Twee meisies (9), een vrou verkrag

Twee gewapende rooftogte

11 September 2018 | Misdaad
Francoise Steynberg



Volgens die Namibiese polisie se misdaadverslag is twee negejarige meisies en 'n vrou (53) glo die naweek verkrag.

Volgens die verslag is een negejarige meisie Vrydag op Tallismanus in die Omahekestreek glo deur 'n 54-jarige man verkrag en die ander meisie Saterdag deur 'n 36-jarige man op Gaichanas naby Tses in die ||Kharasstreek.

Twee verdagtes is in hegtenis geneem. Die 54-jarige man sal vandag in die hof verskyn.

Saterdag tussen 17:00 en 18:00 is 'n vrou (53) in Rehoboth se Blok G glo deur 'n 19-jarige man van agter gegryp toe sy deur 'n rivierbedding gestap het.

"Hy het haar voor sy 20-jarige vriend verkrag. Sy is later deur ander mense gered en hospitaal toe geneem waar sy in 'n stabiele toestand verkeer," sê die polisie.

Die verdagte en sy vriend is in hegtenis geneem en die polisieondersoek duur voort.

Twee gewapende rooftogte het die naweek in Windhoek plaasgevind. Een was Vrydag omstreeks 21:00 in Goldenstraat in Cimbebasia toe drie mense in 'n voertuig gesit het en glo deur vier onbekende verdagtes met 'n vuurwapen gedreig en aangeval is.

"Die verdagtes het hul besittings geëis en met die voertuig, 'n bruin Mercedes Benz ML350 met 'n Angolese registrasiemerk, op die vlug geslaan,' sê die polisie.

Die voertuig is Saterdag omstreeks 03:30 by Havana se stortingsterrein naby die Laerskool Havana gevind.

“Ander gesteelde goedere wat aan die drie insittendes behoort het, soos selfone, bankkaarte en 'n onbekende bedrag kontant, is nog nie gevind nie,” sê die polisie.

Niemand is al in hegtenis geneem nie.

Die ander gewapende rooftog het Sondag omstreeks 19:00 in die veld naby Prosperita plaasgevind waar mnr. Antonio Walter (40) besig was om sy dooie hond te verbrand.

“Drie mans het hom aangeval en met 'n vuurwapen aangehou. Hulle het met sy bakkie, 'n wit Toyota Hilux D4D, op die vlug geslaan waarin sy .22-geweer en 'n rewolwer was,” sê die polisie.

Die voertuig is 'n uur later verlate langs die spoorlyn in dieselfde gebied gevind, maar die vuurwapens is steeds soek.



IETERMAGô EN VELLE

'n Sekuriteitswag (56) is Vrydag omstreeks 11:30 by die padblokkade tussen Windhoek en Okahandja glo in die besit van een lewende ietermagô en twee ietermagôvelle betrap.

Hy sal aangekla word van die onwettige besit van en handel in beheerde wildprodukte.

Vyf mans het Vrydag omstreeks 22:00 glo vee op die plaas Klein Zania naby Leonardville in die Hardap­streek gesteel en op hul voertuig gelaai.

“Die verdagtes is tydens 'n nag­patrollie met vyf bokke en drie skape ter waarde van N$7 400 in hul besit gevind,” sê die polisie.



WEERMAGLID VAS OOR DAGGA

'n Lid van die Namibiese weermag (NDF) wat by Luiperdsvallei gestasio­neer is en 'n 32-jarige man is in besit van dagga ter waarde van N$20 000 betrap.

Hulle is Sondag omstreeks 16:00 by 'n huis in Sinaistraat in Katutura in hegtenis geneem.

Die polisieondersoek duur voort.

Op Oshakati word 'n saak van roekelose en nalatige bestuur ondersoek nadat mnr. Petrus Kathindi (25) Vrydag omstreeks 23:35 naby die Okandjengedi-brug raakgery is toe hy oor die pad wou stap.

“Hy het ernstige kopbeserings opgedoen, maar is in 'n stabiele toestand in die Oshakati-staatshospitaal,” sê die polisie.

Niemand is in hegtenis geneem nie en die ondersoek duur voort.

Soortgelyk

 

Hepatitis E woed landswyd voort

20 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

20 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

20 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

20 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

20 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

20 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

20 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

20 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

20 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...