Twee vas oor 100 stukke ivoor

Twee tot vier groot tande opgekap

09 October 2019 | Misdaad
Francoise Steynberg



Die Blue Rhino-taakspan, onder leiding van die bekwame komm. Barry de Klerk, het verlede week 'n groot slag geslaan toe hulle glo twee Namibiese mans met 100 stukke ivoor vasgetrek het.

De Klerk het gister bevestig mnre. Tjaveondja Rusuvero (32) en Theopaldt Uaetuiihe (51) is verlede Donderdag in verband met vermoedelik twee tot vier groot olifanttande wat in 100 stukke opgekap is in Windhoek in hegtenis geneem.

“Die twee verdagtes is omstreeks 18:20 by die China Town-winkelsentrum in die noordelike nywerheidsgebied in hegtenis geneem toe hulle die stukke ivoor aan geheime speurders verkoop het,” het De Klerk aan Republikein gesê.

Rusuvero, van die Hakahana-woonbuurt in die hoofstad, en Uaetuiihe, van Okandjatu, het reeds op klagte van die onwettige besit van en handel in beheerde wildprodukte in die Windhoekse landdroshof in Katutura verskyn. Hulle bly in aanhouding.

Volgens die weeklikse wildmisdaadverslag van die Namibiese polisie se eenheid vir beskermde hulpbronne (PRU) en die ministerie van die omgewing en toerisme se eenheid vir intelligensie en ondersoeke is 11 Namibiese wildmisdaadverdagtes verlede week tussen 30 September en 6 Oktober in hegtenis geneem.

Vyf nuwe sake is aanhangig gemaak.



34 RENOSTERHORINGS

Twee verdagtes is in verband met renosterstropery of horingsmokkelary asook olifantstropery of ivoorsmokkelary in hegtenis geneem.

Een van die verdagtes, mnr. Viega Shipahu, is verlede Vrydag op Outjo deur die Blue Rhino-taakspan in hegtenis geneem.

Hy word daarvan aangekla dat hy 34 renosterhorings in Augustus uit die eienaar van 'n private wildreservaat langs die Etosha Nasionale Park se instapkluis in sy huis op Outjo gesteel het.

Mnr. Komanjongo Tjiumbua is Mnr. Komanjongo Tjiumbua is verlede Donderdag deur die Blue Rhino-taakspan in hegtenis geneem en word daarvan aangekla dat hy 'n renoster by Sesfontein gestroop het.



IETERMAGôS

Twee ietermagôkarkasse en vier ietermagôvelle is ook gekonfiskeer.

Op Rundu is mnr. Edward Shitarara verlede Dinsdag glo met een ietermagôkarkas en -vel tydens Operasie Kalahariwoestyn van Nampol in hegtenis geneem.

Op dieselfde dag en dorp is drie mans, mnre. Makazi Rigen, Kambinda Hausiku en Matamu Andrias, deur lede van Nampol, die Namibiese weermag en die ministerie van die omgewing en toerisme glo met een ietermagôvel in hegtenis geneem.

Mnre. Pollman Naibeb en Petriek Awaseb is op dieselfde dag op Grootfontein deur lede van die Blue Rhino-taakspan en Nampol glo in besit van een ietermagôvel vasgetrek.

Op Ndiyona in die Noordooste het Nampol-lede mnr. Haushiku Tjondo verlede Donderdag in verband met een ietermagôkarkas en -vel in hegtenis geneem.



HOFSAKE

Mnre. Fillipus Veeteni en Nafimane Hafeni het verlede Donderdag in 'n hof verskyn ná hulle glo met een olifanttand naby Epako vasgetrek is. Hulle bly in aanhouding.

Die borgtogverhoor van sewe vermeende renosterstropers en/of horingsmokkelaars het verlede Vrydag op Otjiwarongo plaasgevind en mnr. Eeno Anguwo is borgtog van N$10 000 toegestaan.

Sy ses medebeskuldigdes, mnre. Kaukamburua Tjingee, Sakeus Ekandjo, Tjipurua Vemukuta, Justus Embula, Isaskar Kadhila en Mairinyengiza Kanima bly in aanhouding.- [email protected]

Soortgelyk

 

Geen brandstof-tekort in Namibië verwag

11 minute gelede | Energie

Ronelle Rademeyer - Anders as in Suid-Afrika waar ’n tekort aan diesel tans beleef word, is Namibië se brandstofvoorraadvlakke nie onder druk nie.So sê mnr....

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...