Trump se skoonseun kry toppos in Withuis

11 January 2017 | Internasionaal
Donald Trump het sy skoonseun, Jared Kushner, wat een van die sleutelfigure in die aangewese Amerikaanse president se verkiesingsveldtog was, beloon deur hom aan te wys as ’n senior adviseur in die Withuis.

Kushner gaan volgens lede van Trump se oorgangspan fokus op handel en die Midde-Ooste.

Kushner (35) is getroud met Trump se dogter Ivanka.

Die jong sakemagnaat het die pos aanvaar nadat hy regsadvies ingewin het dat die aanstelling nie landswette oortree wat daarop gemik is om nepotisme teen te werk nie.

Die Demokrate wil egter hê die besluit moet hersien word, en dat die departement van justisie in detail na die wetlike aspekte van die aanstelling moet kyk.

Die pos vereis, anders as kabinetsposte, nie die goedkeuring van die Amerikaanse senaat nie en Kushner sal nie betaling ontvang nie.

Trump het in ’n verklaring gesê Kushner was ’n reusebate en ’n betroubare raadgewer tydens sy verkiesingsveldtog.

Kushner is nes sy skoonpa ook ’n eiendomsontwikkelaar in New York en was betrokke by amper elke aspek van die veldtog, insluitende personeelbesluite, strategie en fondsinsameling.

Ivanka, wat ook gereeld tydens sy veldtog aan haar pa se sy was, gaan nie ’n pos in die Withuis beklee nie, maar sal eerder daarop fokus om haar gesin in Washington te vestig. Die egpaar het drie kinders.

Volgens Kushner se prokureur sal hy bedank as hoof van sy eiendomsontwikkelingsmaatskappy en as uitgewer van die koerant New York Observer.

Kushner en sy vrou sal moet afsien van ’n beduidende hoeveelheid van hul bates uit hul wye verskeidenheid van finansiële portefeuljes terwyl hulle voorberei op die skuif Washington toe.

Kushner sal nou met Reince Priebus, die inkomende personeelhoof van die Withuis, en Steve Bannon, senior strateeg saamwerk.

Trump word op 20 Januarie as president ingehuldig. - Netwerk24/Reuters

Soortgelyk

 

Nog ‘n bejaarde op Swakopmund vermoor

1 dag gelede | Misdaad

Die ligaam van ‘n 78-jarige man is vanoggend deur lede van die Namibiese polisie by sy huis op Swakopmund in die Vineta-woonbuurt gevind. Volgens hoofinsp....

Ongeluk buite Okahandja

1 dag gelede | Ongelukke

'n Bakkie met 'n sleepwa met beeste was vanoggend buite Okahandja in 'n ongeluk betrokke.Die ongeluk het sowat 10 km noord van Okahandja op die...

Toeriste se veiligheid van belang

2 dae gelede | Toerisme

Die minister van die omgewing en toerisme, mnr. Pohamba Shifeta, het vanoggend tydens 'n nuuskonferensie in die hoofstad aangekondig dat 'n spesiale polisie-eenheid vir toeristeveiligheid...

Tienjarige vir moord ondersoek

2 dae gelede | Misdaad

Die polisie in die Noorde ondersoek 'n saak van moord nadat 'n 10-jarige seun na bewering die bure se vierjarige seun versmoor het deur sand...

Bouwerk aan Neckartaldam gestaak

2 dae gelede | Ministeries

Ronelle RademeyerKonstruksiewerk aan die Neckartaldam buite Keetmanshoop is gister vir die tweede keer in vier maande gestaak aangesien die minister van landbou, water en bosbou...

Sonder stene word Uis 'n broodlose dorp

2 dae gelede | Plaaslik

Des ErasmusVir 'n geskatte 2 000 afhanklikes van die unieke steenbedryf op Uis gaan die brood van hul tafels verdwyn wanneer gedwonge isolasie Namclay se...

Weer, Vrydag 18 Augustus 2017

2 dae gelede | Weer

BINNELAND: Aanvanklik baie koud, maar andersins mooiweer en koud tot matig. In die Noorde sal dit warm tot baie warm wees.KUS: Sonnig en warm in...

Omaruru pure perd met tentedorp

2 dae gelede | Kuns en vermaak

Des ErasmusKamp Runnik noem die ­organiseerders van Omaruru se Kunsroete die tente­kommune waarmee behuisingsnood in die dorp se hoogtepunt van die jaar aangespreek gaan word....

Chinese beskuldigde in miljarde se bedrogsaak verbeur borggeld

2 dae gelede | Howe

Jacqueline Louw – Een van die sewe Chinese burgers wat saam met ’n Walvisbaaise sakeman tereg staan op klagte wat verband hou met ’n N$3,5...