Tronkmoord: Trio skuldig
Bewysstukke, nadoodse ondersoek en moordenaars se eie getuienis lewer deurslag.
Regter Dinnah Usiku het drie gevangenes van die Windhoek-gevangenis aan die moord op 'n medegevangene skuldig bevind.
Hulle is daarvan aangekla dat hulle 'n medegevangene in 2012 met voorbedagte rade vermoor het na 'n liefdesverhouding skeefgeloop het.
In 'n uitspraak wat op 7 Februarie in die hoërhof gelewer is, is Herman Rukero, Benedictus Afrikaner en Maleachi Seibeb ook op klagte van dwarsboming van die gereg skuldig bevind.
Dit omdat hulle ander gevangenes gedreig het om te swyg oor die moord op Eddy Gomxob, so nie sou hulle aangerand word.
Regter Usiku het gesê daar bestaan geen redelike twyfel dat die beskuldigdes die misdade waarvan hulle aangekla is, gepleeg het nie.
Sy het ook Seibeb se weergawe dat hy die ander twee se aanval op die oorledene probeer keer het, verwerp.
“Die forensiese bewysstukke van dr. Simasiku Kabandje, wat die nadoodse ondersoek op Gomxob gedoen het, kom ooreen met die staatsgetuies se weergawes.
“Die dokter het bevind die beserings aan die oorledene se nek is deur 'n stomp voorwerp veroorsaak, wat ooreenstem met die getuies se weergawe dat hulle Seibeb gesien het waar hy aanhoudend op die oorledene se kop getrap het, terwyl hy op die vloer in die badkamer gelê het.
“Daar is geen twyfel dat hy kop in een mus met die ander twee was nie.
“Rukero en Afrikaner ontken nie dat hulle die oorledene gesteek het nie - dit is duidelik dat hulle dit verskeie kere gedoen het met die opset om hom dood te maak,” het Usiku gesê.
Gomxob is met twee skerpgemaakte ystervoorwerpe gesteek. Die nadoodse ondersoek het getoon dat een van die voorwerpe deur sy longslagaar gegaan het, wat moontlik sy dood veroorsaak het.
Boonop kon die houe teen sy kop tot swelling van die brein gelei het, wat ook sy dood kon veroorsaak.
Die regter het gesê bewyse is gelewer dat 'n homoseksuele verhouding met Afrikaner, Seibeb en Rukero bestaan het.
Boonop het dit aan die lig gekom dat Rukero steeds in 'n verhouding met Gomxob was ten tyde van sy dood, hoewel Rukero beweer het hy het dit beëindig en dat die oorledene dit nie wou aanvaar nie.
“Bewysstukke wat voor die hof gedien het, dui aan die seksuele verhoudings kon jaloesie teenoor Gomxob laat opvlam het, wat daartoe gelei het dat hulle hom vermoor het,” het die regter gesê.
“Die oorledene is deur Rukero na sy sel gelok onder die voorwendsel dat hulle 'n inkopielys moet opstel. Daarna het hulle na die badkamer gegaan, waarna Afrikaner hulle gevolg het en hy Rukero gevind het waar hy vir Gomxob aanval.
“Afrikaner het toe ook vir Gomxob begin aanval, sonder dat die oorledene hom enige aanleiding daartoe gegee het. Hy het erken dat hy die oorledene meer as een keer gesteek het.
“Rukero gee voor dat hy in selfverdediging opgetree het nadat Gomxob hom eerste geslaan het, maar sê terselfdertyd dat hy Gomxob kon oorweldig. Hy het egter steeds voortgegaan om hom verskeie kere met 'n skerp voorwerp te steek, al was hy nie meer in gevaar nie.
“Die nadoodse ondersoek dui aan dat die oorledene 11 keer in 'n kwesbare deel van die liggaam, sy borskas, gesteek is. Ander beserings is aan die oorledene se kop waargeneem. Hulle was roekeloos,” het die regter gesê.
