Tweede sprinkaangolf en geen plaagdoder

Internasionale verskaffers sonder voorraad

19 March 2021 | Landbou
Ronelle Rademeyer – Namibië loop deur onder ’n tweede, erger golf van vernietigende rooi treksprinkane en die internasionale verskaffers van die aanvaarde en veilige biologiese plaagdoder wat met vliegtuie toegedien word, is uit voorraad.

Die swerms treksprinkane kom in die noordelike, sentrale en oostelike dele van die land voor, en beweeg nou suidwaarts, sê mnr. Calle Schlettwein, minister van landbou, water en grondhervorming, in ’n verklaring.

“Die mees doeltreffende wyse van bestryding onder die huidige omstandighede, is vanuit die lug,” sê hy en voeg by die ministerie het die biologiese plaagbeheermiddel bestel wat nie vir die omgewing nadelig is nie en goedgekeur is vir lugtoediening.

Aangesien verskeie Afrikalande tans sprinkaanplae beleef, het die Europese verskaffers van hierdie middel Namibië in kennis gestel dat hulle eers oor ses maande voorraad sal hê.

Die enigste verskaffer daarvan op die vasteland is in Marokko, en kan ook nie voorbly om dit aan kopers te lewer nie.

Volgens Schlettwein het die ministerie die hulp van ontwikkelingsvennote en die Verenigde Nasies se Voedsel- en Landbou-organisasie (FAO) ingeroep en hulle gevra vir bystand in die verskaffing van plaagdoder en toerusting om die uitbreking te bestry.

Schlettwein sê in die tussentyd gaan die ministerie voort om plaasbeheer op die grond toe te pas deur voertuie met sproeitoerusting toe te rus, asook mense te gebruik wat sproeihouers op hul rug dra.

Hy sê die hulp van die weermag en die nasionale jeugdiens is ingeroep om die mannekrag op die grond te versterk.

Hul opleiding, die logistieke beplanning, asook die aankoop van nog toerusting en persoonlike beskermde drag (PPE’s) sal spoedig geskied, sê die landbouminister.

Hy het ‘n beroep op gemeenskappe en ander belanghebbendes gedoen om in die stryd hierteen te help.

Gewasse en weiveld in Angola, Botswana, Namibië, Zambië en Zimbabwe word reeds sedert Mei 2020 deur ernstige sprinkaanplae bedreig. Skade aan somergewasse was tydens die eerste golf beperk aangesien die oes reeds afgehaal was, maar besproeiingsgewasse en die huidige seisoen se somergewasse word tans ernstig bedreig. Ongeveer 1,1 miljoen hektaar was teen Desember 2020deur swerms sprinkane oorval, het die Werkgroep vir Voedsel- en Voedingsekerheid (FSNWG) vroeër berig.
[email protected]

FOTO
Namibië beleef 'n tweede, erger golf van rooi treksprinkane midde 'n internasionale tekort aan biologiese plaagbestryders. Foto myaimreport.com

Soortgelyk

 

Robberts bly in aanhouding

11 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

11 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

11 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

11 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

11 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

11 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

11 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

11 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

11 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...