Tsumeb-betogings ontwrig hofverrigtinge
Nghuulivali werk steeds terwyl ’n interne dissiplinêre proses uitgestel is.
Catherine Sasman – Meer as ’n honderd woedende betogers het verrigtinge by die landdroshof op Tsumeb tot stilstand gedwing en geëis dat hoofinsp. Bernhard Nghuulivali nie borgtog kry nie.
Nghuulivali word daarvan aangekla dat hy die 17-jarige Hendrik Eiseb in Februarie doodgeskiet het.
Hy het vlugtig voor landdros Rubin Mutuku verskyn en die saak is vir verdere ondersoek tot 30 Julie uitgestel.
“Ons is baie kwaad,” het een van die betogers, me. Sharon Arabes, oor die ontwrigting by die hof gesê.
“Ons wil weet hoekom Nghuulivali borgtog gekry het.”
Volgens haar is die betogers van die hof weggelei na ’n ander kantoor van die ministerie van justisie. Met hul terugkeer het Nghuulivali reeds verskyn.
Die betogers het toe na die plaaslike tronk beweeg waar hulle daarop aangedring het dat alle verhoorafwagtendes vrygelaat word, omdat Nghuulivali toegelaat is om dit te doen.
Nghuulivali werk steeds terwyl ’n interne dissiplinêre proses uitgestel is. Die betogers het voor die polisiestasie op ’n regverdige verhoor in die Nghuulivali-saak aangedring en gevra vir ’n landdros van buite Windhoek om die saak te hanteer.
Nghuulivali word daarvan aangekla dat hy die 17-jarige Hendrik Eiseb in Februarie doodgeskiet het.
Hy het vlugtig voor landdros Rubin Mutuku verskyn en die saak is vir verdere ondersoek tot 30 Julie uitgestel.
“Ons is baie kwaad,” het een van die betogers, me. Sharon Arabes, oor die ontwrigting by die hof gesê.
“Ons wil weet hoekom Nghuulivali borgtog gekry het.”
Volgens haar is die betogers van die hof weggelei na ’n ander kantoor van die ministerie van justisie. Met hul terugkeer het Nghuulivali reeds verskyn.
Die betogers het toe na die plaaslike tronk beweeg waar hulle daarop aangedring het dat alle verhoorafwagtendes vrygelaat word, omdat Nghuulivali toegelaat is om dit te doen.
Nghuulivali werk steeds terwyl ’n interne dissiplinêre proses uitgestel is. Die betogers het voor die polisiestasie op ’n regverdige verhoor in die Nghuulivali-saak aangedring en gevra vir ’n landdros van buite Windhoek om die saak te hanteer.
Kommentaar
Republikein
Geen kommentaar is op hierdie artikel gelaat nie