Turbulente tye vir Air Nam

Redery: Ons doen sake soos altyd

31 May 2019 | Vervoer
Catherine Sasman - Air Namibia sê die operasionele uitdagings wat hy tans beleef is te wyte aan die swak ekonomiese omstandighede wat alle regeringsinstellings raak en hou vol sake gaan soos normaalweg voort.

Die nasionale redery ontken nie dat hy die laaste twee maande sy sowat 700 werknemers se pensioenbydraes van tussen N$3 en N$4 miljoen nie aan die administrateur Alexander Forbes oorbetaal het nie.

Hy ontken ook nie inligting deur bronne dat vlieëniers nie meer reis- en verblyftoelaes ontvang nie.

“Hierdie is moeilike en uitdagende tye; nie net vir Air Namibia nie, maar vir die hele land. Die regering het ook uitdagings, insluitend die druk weens die droogte wat ons beleef,” was al wat die redery se woordvoerder, mnr. Paul Nakawa, in reaksie op vrae hieroor wou sê.

VLIEGTUIE

Ingeligte bronne het aan Republikein gesê Air Namibia sukkel om sy vliegtuie in die lug te hou. Hulle beweer net vyf van die redery se vloot van 10 vliegtuie is tans in gebruik, terwyl die ander weens tegniese probleme nie in gebruik is nie.

Nakawa sê sewe van die 10 vliegtuie is in ‘n bruikbare toestand. Volgens hom ondergaan twee van die Airbus A319’s en een van die Embraer ERJ 135’s geskeduleerde instandhoudingswerk. Hy sê een van die A319’s ondergaan ‘n sogenaamde C-diens in Siprus en kan dus nie gebruik word nie.

‘n C-diens word elke 20 tot 24 maande gedoen of ná ‘n sekere aantal vliegure soos deur die vervaardiger bepaal word. Dit is ‘n meer volledige en uitgebreide diens as die B-diens en vereis dat ‘n groot deel van die vlietuig se onderdele en komponente ondersoek word, verduidelik hy.

Volgens hom is die vertraging in die herstel van die vliegtuie te wyte aan die beskikbaarheid van sekere onderdele wat ’n geruime tyd neem om te lewer. Nakawa sê die werk is egter nou afgehandel en die vliegtuig sal teruggestuur word sodra dit afgeteken is.

Die ander A319, sê hy, is in Johannesburg gediens en ook daar was vertragings aangesien ‘n sekere onderdeel bekom moes word.

“Tussendeur het ons een of twee ander vliegtuie gehad wat vir kort tydperke (een tot drie dae) nie in gebruik was nie weens tegniese probleme. Daardie vliegtuie is terug in gebruik sodra die foute herstel is. Dit is deurlopende en normale praktyk,” het Nakawa gesê.

Hy het beweringe ontken dat een van die A319’s wat glo ‘n fout het en as ‘n sogenaamde “geen vlug-item” beskou word, steeds in bedryf is.

“Ons vlieg in ooreenstemming met regulasies wat die veiligheid van ons passasiers, werknemers en die algemene publiek verseker en dit kan onder geen omstandighede in die gedrang gebring word nie. Jou bron se inligting is vals en kwaadwillig,” het Nakawa gesê.

Hy het ook beweringe deur ingeligte bronne ontken wat aanvoer een van die Embraers in die vliegtuiglooss word vir onderdele vir die ander Embraers gebruik. Air Namibia huur die Embraers in sy vloot en is nie die eienaar daarvan nie.

Verder word aangevoer een van die twee Airbus A330-vliegtuie wat op die Windhoek-Frankfurt-roete gebruik word, staan met ‘n stukkende voorruit by die Internasionale Lughawe Hosea Kutako.

Nakawa het erken die ruit is vanweë ‘n “verhittingsprobleem” beskadig en moet vervang word.

Hy sê die ruit is uit Europa bestel en moes in Johannesburg ingesit word. Volgens hom sou dit die afgelope Maandag herstel word en weer in gebruik gewees het.

Soortgelyk

 

Hardap-sluise nóg groter getrek

2 dae gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

2 dae gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

2 dae gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

2 dae gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

2 dae gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

2 dae gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

2 dae gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

2 dae gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

2 dae gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...