Twee juniors laat wiel tussen Kaapse wingerde

Tielman van LillTwee junior ryers van die Cymot-bergfietsspan, Daniel Hahn en Kevin Lowe, het Saterdag en Sondag in die Wes-Kaap behoorlik stof in hul mededingers se gesigte getrap.Hahn en Lowe het Saterdag naby Durbanville by die Bloemendal-wynlandgoed aan die elite Suid-Afrikaanse XCO-bekerreeks (UCI kategorie 2) deelgeneem en die Sondag hul segetog by dieselfde venue by die Westelike Provinsie XCO-byeenkoms in die o.16-afdeling voortgesit.Beide dae was warm met temperature van meer as 30 grade Celsius en Sondag het 'n sterk wind vir stof en ekstra weerstand gesorg. Heelwat ryers wat aan die begin te vinnig die vyf kilometer-rondtes weggespring het, moes later weens uitputting halt roep.Die twee vlieënde Namibiërs het nie 'n haarbreedte vir enigiemand teruggestaan nie en mekaar deurentyd tot die einde van die roete (4x 5 km) gejaag. Hahn het Saterdag die eerste plek (46 minute 51 sekondes) teen gerekende Suid-Afrikaanse o.16-bergfietsryers behaal met Lowe (48.45) kort op sy hake.Die derde plek het aan 'n Suid-Afrikaanse ryer, Alec Coleske (49.58), behoort wat twee minute ná Hahn sy voorwiel oor die eindstreep gedruk het.Sondag was dit Lowe se beurt en hy raap die eerste posisie met 13 sekondes voor Hahn op. Lowe se wentyd (46.18) was 2 minute 27 sekondes beter as sy tyd die vorige dag op dieselfde roete.Hahn (46.31) was self 38 sekondes vinniger as sy vorige dag se wentyd. Derde was die einste Coleske (48.43) wat opnuut nie teen die Cymot-ryers kon kers vashou nie.TRISTAN DE LANGETristan de Lange, wat Sondag in die pro-elite-afdeling deelgeneem het, het die gedugte Matt Beers, die vorige dag se wenner, in sy visier gehad. Net soos die vorige dag wys Beers egter sy agterwiel vir die res van die veld en eindig in 1:21:13 eerste met De Lange vyfde in 1:24.30. De Lange het die Saterdag sewende in 1:24.42 klaargemaak, terwyl Beers met 1:21.57 vir die sirkelroete van 35 km ingeklok het.De Lange het in die eerste SA XCO-bekerbyeenkoms (uit vyf) by die Waterberg in die Limpopo-provinsie die vierde plek ingeneem en dit met die elfde posisie in Gauteng opgevolg nadat hy weens tegniese probleme baie tyd verloor het.– tielman@republikein.com.na

Twee juniors laat wiel tussen Kaapse wingerde

Kommentaar

Republikein 2026-06-10

Meld asseblief aan om kommentaar te lewer

Twee juniors laat wiel tussen Kaapse wingerde

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.