.

“Hulle het goedere soos meubels, lampe en keramiekitems ontwerp. Ná my internskap het ek besluit om na Namibië terug te keer omdat hier ’n groot gaping in die mark vir goeie, unieke, handgemaakte produkte is.”

Steenkamp het in Antwerpen ook met leersakke gewerk, in die besonder met leersakke sonder stikwerk.

Hy ontwerp al Bark Design se handsakke self, sny die patrone uit en maak gaatjies in die leer vir die stikwerk.

Die stikwerk word deur mee. Otilie Urikos (70) en Johanna Isaak (68) behartig.

Urikos het eerste by Bark Design begin werk.

Sy het meer as 20 jaar se ervaring in leerwerk opgedoen voordat sy eers plaas toe getrek het en toe in Windhoek naaldwerk begin doen het.

“Om met leer te werk, is vir my baie lekkerder. Jy moet baie presies werk, want as jy die gaatjie op die verkeerde plek inkap, is die leer daarmee heen,” het sy gesê.

Ses maande later het Isaak by die studio aangesluit. Sy het 30 jaar ondervinding as ’n naaldwerker.

“Ek wou leer hoe om met leer te werk. Dit is vir my ’n nuwe uitdaging en ek is baie trots daarop as ek iemand sien wat ’n handsak van Bark Design het. Ons is die vroue wat seker maak die stikwerk kom nie los nie, en dat die sakke gemaak is om te hou,” het sy gesê.

Bark Design se produkte is 100% Namibies en 100% handgemaak.

“Ons koop al ons leer by Nakara, wat dit van boere af koop. Alle sakke word deur my ontwerp. Ek maak nie twee sakke dieselfde nie. Ek sit ’n stukkie van myself in elke sak,” het Steenkamp gesê.

Uit die afvalstukkies leer word blokkies gesny wat aanmekaar gewerk word om banke, kussings en beanbags te maak.

“Ons probeer om elke stukkie leer te gebruik en so min as moontlik weg te gooi.”

Bark Design het volgens Steenkamp ’n mylpaal bereik toe hulle ’n kontrak met Gondwana geteken het om hul nuwe lodge, wat in November open, se leerwerk te doen.

“Ons sal sleutelhouers, deurstoppers, plekmatjies en so meer vir die lodge maak, en ons sal ook die winkel van voorraad voorsien.”

Bark Design maak ook leervoorskote vir verskeie restaurante.

Volgens Steenkamp is die onderneming uiteindelik besig om winsgewend te raak.

“In die toekoms wil ek ook weer meubels en lampe begin ontwerp. Ek wil die toonaangewende eksklusiewe ontwerpstudio vir mense wees wat op soek na iets besonders en unieks vir hul huise is.”

Soortgelyk

 

Vier wildehonde proe vryheid

17 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

17 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

17 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

17 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

17 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

17 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

17 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

17 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

17 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...