Twee vas vir moord op Daniele Ferrari

26 November 2020 | Misdaad
Ronelle Rademeyer - Twee mans van die Havana- informele nedersetting verskyn vandag in die Windhoek-landdroshof in verband met die wrede moord op mnr. Daniele Ferrari (52). Hy is vroeg die aand van 14 Julie vanjaar by Avisdam met 'n panga en ’n mes aangeval.

Die mans van onderskeidelik 33 en 32 jaar is Maandag omstreeks 19:00 in samewerking met lede van die polisie se spesiale tak in hegtenis geneem, het adj.komm. Kauna Shikwambi, nasionale polisiewoordvoerder, gister in ’n verklaring gesê.

Dit blyk hulle was vier dae voor die gewelddadige aanval op Ferrari, by ’n ander gewapende roof by dié dam betrokke. Die vrou wie aangeval is, se selfoon is onder meer geroof.

Dit blyk haar foon is teruggevind, terwyl wyle Ferrari se beursie, horlosie en sy broek se gordel ook in die mans se besit gevind is.

Die bevelvoerder van die polisie in die Khomasstreek, komm. Joseph Shikongo, het vroeër aan Republikein gesê die ondersoek het getoon die twee mans wat hom na bewering met ’n mes en panga vermoor het, het van Avisdam af oor Farm Windhoek weswaarts in die rigting van Staatshuis gevlug.

Ferrari, wat voorheen die eienaar van Windhoek Electrics was, se dood het skokgolwe deur die gemeenskap gestuur. Hy was ’n geliefde en gerespekteerder figuur in die bou- en konstruksiebedryf.

“Die polisie wil alle wetsgehoorsame burgers bedank vir inligting wat sedert die voorval aangemeld is, met die ondersoekers saamgewerk en inligting verskaf het wat tot hul inhegtenisneming gelei het,” het Shikwambi gesê. - [email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

3 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

19 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

19 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

19 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

19 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

19 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

19 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

19 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

19 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...