Trump se stralers kos US$3,9 miljard
Pres. Donald Trump en Boeing het glo 'n informele ooreenkoms aangegaan vir twee nuwe vliegtuie wat deel van die Air Force One-program sal vorm.
Die vliegtuie sal die Amerikaanse belastingbetalers US$3,9 miljard kos.
Hogan Gidley, 'n woordvoerder vir die Withuis, sê die ooreenkoms sal die belastingbetaler US$1,4 miljard bespaar.
Dit is teenoor die oorspronklike skatting wat dit sou kos om twee presidensiële vliegtuie te koop en toe te rus.
Trump het voorheen die koste van die program gekritiseer en gedreig om die bestelling te kanselleer.
Hy het later gespog dat hy Boeing gedruk het om die koste te verlaag.
Die lugmag sê hy het in 2016 geld bespaar toe die president 'n ooreenkoms met die vliegtuigvervaardiger vir twee 747-stralers, wat voorheen vir Rusland bestem was, gesluit het.
Die stralers is teen “afslag” aangebied.
“Pres. Trump het namens Amerikaners 'n goeie ooreenkoms onderhandel,” sê Boeing in 'n twiet.
Dit is nog nie duidelik presies wat die voordele vir die belastingbetaler is nie.
Die president se begrotingsversoek, wat op 12 Februarie gepubliseer is, vra dat US$3,95 miljard tot 2023 bestee word om twee Boeing 747-8 stralers in te rig sodat dit “ 'n presidensiële missie waardig is”.
Vanjaar word daar US$434,1 miljoen vir dié program begroot.
Opgraderings
Baie van die koste vir die vliegtuie is vir duur en ingewikkelde veranderinge wat vereis word om Boeing se ikoniese boggelrugstralers in vlieënde forte te omskep wat Amerikaanse presidente reg oor die wêreld vervoer.
Luidens die begrotingsdokument kry die vliegtuie dubbele kraghulptoestelle, eerder as die een elektriese kragstelsel wat standaard is vir kommersiële stralers, saam met 'n komplekse kommunikasiestelsel, werk- en slaapplek vir Trump en sy gesin, hysbakke om die instap te vergemaklik, sy eie selfverdedigingstelsel en ander funksies.
Koste
Gerugte oor presies wat die vliegtuie gaan kos, wissel sedert Trump Boeing die eerste keer in Desember 2016 oor die koste daarvan gekritiseer het.
Hy het toe getwiet: “Koste buite beheer, meer as US$4 miljard. Kanselleer die bestelling!”
Trump het in Februarie 2017 gesê die lugmag sou binnekort 'n kontrak vir US$4,2 miljard vir die vliegtuie onderteken en dat “ons die prys met meer as US$1 miljard afgestry het”.
Die lugmag het toe gesê hy weet nie na watter besparings die president verwys nie.
Die lugmag het ook gesê hy het nie 'n vasgestelde koste vir die program nie.
– Netwerk24/Bloomberg, verwerk
Die vliegtuie sal die Amerikaanse belastingbetalers US$3,9 miljard kos.
Hogan Gidley, 'n woordvoerder vir die Withuis, sê die ooreenkoms sal die belastingbetaler US$1,4 miljard bespaar.
Dit is teenoor die oorspronklike skatting wat dit sou kos om twee presidensiële vliegtuie te koop en toe te rus.
Trump het voorheen die koste van die program gekritiseer en gedreig om die bestelling te kanselleer.
Hy het later gespog dat hy Boeing gedruk het om die koste te verlaag.
Die lugmag sê hy het in 2016 geld bespaar toe die president 'n ooreenkoms met die vliegtuigvervaardiger vir twee 747-stralers, wat voorheen vir Rusland bestem was, gesluit het.
Die stralers is teen “afslag” aangebied.
“Pres. Trump het namens Amerikaners 'n goeie ooreenkoms onderhandel,” sê Boeing in 'n twiet.
Dit is nog nie duidelik presies wat die voordele vir die belastingbetaler is nie.
Die president se begrotingsversoek, wat op 12 Februarie gepubliseer is, vra dat US$3,95 miljard tot 2023 bestee word om twee Boeing 747-8 stralers in te rig sodat dit “ 'n presidensiële missie waardig is”.
Vanjaar word daar US$434,1 miljoen vir dié program begroot.
Opgraderings
Baie van die koste vir die vliegtuie is vir duur en ingewikkelde veranderinge wat vereis word om Boeing se ikoniese boggelrugstralers in vlieënde forte te omskep wat Amerikaanse presidente reg oor die wêreld vervoer.
Luidens die begrotingsdokument kry die vliegtuie dubbele kraghulptoestelle, eerder as die een elektriese kragstelsel wat standaard is vir kommersiële stralers, saam met 'n komplekse kommunikasiestelsel, werk- en slaapplek vir Trump en sy gesin, hysbakke om die instap te vergemaklik, sy eie selfverdedigingstelsel en ander funksies.
Koste
Gerugte oor presies wat die vliegtuie gaan kos, wissel sedert Trump Boeing die eerste keer in Desember 2016 oor die koste daarvan gekritiseer het.
Hy het toe getwiet: “Koste buite beheer, meer as US$4 miljard. Kanselleer die bestelling!”
Trump het in Februarie 2017 gesê die lugmag sou binnekort 'n kontrak vir US$4,2 miljard vir die vliegtuie onderteken en dat “ons die prys met meer as US$1 miljard afgestry het”.
Die lugmag het toe gesê hy weet nie na watter besparings die president verwys nie.
Die lugmag het ook gesê hy het nie 'n vasgestelde koste vir die program nie.
– Netwerk24/Bloomberg, verwerk
Kommentaar
Republikein
Geen kommentaar is op hierdie artikel gelaat nie