Trump erken Russe sit wel agter kuberkrakery

10 January 2017 | Internasionaal
Donald Trump aanvaar die Amerikaanse intelligensiegemeen­skap se gevolgtrekking dat Rusland agter die kuberaanvalle tydens Amerika se presidentsverkiesing sit, sê sy aangewese personeelhoof.

Die land se aangewese president kan moontlik optree in reaksie daarop.

Reince Priebus, Trump se aangewese personeelhoof, sê Trump glo Rusland het by die Demokratiese party se rekenaarstelsels ingebreek.

Priebus het egter nie uitgestippel of Trump glo die kuberkrakery is in opdrag van die Russiese president, Wladimir Poetin, uitgevoer nie.

“Hy aanvaar entiteite in Rusland was in hierdie spesifieke geval betrokke, dus is dit nie die kwessie nie,” het Priebus op Fox News Sunday gesê.

Dit was die eerste keer dat 'n senior lid van Trump se span erken het Rusland was agter die kuberkraking en die daaropvolgende onthulling van die Demokrate se e-posse tydens die presidentsverkiesing in 2016.

Trump het vroeër volgehou die Amerikaanse presidentsverkiesing is nie deur die Russe se inmenging in die land se rekenaarstelsels geraak nie.

Trump het eers dié beweringe afgemaak asook aantygings dat Rusland sodoende probeer het om hom te help om die verkiesing te wen. Hy het gesê dit kon net so wel China gewees het of 'n oorgewig kuberkraker in sy bed.

Met minder as twee weke voor sy amptelike inhuldiging as president, het Trump onder toenemende druk uit Republikeinse geledere gekom om die intelligensiegemeenskap se bevindinge oor die Russiese kuberkraking te aanvaar asook ander pogings deur Moskou om die verkiesing te beïnvloed.

'n Belangrike toets vir die Republikeinse steun vir Trump kom vandeesweek. Die eerste bevestigingsverhore oor sy keuses vir sy kabinet vind plaas.

In 'n Amerikaanse intelligensieverslag is verlede week gesê Poetin het 'n gesofistikeerde veldtog, wat kuber­aanvalle insluit, van stapel gestuur om Hillary Clinton, die Demokrate se kandidaat, te verguis en om Trump te steun.

Die verslag is in opdrag van Barack Obama, die uittredende president, saamgestel. Volgens die verslag is bevind dat stemgetalle nie deur die Russe se inmenging beïnvloed is nie, maar dit kon nie bepaal word of dit die uitslag van die stemmery op enige ander manier geraak het nie.

Trump is Vrydag deur die hoofde van die Amerikaanse intelligensieagent­skappe oor die volledige geklassifiseerde verslag ingelig.

- Netwerk24/Reuters

Soortgelyk

 

Theo Mujoro is nuwe hoof van verkiesings

17 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

19 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

19 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

19 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...