Trop ysbere neem Russiese eiland oor

11 February 2019 | Internasionaal
Inwoners van ’n afgeleë Russiese eiland het splinternuwe probleme nadat ’n trop ysbere die eiland oorgeneem het.

Owerhede op Nova Zembla, noord van Rusland in die Arktiese Oseaan, het ’n noodtoestand afgekondig nadat al hoe meer inwoners deur die bere aangeval is en die diere begin het om huis binne te dring.

Sowat 2 500 mense woon op die eiland, wat gedurende die Koue Oorlog ’n geheime militêre basis was.

Die bere, wat weens klimaatsverandering in groot getalle na eilande soos Nova Zembla vlug, word nie meer deur patrollies of waarskuwingskote afgeskrik nie.

Ysbere is ’n bedreigde spesie en dit is onwettig om die diere te jag. Die federale omgewingsagentskap het spesiale toestemming geweier dat owerhede op die eiland die bere van kant mag maak. ’n Drastiese oplossing word nou dringend gesoek, sê amptenare.

Inwoners van die eiland se grootste nedersetting het reeds 52 individuele bere getel wat tussen huise en sakeondernemings rondloop. Tussen ses en tien bere het hulself permanent in die dorp tuisgemaak, berig die BBC.

Vyf bere woon ook nou houtgerus by ’n militêre garnisoen waar ’n lugmagbasis gesetel is.

In ’n verklaring sê Wigansja Moesin, plaaslike administratiewe hoof, dit is die ergste indringing van ysbere wat hy tot nog toe gesien het. Hy woon sedert 1983 op die eiland.

“Mense is bang om hul huis te verlaat en hul daaglikse roetine word onderbreek,” sê hy.

Ouers weier om hul kinders skool toe te neem.

Omdat die ys weens klimaatsverandering so vinnig in die Arktiese gebied smelt, word ysbere gedwing om na eilande te vlug op soek na kos en skuiling.

Hoewel die bere op Nova Zembla tot dusver nog niemand doodgemaak het nie, is van die inwoners al aangeval. – Netwerk24

Soortgelyk

 

Wilde perde: Jongste vul reeds aangeval

4 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

4 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

4 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

4 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

4 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

4 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

4 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

4 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

4 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...