Uitdaging wag op Williams
Dié hengeldissipline word deur ’n nuwe bestuurspan gelei.
Tielman van Lill – Die Namibiese Baarshengelvereniging (NBAA) het onlangs sy nuwe voorsitter vir die toekoms aangewys.
Alec Williams vervang Richard Grant, wat die afgelope ses jaar die amp beklee het. Johan Coetzee sal Williams as ondervoorsitter ondersteun.
Grant het verlede jaar ná die NBAA se algemene jaarvergadering sy gevoelens rakende 2020 en die toekoms verwoord.
“Volgende jaar gaan beslis ’n taai en onsekere tydperk wees. Covid-19 hang steeds soos ’n donker wolk oor ons en niemand kan voorspel wat die toekoms vir plaaslike en internasionale hengel inhou nie.”
Volgens hom is oorgrens reisbeperkings nie die enigste nadelige faktor in die vooruitsigte nie.
“Die huidige ekonomiese klimaat maak dit op sigself moeilik vir spanne om aan internasionale kompetisies deel te neem. Finansieel sal elke lid en span sy kant moet bring.
“Ek kan eerlik sê die afgelope ses jaar het merendeels goeie herinneringe ingehou. Ons het deur ’n vernietigende droogte geworstel met lae damvlakke wat bykans nooit tevore gesien is nie. Daar was vrese dat die Von Bachdam in geheel kan opdroog.
INDRINGERS UITGEROEI
“Die NBAA het met onderhandelinge ’n besondere verhouding met die ministerie van visserye en mariene bronne opgebou. Die nodige permitte is bekom om indringerspesies vir die eerste keer in meer as 20 jaar te bestuur.
“Die Afrika-skerptandkatvis (oorspronklik uit Sentraal- en Wes-Afrika) wat in die Von Bachdam opgeduik en ’n ernstige bedreiging vir ons inheemse vis ingehou het, is grotendeels uitgeroei. Ons kosbare inheemse spesies het beslis nou ’n beter kans op oorlewing in die Von Bach.
“Ek is seker ons nuwe voorsitter sal die NBAA tot nuwe hoogtes voer. Sterke aan Alec; ek is net ’n oproep ver as jy raad nodig het.
Die NBAA sê: “Ons wil graag vir Alec gelukwens as die nuwe voorsitter. Baie dankie aan Richard vir al jou harde werk en toewyding gedurende jou tydperk as voorsitter!
“Die NBAA het onder jou leiding met rasse skrede gegroei. Jy laat beslis ’n groot paar skoene om te vul! Alec ons wens jou net die beste toe en jy het ons volle ondersteuning.”
Alec Williams het by navraag aan die koerant gesê: “Ek glo ons sal ’n baie goeie hengelseisoen ná die laaste twee jaar se goeie reëns hê. Ek wil graag voortbou op die goeie werk wat deur die komitee deur die jare gedoen is. Ek was vir twee jaar nie op die komitee nie, maar sal binnekort my voete vind.”
– [email protected]
Alec Williams vervang Richard Grant, wat die afgelope ses jaar die amp beklee het. Johan Coetzee sal Williams as ondervoorsitter ondersteun.
Grant het verlede jaar ná die NBAA se algemene jaarvergadering sy gevoelens rakende 2020 en die toekoms verwoord.
“Volgende jaar gaan beslis ’n taai en onsekere tydperk wees. Covid-19 hang steeds soos ’n donker wolk oor ons en niemand kan voorspel wat die toekoms vir plaaslike en internasionale hengel inhou nie.”
Volgens hom is oorgrens reisbeperkings nie die enigste nadelige faktor in die vooruitsigte nie.
“Die huidige ekonomiese klimaat maak dit op sigself moeilik vir spanne om aan internasionale kompetisies deel te neem. Finansieel sal elke lid en span sy kant moet bring.
“Ek kan eerlik sê die afgelope ses jaar het merendeels goeie herinneringe ingehou. Ons het deur ’n vernietigende droogte geworstel met lae damvlakke wat bykans nooit tevore gesien is nie. Daar was vrese dat die Von Bachdam in geheel kan opdroog.
INDRINGERS UITGEROEI
“Die NBAA het met onderhandelinge ’n besondere verhouding met die ministerie van visserye en mariene bronne opgebou. Die nodige permitte is bekom om indringerspesies vir die eerste keer in meer as 20 jaar te bestuur.
“Die Afrika-skerptandkatvis (oorspronklik uit Sentraal- en Wes-Afrika) wat in die Von Bachdam opgeduik en ’n ernstige bedreiging vir ons inheemse vis ingehou het, is grotendeels uitgeroei. Ons kosbare inheemse spesies het beslis nou ’n beter kans op oorlewing in die Von Bach.
“Ek is seker ons nuwe voorsitter sal die NBAA tot nuwe hoogtes voer. Sterke aan Alec; ek is net ’n oproep ver as jy raad nodig het.
Die NBAA sê: “Ons wil graag vir Alec gelukwens as die nuwe voorsitter. Baie dankie aan Richard vir al jou harde werk en toewyding gedurende jou tydperk as voorsitter!
“Die NBAA het onder jou leiding met rasse skrede gegroei. Jy laat beslis ’n groot paar skoene om te vul! Alec ons wens jou net die beste toe en jy het ons volle ondersteuning.”
Alec Williams het by navraag aan die koerant gesê: “Ek glo ons sal ’n baie goeie hengelseisoen ná die laaste twee jaar se goeie reëns hê. Ek wil graag voortbou op die goeie werk wat deur die komitee deur die jare gedoen is. Ek was vir twee jaar nie op die komitee nie, maar sal binnekort my voete vind.”
– [email protected]
Kommentaar
Republikein
Geen kommentaar is op hierdie artikel gelaat nie