Tuis op Stampriet
Tanja Bause
Op 'n heuwel in Stampriet staan die Historical Guesthouse en kyk oor die klein dorpie uit. Op sy dag, in 1972, was dit 'n gewone woonhuis. Mnr. Ponk O'Kennedy het die huis 17 jaar gelede gekoop en in 'n gastehuis omskep.
“Hy het al die boere in die omgewing gevra of hulle nie iets antiek in hul huise het wat hulle dalk aan die gastehuis wil skenk nie. Die reaksie was oorweldigend en baie mense het goed geskenk. Dit is wat ons nou hier uitstal en dit is wat daarvan 'n historiese gastehuis maak,” het me. Irene Zondagh, die huidige eienaar van die gastehuis, gesê.
Zondagh besit die gastehuis al die afgelope sewe jaar.
Volgens haar is daar iets antiek vir almal by die gastehuis te sien.
“Ons gebruik die artikels in die gastehuis. Dit is nie 'n museum nie. Die goed is nie agter glas of weggesluit in kaste nie. Ons gebruik byvoorbeeld die teekoppies vir die gaste om uit te drink. Ons gebruik baie van die artikels in ons daaglikse dekor wat ek gereeld verander,” het sy gesê.
In die ingangsportaal staan 'n groot mahoniebuffet, wat ook Zondagh se gunstelingstuk is.
“Die kas is deur my skoonpa, Connie Zondagh, in Somerset-Wes in die Kaap gekoop. Hy het die huis met die kas in gekoop en dit met sy terugkoms Namibië toe saamgebring en aan my geskenk.”
Wat die mahoniebuffet, wat oorspronklik in Italië gemaak is, so besonders maak, is dat hy al oor die 180 jaar oud is. Die kas het aan die bekende operasangeres Cecilia Wessels behoort. In die vroeë negentigs het sy in verskillende operas oorsee opgetree en selfs die medalje van eer van die Suid-Afrikaanse Akademie vir Wetenskap en Kuns in 1959 ontvang.
Die Historical Guesthouse spog nie net met 'n skatkis van oudhede nie, dit bied gaste ook die beste varsgebakte wortelkoek. Mense kan selfs 'n koek bestel vir hul kind, wat 'n verjaardag alleen, weg van ma en pa, in die koshuis moet vier.
Die tuin is nog iets waarop Zondagh baie trots is. Dit is 'n lafenis en gaste kan onder die druiweprieel sit en hul koffie geniet.
Daar is ook 'n klein geskenkwinkel wat handgemaakte artikels van die mense van die omgewing verkoop. Ook word handgemaakte kleiprodukte van me. Petro Hayman, Zondagh se dogter, hier verkoop.
Hayman het al van haar stukke in die Kaap uitgestal en daar verkoop.
“Ons probeer om 'n huislike gevoel hier by die gastehuis te skep. Ons woon self ook hier in die gastehuis. Dit maak nie saak waar in die wêreld jy vandaan kom nie - hier by ons is jy tuis.”
Op 'n heuwel in Stampriet staan die Historical Guesthouse en kyk oor die klein dorpie uit. Op sy dag, in 1972, was dit 'n gewone woonhuis. Mnr. Ponk O'Kennedy het die huis 17 jaar gelede gekoop en in 'n gastehuis omskep.
“Hy het al die boere in die omgewing gevra of hulle nie iets antiek in hul huise het wat hulle dalk aan die gastehuis wil skenk nie. Die reaksie was oorweldigend en baie mense het goed geskenk. Dit is wat ons nou hier uitstal en dit is wat daarvan 'n historiese gastehuis maak,” het me. Irene Zondagh, die huidige eienaar van die gastehuis, gesê.
Zondagh besit die gastehuis al die afgelope sewe jaar.
Volgens haar is daar iets antiek vir almal by die gastehuis te sien.
“Ons gebruik die artikels in die gastehuis. Dit is nie 'n museum nie. Die goed is nie agter glas of weggesluit in kaste nie. Ons gebruik byvoorbeeld die teekoppies vir die gaste om uit te drink. Ons gebruik baie van die artikels in ons daaglikse dekor wat ek gereeld verander,” het sy gesê.
In die ingangsportaal staan 'n groot mahoniebuffet, wat ook Zondagh se gunstelingstuk is.
“Die kas is deur my skoonpa, Connie Zondagh, in Somerset-Wes in die Kaap gekoop. Hy het die huis met die kas in gekoop en dit met sy terugkoms Namibië toe saamgebring en aan my geskenk.”
Wat die mahoniebuffet, wat oorspronklik in Italië gemaak is, so besonders maak, is dat hy al oor die 180 jaar oud is. Die kas het aan die bekende operasangeres Cecilia Wessels behoort. In die vroeë negentigs het sy in verskillende operas oorsee opgetree en selfs die medalje van eer van die Suid-Afrikaanse Akademie vir Wetenskap en Kuns in 1959 ontvang.
Die Historical Guesthouse spog nie net met 'n skatkis van oudhede nie, dit bied gaste ook die beste varsgebakte wortelkoek. Mense kan selfs 'n koek bestel vir hul kind, wat 'n verjaardag alleen, weg van ma en pa, in die koshuis moet vier.
Die tuin is nog iets waarop Zondagh baie trots is. Dit is 'n lafenis en gaste kan onder die druiweprieel sit en hul koffie geniet.
Daar is ook 'n klein geskenkwinkel wat handgemaakte artikels van die mense van die omgewing verkoop. Ook word handgemaakte kleiprodukte van me. Petro Hayman, Zondagh se dogter, hier verkoop.
Hayman het al van haar stukke in die Kaap uitgestal en daar verkoop.
“Ons probeer om 'n huislike gevoel hier by die gastehuis te skep. Ons woon self ook hier in die gastehuis. Dit maak nie saak waar in die wêreld jy vandaan kom nie - hier by ons is jy tuis.”
Kommentaar
Republikein
Geen kommentaar is op hierdie artikel gelaat nie