Uis se ‘Fly In’ een vir die rekordboeke

14 June 2019 | Sport
Die onlangse 2019 Fly In kompetisie, wat jaarliks op ’n klein aanloopbaan by Uis aangebied word, het ’n rekordgetal deelnemers gelok terwyl die grootste formasievlug in die land se aangetekende geskiedenis ook ’n groot hoogtepunt was.

Gemeet aan beide hierdie maatstawwe word die byeenkoms dus as ’n groot sukses bestempel.

Die Fly In is gereël deur LISAMA (Light Sport and Amateur-built Aircraft Association of Namibia) en is daarop gemik om ’n platform te bied vir vlieëniers van verskillende klein lugvaartuie om hul vaardighede ten toon te stel.

By die onlangse kompetisie was ’n totaal van 56 vliegtuie, helikopters en girokopters op die vliegveld by Uis geparkeer. Die getal deelnemers was dertig.

“Daar was ’n hele klomp toeskouers ook – meer as in vorige jare”, sê Heidi Snyman van LISAMA. “Ons is baie tevrede met hoe die dag afgeloop het.”

Die uitvoering van verskillende vaardigheids- en navigasietoetse het deel van die kompetisie gevorm, asook oefeninge om hul landings op sekere plekke uit te voer.

Die algehele wenners van vanjaar se kompetisie was Matthias en Nadia Braune. Flippie Opperman (senior) was tweede, gevolg deur Matthias Röttcher.

Ná afloop van die kompetisie het verskeie vlieëniers die skare vermaak met akrobatiese verbyvlugte. Die mees merkwaardige een was ’n formasievlug met altesame ses vliegtuie, wat die grootste formasie gevorm het wat nóg in Namibiese geskiedenis opgeteken is.

Soortgelyk

 

Man vas oor lewende ietermagô

13 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

16 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

1 dag gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

1 dag gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

1 dag gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

1 dag gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

1 dag gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

1 dag gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

1 dag gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...