Twee in helikopterongeluk beseer

21 April 2017 | Ongelukke
Tanja Bause – 'n Hughes 300-helikopter met registrasie V5-HEH het Vrydag omstreeks 16:40 in 'n boom vasgevlieg. Die ongeluk het op die plaas Môrester, sowat 30 kilometer van die Buitepos-grenspos af, plaasgevind. Twee insittendes was aan boord van die helikopter. Dié inligting is vervat in 'n verslag wat deur mnr. Erickson Nengola, direkteur van vliegtuigondersoeke in die ministerie van werke en vervoer, vrygestel is.

Volgens kapt. Oskar Plichta, hoofondersoekbeampte van die direktoraat, het die helikopter opgestyg om wild uit die lug met 'n pylgeweer te verdoof. Die 29-jarige passasier het die pylgeweer beman.

“Die helikopter het nie met impak aan die brand geslaan nie, maar is heeltemal verwoes,” het Plichta gesê.

Volgens hom het mense op die grond hulle na die ongelukstoneel gehaas en die 27-jarige vlieënier en sy passasier uit die wrak gehaal.

Die beseerdes is in voertuie gelaai en na die Gobabis-staatshospitaal geneem. Die helikopter het aan mnr. Jannie Swart van Etosha Helikopters, wat vir wildvangdoeleindes gebruik word, behoort.

’n Woordvoerder van die Namibiese polisie, inspekteur Pendukeni Haikali, het mnr. Namlil Bradley as die vlieënier en mnr. Wouter Barnard as die passasier geïdentifiseer.

Soortgelyk

 

'n Lewe gekenmerk deur vaste beginsels

2 dae gelede | Mense

Estelle de Bruyn - 'n Ryk en vol lewe, 'n lewe wat gekenmerk is deur vaste beginsels, iemand wat hom nooit laat voorskryf het deur...

Ya Toivo: Tyd vir groet breek aan

2 dae gelede | Mense

Roubeklaers en hoëlui het hulle plekke ingeneem by die Onafhanklikheidstadion in Olympia waar die gedenkdiens vir die vryheidstrydikoon mnr. Herman Andimba Toivo ya Toivo nou...

Lloyd Zandberg: Midas-Hofnar

2 dae gelede | Kuns en vermaak

BL3: Die Ventertjies en Heidi kom kuierBL8: Sit vonkel in jou strompel

Jooste: 'SOE's se wittebrood is verby'

2 dae gelede | Vervoer

Francoise Steynberg - Die minister van staatsondernemings (SOE's), mnr. Leon Jooste, het dit gistermiddag duidelik gestel dat korrupsie by regeringsmaatskappye nie geduld sal word nie....

Resessie wurg Namibië

2 dae gelede | Maatskaplik

Jo-Maré Duddy - Die ekonomie wat in die eerste kwartaal vanjaar sowat N$750 miljoen armer was as in dieselfde drie maande in 2016, het Namibië...

Kalender 23 Junie

2 dae gelede | Kuns en vermaak

Nou aan die gang» Pak vandag ’n piekniekmandjie en raak deel van die eerste WINE ON TAP by die MegaCentre in Windhoek. Daar gaan onbeperkte...

Tronkmoord: trio gevonnis

2 dae gelede | Howe

Jacqueline Louw - In ’n uitspraak wat gister in die hoërhof in Windhoek gelewer is, het regter Dinnah Usiku vir Herman Rukero (28), Benedictus Afrikaner...

Kabinet besluit teen invoer van gevaarlike afval

2 dae gelede | Regering

Augetto Graig - Die kabinet het tydens hul onlangse vergadering besluit om die invoer van gevaarlike afval van ontwikkelde lande teen te staan.Dít deur die...

Weer vir 23 Junie

2 dae gelede | Weer

BINNELAND: Aanvanklik gedeeltelik bewolk en koud in die oggend oor die //Kharasstreek, maar later sonnig en matig. Elders sal dit sonnig en matig tot warm...