Trustfonds vir sebraslang-teengif gestig

18 December 2018 | Gesondheid
Francoise Steynberg - Op klein Deon Heunis de Wet (2) se tragiese sterfdag 12 November vanjaar, ná hy sy stryd teen ’n sebraslangbyt verloor het, het sy pa, mnr. Louw de Wet, 'n trustfonds vir die ontwikkeling van teengif teen sebraslangbyt gestig.

Die trustfonds staan bekend as die Deon Heunis de Wet Anti-Venom Trust (DHATF) en is niewinsgewend.

"Die hoofdoel van die trustfonds is die ontwikkeling van 'n teengif teen sebraslangbyt. Die trust sal ook alle toepaslike navorsing rakende bakteriese infeksie weens slangbyt ondersteun," sê De Wet.

"As die finansiële vermoë van die fonds sterk genoeg is en die hoofdoel is bereik, sal die DHATF uitgebrei kan word om op ander slangteengif te verbeter. Slegs toerusting verwant aan dié doelwitte mag uit die fonds aangekoop word," sê De Wet.

Hy sê as daar genoeg geld in die fonds is, sal skenkings waar nodig gemaak word, en sal dit moontlik aangewend word om minderbevoorregte mense in landelike gebiede met medisyne en fondse te help.

Die trustees van die fonds is De Wet, mnr. Johann Weyhe en dr. Christo Buys, wat slagoffers van slangbyt al dekades lank behandel.

Die rekeningbesonderhede van die trust is Deon Heunis de Wet Anti-Venom Trust, Bank Windhoek, Maerua Mall-tak, takkode 483-872, rekeningnommer 8012 405 695.

Deon Heunis de Wet is op 7 November die aand in sy bed in hul huis op die Elisenheim-landgoed noord van Windhoek deur 'n sebraslang op sy regteroog gebyt.

Hy het teen alle verwagting 108 uur lank teen die gif geveg, wat twee volwasse mans kan doodmaak.

Soortgelyk

 

Mense uit 33 lande onder 157 rampslagoffers

4 ure gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

7 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

braai en wen groot met . . .

1 dag gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...