Twee mans glo by winkelsentrum geskiet
Die afgelope naweek moes die polisie bontstaan tussen verdrinkings, selfmoorde en ’n beweerde verkragting.
Twee mans, wat na bewering onder die invloed van alkohol was, het op Woensdag 17 Mei by die Katutura-staatshospitaal met skietwonde in hul mae opgedaag.
Die mans, een 26 en die ander van ’n onbekende ouderdom, het beweer hulle is deur ’n onbekende man by die Grove-winkelsentrum in Windhoek geskiet. Die ondersoek duur voort.
’n Vrou is glo Saterdag omstreeks 18:00 in die bosse naby 'n sjebeen in die Tsintsabis-nedersetting verkrag. Die 26-jarige slagoffer was saam met haar suster by die sjebeen. Die twee vroue het later na nabygeleë bosse gegaan om te urineer toe die slagoffer se voormalige kêrel haar glo gegryp en verkrag het. Die verdagte is aan die polisie bekend, maar is steeds op vrye voet.
Die liggaam van die 20-jarige Festus Uyake is in die bosse agter die Havana-nedersetting gevind waar hy homself gehang het. Intussen is die liggaam van nog 'n man Saterdagmiddag in sy motor deur 'n verbyganger in die bosse in die Kleine Kuppe-omgewing gevind. Na bewering het die man, wat nog nie geïdentifiseer is nie, homself in die motor vergas. Die polisie het die publiek gevra om met sy identifikasie te help.
In die Havana-nedersetting in Windhoek is 'n 25-jarige man in sy linkerskouer geskiet terwyl hy na die Kambaka-kroeg op pad was. Hy is in 'n kritieke toestand in die hospitaal opgeneem. Die polisie versoek dat enigeen wat inligting oor die voorval het, met die Wanaheda-polisiestasie in verbinding tree.
Twee gevalle van verdrinking is verlede week by die Namibiese polisie aangemeld.
Op Woensdag 17 Mei, omstreeks 14:05, is ’n onbekende vrou se liggaam in die Kavangorivier langs die Nkenda-kamp naby die Karayi- informele nedersetting in die omgewing van Nkurenkuru gevind.
Volgens die polisie is haar liggaam in ’n gevorderde stadium van ontbinding en haar identiteit en ouderdom is onbekend. Die lyk word in Nankudu se staatslykshuis in die Kavango-Wesstreek gehou.
Omstreeks 15:00 op dieselfde dag het ’n 12-jarige seun, Nicky Kashindi, in Wanaheda in die hoofstad verdrink toe hy gaan swem het. Sy naasbestaandes is oor sy dood ingelig.
Die ontbinde liggaam van ’n bejaarde man is op Woensdag 17 Mei omstreeks 15:00 in sy woonstel in Swakopmund by Marlene Court in die nywerheidsgebied ontdek.
Volgens die polisie se misdaadverslag het die woonstelkompleks se tuinier en bure die polisie ingelig oor ’n slegte reuk wat uit die woonstel kom. Die polisie moes ’n venster breek om toegang tot die woonstel te kry, want alle deure was gesluit.
Die 81-jarige oorledene het alleen gewoon en is glo drie weke laas gesien. Sy lyk is na die lykshuis op Walvisbaai geneem vir ’n nadoodse ondersoek. Geen vuilspel word vermoed nie.
Die mans, een 26 en die ander van ’n onbekende ouderdom, het beweer hulle is deur ’n onbekende man by die Grove-winkelsentrum in Windhoek geskiet. Die ondersoek duur voort.
’n Vrou is glo Saterdag omstreeks 18:00 in die bosse naby 'n sjebeen in die Tsintsabis-nedersetting verkrag. Die 26-jarige slagoffer was saam met haar suster by die sjebeen. Die twee vroue het later na nabygeleë bosse gegaan om te urineer toe die slagoffer se voormalige kêrel haar glo gegryp en verkrag het. Die verdagte is aan die polisie bekend, maar is steeds op vrye voet.
Die liggaam van die 20-jarige Festus Uyake is in die bosse agter die Havana-nedersetting gevind waar hy homself gehang het. Intussen is die liggaam van nog 'n man Saterdagmiddag in sy motor deur 'n verbyganger in die bosse in die Kleine Kuppe-omgewing gevind. Na bewering het die man, wat nog nie geïdentifiseer is nie, homself in die motor vergas. Die polisie het die publiek gevra om met sy identifikasie te help.
In die Havana-nedersetting in Windhoek is 'n 25-jarige man in sy linkerskouer geskiet terwyl hy na die Kambaka-kroeg op pad was. Hy is in 'n kritieke toestand in die hospitaal opgeneem. Die polisie versoek dat enigeen wat inligting oor die voorval het, met die Wanaheda-polisiestasie in verbinding tree.
Twee gevalle van verdrinking is verlede week by die Namibiese polisie aangemeld.
Op Woensdag 17 Mei, omstreeks 14:05, is ’n onbekende vrou se liggaam in die Kavangorivier langs die Nkenda-kamp naby die Karayi- informele nedersetting in die omgewing van Nkurenkuru gevind.
Volgens die polisie is haar liggaam in ’n gevorderde stadium van ontbinding en haar identiteit en ouderdom is onbekend. Die lyk word in Nankudu se staatslykshuis in die Kavango-Wesstreek gehou.
Omstreeks 15:00 op dieselfde dag het ’n 12-jarige seun, Nicky Kashindi, in Wanaheda in die hoofstad verdrink toe hy gaan swem het. Sy naasbestaandes is oor sy dood ingelig.
Die ontbinde liggaam van ’n bejaarde man is op Woensdag 17 Mei omstreeks 15:00 in sy woonstel in Swakopmund by Marlene Court in die nywerheidsgebied ontdek.
Volgens die polisie se misdaadverslag het die woonstelkompleks se tuinier en bure die polisie ingelig oor ’n slegte reuk wat uit die woonstel kom. Die polisie moes ’n venster breek om toegang tot die woonstel te kry, want alle deure was gesluit.
Die 81-jarige oorledene het alleen gewoon en is glo drie weke laas gesien. Sy lyk is na die lykshuis op Walvisbaai geneem vir ’n nadoodse ondersoek. Geen vuilspel word vermoed nie.
Kommentaar
Republikein
Geen kommentaar is op hierdie artikel gelaat nie