Unam-studente moet meer opdok
’n Verhoging van 6% vir klasgelde word ingestel, asook ’n verhoging van die vereiste minimum betaalbare deposito vir onderrigfooie per fakulteit.
Henriette Lamprecht – Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land het die universiteitsraad genoop om klasgelde vir aanstaande jaar te verhoog.
Dit sluit ’n verhoging van 6% vir klasgelde in, asook ’n verhoging van die vereiste minimum betaalbare deposito vir onderrigfooie per fakulteit, wat nog bekend gemaak sal word.
Registrasiefooie vir aanstaande jaar beloop N$1 575.
By die hoofkampus in Windhoek, sowel as by Neudamm, Ogongo en die Sam Nujoma Mariene- en Kushulpbronne-navorsingsentrum (SANUMARC) gaan Namibiese studente volgende jaar N$12 860 moet opdok.
Vir studente uit die Suider-Afrikaanse Ontwikkelingsgemeenskap (SADC) beloop fooie N$12 860 en vir nie-SADC-studente beloop dit N$21 360.
Dié fooie sluit ontbyt in.
Vir die Hifikepunye Pohamba-, Khomasdal-, Katima-, Rundu- asook die Unam-kampus in die Suide beloop fooie N$9 400 vir Namibiese sowel as SADC-studente, en vir die res N$14 440.
Ook hier is ontbyt ingesluit.
Studiefooie by die Jose Eduardo dos Santos-kampus (ontbyt ingesluit) is N$15 830 vir Namibiese en SADC-studente en vir die res N$27 110.
Vir gesondheidswetenskappe in die Noorde en in Windhoek beloop fooie vir volgende jaar N$9 000 vir Namibiese en SADC-studente in die Noorde, en N$18 000 vir die res.
By die betrokke kampus in Windhoek is dit N$16 010 vir Namibiese en SADC-studente en N$32 020 vir die res. Laasgenoemde fooie vir gesondheidswetenskappe sluit ontbyt uit.
Met verwysing na salarisverhogings vir aanstaande jaar sê die universiteit in ’n verklaring ’n eenmalige betaling van 5% van basiese salarisse sal oor ’n tydperk van sewe maande geïmplementeer word.
Dit geld vir personeel binne die bedingingseenheid en word op 15 Desember geïmplementeer. Die verhoging volg ná ’n ooreenkoms tussen die vakbonde en die universiteit op 12 November vanjaar.
Unam sê voorts in ’n verklaring personeel binne en buite die bedingingseenheid het die afgelope paar jaar dieselfde verhogings ontvang.
Weens die land se huidige ekonomiese omstandighede het die universiteitsraad besluit ’n eenmalige bedrag gelykstaande aan slegs 3% van ’n basiese salaris oor ’n tydperk van ses maande word aan personeel buite die bedingingseenheid toegeken.
Dit sluit ’n verhoging van 6% vir klasgelde in, asook ’n verhoging van die vereiste minimum betaalbare deposito vir onderrigfooie per fakulteit, wat nog bekend gemaak sal word.
Registrasiefooie vir aanstaande jaar beloop N$1 575.
By die hoofkampus in Windhoek, sowel as by Neudamm, Ogongo en die Sam Nujoma Mariene- en Kushulpbronne-navorsingsentrum (SANUMARC) gaan Namibiese studente volgende jaar N$12 860 moet opdok.
Vir studente uit die Suider-Afrikaanse Ontwikkelingsgemeenskap (SADC) beloop fooie N$12 860 en vir nie-SADC-studente beloop dit N$21 360.
Dié fooie sluit ontbyt in.
Vir die Hifikepunye Pohamba-, Khomasdal-, Katima-, Rundu- asook die Unam-kampus in die Suide beloop fooie N$9 400 vir Namibiese sowel as SADC-studente, en vir die res N$14 440.
Ook hier is ontbyt ingesluit.
Studiefooie by die Jose Eduardo dos Santos-kampus (ontbyt ingesluit) is N$15 830 vir Namibiese en SADC-studente en vir die res N$27 110.
Vir gesondheidswetenskappe in die Noorde en in Windhoek beloop fooie vir volgende jaar N$9 000 vir Namibiese en SADC-studente in die Noorde, en N$18 000 vir die res.
By die betrokke kampus in Windhoek is dit N$16 010 vir Namibiese en SADC-studente en N$32 020 vir die res. Laasgenoemde fooie vir gesondheidswetenskappe sluit ontbyt uit.
Met verwysing na salarisverhogings vir aanstaande jaar sê die universiteit in ’n verklaring ’n eenmalige betaling van 5% van basiese salarisse sal oor ’n tydperk van sewe maande geïmplementeer word.
Dit geld vir personeel binne die bedingingseenheid en word op 15 Desember geïmplementeer. Die verhoging volg ná ’n ooreenkoms tussen die vakbonde en die universiteit op 12 November vanjaar.
Unam sê voorts in ’n verklaring personeel binne en buite die bedingingseenheid het die afgelope paar jaar dieselfde verhogings ontvang.
Weens die land se huidige ekonomiese omstandighede het die universiteitsraad besluit ’n eenmalige bedrag gelykstaande aan slegs 3% van ’n basiese salaris oor ’n tydperk van ses maande word aan personeel buite die bedingingseenheid toegeken.
Kommentaar
Republikein
Geen kommentaar is op hierdie artikel gelaat nie