‘Unieke’ motors saam onder een dak
Môre gaan die enjins brul. Die geleentheid is die “grootste” motorskou in Namibië wat onder die vaandel “Midnight Tokyo - Funky Nights” plaasvind en waar onder meer ’n McLaren en ’n Ferrari FF hul buigings gaan maak.
Die motorskou, wat in die ondergrondse parkeergarage van die Khomas Grove-winkelsentrum in Khomasdal, Windhoek, plaasvind, is die produk van mnr. Alois Greivender (22). Volgens Greivender het die keuringsproses vir deelname aan die “unieke” motorskou behels dat inwoners uit elk van die vier windrigtings foto’s kon instuur van motors wat hul nomineer. ’n Honderd motors is uiteindelik gekies.
“Die wenners moes uitstaan bo die ander en ’n unieke rit kan bied.”
Dit sluit motors waarvan die voorkoms baie verander is, spesiaal omgeboude motors, sowel as straatmotorfietse in. Die motorskou skop Saterdag om 15:00 af en duur tot Sondag om 04:00. ’n Dosyn platejoggies sorg vir die musiek, met kaartjies wat teen N$100 per persoon by die inkoopsentrum beskikbaar is. Die geld wat ingesamel word, word aan die “WeCareTrust” geskenk. Volgens Greivender is die doel om ’n werkwinkel op die trust se eiendom op te rig waar vaardighede soos spuitverf geleer kan word.
Die motorskou, wat in die ondergrondse parkeergarage van die Khomas Grove-winkelsentrum in Khomasdal, Windhoek, plaasvind, is die produk van mnr. Alois Greivender (22). Volgens Greivender het die keuringsproses vir deelname aan die “unieke” motorskou behels dat inwoners uit elk van die vier windrigtings foto’s kon instuur van motors wat hul nomineer. ’n Honderd motors is uiteindelik gekies.
“Die wenners moes uitstaan bo die ander en ’n unieke rit kan bied.”
Dit sluit motors waarvan die voorkoms baie verander is, spesiaal omgeboude motors, sowel as straatmotorfietse in. Die motorskou skop Saterdag om 15:00 af en duur tot Sondag om 04:00. ’n Dosyn platejoggies sorg vir die musiek, met kaartjies wat teen N$100 per persoon by die inkoopsentrum beskikbaar is. Die geld wat ingesamel word, word aan die “WeCareTrust” geskenk. Volgens Greivender is die doel om ’n werkwinkel op die trust se eiendom op te rig waar vaardighede soos spuitverf geleer kan word.
Kommentaar
Republikein
Geen kommentaar is op hierdie artikel gelaat nie