Trump se planne met staal, aluminium ongewild

Wil heffings van 25% en 10% instel

05 March 2018 | Ekonomie
Die Amerikaanse president gaan na verwagting volgende week ’n amptelik bevel vir die instelling van invoertariewe van onderskeidelik 25% en 10% op staal en aluminium onderteken.

Hy het nog geen besonderhede oor die plan – soos of sekere produkte of lande vrygestel gaan word nie – bekend gemaak nie.

“Ons gaan tariewe op staal- en aluminium-invoer hef,” het pres. Donald Trump Donderdag in die Withuis aan direkteure uit die metaalsektor gesê.

“Ons sal dit volgende week onderteken en dus gaan julle die eerste keer in ’n lang tyd beskerming hê.”

Trump het verskeie opsies oorweeg om die invoer van staal en aluminium te beperk nadat die departement van handel bevind het die invoer van dié twee hulpbronne bedreig die land se eie sekuriteit.

Van die VSA se vennote, soos Japan, is egter hewig daarteen gekant.

“Staal- en aluminiuminvoer uit Japan bedreig geensins die sekerheid van die bedryf in die VSA nie,” sê Hiroshige Seko, minister van handel van dié land.

Kanada – die grootste buitelandse verskaffer van staal aan die VSA – sê die maatreëls is onaanvaarbaar, terwyl die Europese Unie onderneem het om binne die volgende paar dae “sterk te reageer” met teenmaatreëls ingevolge die reëls van die Wêreldhandelsorganisasie.

Volgens Trump sal die maatreëls almal ’n gelyke kans gee, en dit makliker vir Amerikaanse maatskappye maak om uit te brei en werkers in diens te neem.

Mike Ferraro, uitvoerende hoof van Alumina in Melbourne, Australië, sê die hoër tariewe kan beteken dat Amerikaanse aluminiumaanlegte besiger gaan word.

Volgens inligting van Harbor Intelligence is daar bykomende kapasiteit vir sowat 490 000 ton wat nie tans gebruik word nie.

Chinese staalvervaardigers is egter glad nie ingenome met die plan nie.

Li Xinchuang, adjunkvoorsitter van die Chinese yster-en-staalvereniging, sê “dit is ’n dom handelsbeskermingsmaatreël wat net die VSA swakker in plaas van sterker sal maak”.

Die kredietgradeerder Moody’s Investor Service waarsku die beleid kan verreikende gevolge vir die VSA hê.

Atsi Sheth, ’n besturende direkteur by Moody’s, waarsku dat die VSA se mededingendheid en innovasie met verloop van tyd skade kan ly weens beskermende handelsbeleid.

Suid-Afrika

Suid-Afrika pas ook invoertariewe op sommige staalprodukte toe om die plaaslike mark te beskerm.

’n Invoertarief van 12% word op warmgewalste staal toegepas. Dit het in 2017 van krag geword en geld drie jaar.

In die tweede jaar sal dit tot 10% en in die derde jaar tot 8% daal. - Netwerk24

Soortgelyk

 

Theo Mujoro is nuwe hoof van verkiesings

6 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

7 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

7 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

8 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

8 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

20 ure gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

20 ure gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

20 ure gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

20 ure gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...