Twee sussies, 14 A’s

10 January 2017 | Onderwys
Tanja Bause – In 2013 het Mienke van der Westhuizen matriek met sewe onderskeidings geslaag. Drie jaar later het haar suster Jana presies dieselfde reggekry.

Mienke het BRek aan die Universiteit van Stellenbosch gaan studeer en in Desember haar graad met lof behaal. Nou gaan sy haar honneurs doen om ’n geoktrooieerde rekenmeester te kan wees.

“Ek het nog altyd van wiskunde en rekenkunde op skool gehou. As ’n gekwalifiseerde geoktrooieerde rekenmeester het ’n mens baie geleenthede en sal ek ook saam met mense werk,” sê Mienke.

Jana gaan vanjaar ook BRek op Stellenbosch studeer.

“Ek wou aanvanklik ’n fisioterapeut word, maar ek hou van syfers en het toe ook besluit om BRek te studeer. Dit aan dieselfde universiteit as my suster is, maar ons is darem in verskillende koshuise,” sê Jana.

Dit is nie net op skool wat die susters uitblink nie.

Jana het agt jaar lank aan ritmiese gimnastiek deelgeneem. Sy was selfs die afgelope drie jaar ’n afrigter. Sy het ook ballet gedoen en aan die einde van 2016 was sy deel van die Mary Poppins-verhoogstuk wat by Namibië se Nasionale Teater opgevoer is.

Ousus Mienke het op laerskool ook ballet geneem. Tydens haar hoërskoolloopbaan het sy moderne dansklasse en klavierlesse geneem.

Beide susters was op die leerlingraad van hul skool.

“Ek was net op die leerlingraad, maar Jana het dit verder gevat - sy was hoofmeisie van Windhoek Afrikaanse Privaatskool,” sê Mienke.

Volgens beide susters het hul tyd op die leerlingraad hulle heelwat lewensvaardighede geleer.

“Die groepswerk wat ’n mens op die leerlingraad leer doen, help mens ook in die lewe vorentoe. Ek kon alles wat ek geleer het toepas op die universiteit se koshuiskomitee. Ons reël sosiale byeenkomste en werk as ’n groep saam,” sê Mienke.

Dié slim sussie glo ’n mens kan nie net heeltyd leer nie.

“Jy sal van jou kop af raak as jy net leer en agter die boeke sit. Tydsbestuur, vriende en familie is baie belangrik. Jy moet ’n balans tussen leer, plesier, sosiale bedrywighede en buitemuurse aktiwiteite handhaaf.

"Om sulke goeie punte te behaal verg harde werk en toewyding die hele jaar deur. Jy kan nie net voor die eksamen begin leer en dink jy sal goed doen nie. Jy moet die hele jaar deur die ure insit,” sê sy.

“Dit is die Here se genade dat ons so goed doen. As jy die vermoë het om goed te doen, moet jy dit ten volle gebruik. Jy moet jouself motiveer en selfdissipline toepas. Stel vir jou ’n doelwit en maak seker jy bereik dit. Maak nie saak wat jou doelwit is nie: sport, kultuur of akademies. Sit die tyd in en bereik dit,” sê Jana.

“As jy ’n talent vir iets gekry het, moet jy dit ten volle benut. Jy moet hard werk. Niks kom vanself nie. Alles is moontlik as jy dit wil bereik,” voeg Mienke by.

Beide susters het ook gesê hul groot ondersteuningsnetwerk, bestaande uit hul ouers, vriende en familie, het hulle baie gehelp het om hul doelwitte te bereik.

Soortgelyk

 

Kunene styg steeds

12 ure gelede | In beeld

Die Kunenerivier vloei sterk en gemeenskappe word steeds gewaarsku om waaksaam te wees. Vrydag het die Kunenerivier by Ruacana teen sowat 1 182,4 kubieke meter...

Twee kragstasies op Husab gebou

12 ure gelede | Energie

Augetto Graig - Swakop Uranium se yslike Husab-uraanmyn het onlangs twee nuwe kragstasies getoets en in werking gestel. Dít is deur mnr. Percy McCallum, visepresident...

‘Interdik mag nie korrupsie toesmeer’

12 ure gelede | Howe

Ronelle Rademeyer - Die inligting waaroor die weekblad The Patriot wil berig, is anders as wat die Sentrale Intelligensiediens van Namibië (NCIS) en die regering...

Kort nuus

12 ure gelede | Misdaad

HavanaDriejarige se liggaam gevind Die liggaam van die driejarige seun wat saam met sy ma, me. Saima Thomas (32), verlede Maandagaand deur 'n kitsvloed in...

Geen borgtog vir vrou wat nefie (3) glo met...

12 ure gelede | Howe

Francoise Steynberg - ’n Driejarige seuntjie se tannie, wat daarvan beskuldig word dat sy hom met 'n stok doodgeslaan het, is Vrydag borgtog in die...

Dubbele SADC-troika vergader

12 ure gelede | Regering

Die Suider-Afrikaanse Ontwikkelingsgemeenskap (SADC) se dubbele troika van staatshoofde hou môre ‘n spitsberaad in Luanda, in Angola. Die spitsberaad bestaan uit staatshoofde of hul verteenwoordigers...

Weer vir 23 April 2018

12 ure gelede | Weer

WEERWAAK: Koue toestande word môre in die Suide verwag. Die nodige voorsorgmaatreëls moet getref word.BINNELAND: Gedeeltelik bewolk en baie warm in die verre Suide en...

Verwarring oor taxistaking

12 ure gelede | Arbeid

Maria Eiseb - Hoewel die president van die Namibië Vervoer- en Taxivakbond (NTTU), mnr. Werner Januarie, gesê het taxi’s gaan vandag staak, sê die sekretaris-generaal...

Kragtarief styg met 5%

12 ure gelede | Energie

Augetto Graig - Die Elektrisiteitsbeheerraad (ECB) het Vrydag die nasionale kragverskaffer, NamPower, toestemming gegee om die tarief vir die verskaffing van elektrisiteit op groot skaal...