Verder het sy gesê Seibeb se weergawe dat hy nie die oorledene aangeval het nie, kan nie waar wees nie. Onder die omstandighede word dit verwerp. Boonop is die drie beskuldigdes gesien waar hulle saam sit ná Gomxob se dood.
Hulle is daarvan aangekla dat hulle 'n medegevangene in 2012 met voorbedagte rade vermoor het na 'n liefdesverhouding skeefgeloop het.
In 'n uitspraak wat op 7 Februarie in die hoërhof gelewer is, is Herman Rukero, Benedictus Afrikaner en Maleachi Seibeb ook op klagte van dwarsboming van die gereg skuldig bevind.
Dit omdat hulle ander gevangenes gedreig het om te swyg oor die moord op Eddy Gomxob, so nie sou hulle aangerand word.
Regter Usiku het gesê daar bestaan geen redelike twyfel dat die beskuldigdes die misdade waarvan hulle aangekla is, gepleeg het nie.
Sy het ook Seibeb se weergawe dat hy die ander twee se aanval op die oorledene probeer keer het, verwerp.
“Die forensiese bewysstukke van dr. Simasiku Kabandje, wat die nadoodse ondersoek op Gomxob gedoen het, kom ooreen met die staatsgetuies se weergawes.
“Die dokter het bevind die beserings aan die oorledene se nek is deur 'n stomp voorwerp veroorsaak, wat ooreenstem met die getuies se weergawe dat hulle Seibeb gesien het waar hy aanhoudend op die oorledene se kop getrap het, terwyl hy op die vloer in die badkamer gelê het.
“Daar is geen twyfel dat hy kop in een mus met die ander twee was nie.
“Rukero en Afrikaner ontken nie dat hulle die oorledene gesteek het nie - dit is duidelik dat hulle dit verskeie kere gedoen het met die opset om hom dood te maak,” het Usiku gesê.
Gomxob is met twee skerpgemaakte ystervoorwerpe gesteek. Die nadoodse ondersoek het getoon dat een van die voorwerpe deur sy longslagaar gegaan het, wat moontlik sy dood veroorsaak het.
Boonop kon die houe teen sy kop tot swelling van die brein gelei het, wat ook sy dood kon veroorsaak.
Die regter het gesê bewyse is gelewer dat 'n homoseksuele verhouding met Afrikaner, Seibeb en Rukero bestaan het.
Boonop het dit aan die lig gekom dat Rukero steeds in 'n verhouding met Gomxob was ten tyde van sy dood, hoewel Rukero beweer het hy het dit beëindig en dat die oorledene dit nie wou aanvaar nie.
“Bewysstukke wat voor die hof gedien het, dui aan die seksuele verhoudings kon jaloesie teenoor Gomxob laat opvlam het, wat daartoe gelei het dat hulle hom vermoor het,” het die regter gesê.
“Die oorledene is deur Rukero na sy sel gelok onder die voorwendsel dat hulle 'n inkopielys moet opstel. Daarna het hulle na die badkamer gegaan, waarna Afrikaner hulle gevolg het en hy Rukero gevind het waar hy vir Gomxob aanval.
“Afrikaner het toe ook vir Gomxob begin aanval, sonder dat die oorledene hom enige aanleiding daartoe gegee het. Hy het erken dat hy die oorledene meer as een keer gesteek het.
“Rukero gee voor dat hy in selfverdediging opgetree het nadat Gomxob hom eerste geslaan het, maar sê terselfdertyd dat hy Gomxob kon oorweldig. Hy het egter steeds voortgegaan om hom verskeie kere met 'n skerp voorwerp te steek, al was hy nie meer in gevaar nie.
“Die nadoodse ondersoek dui aan dat die oorledene 11 keer in 'n kwesbare deel van die liggaam, sy borskas, gesteek is. Ander beserings is aan die oorledene se kop waargeneem. Hulle was roekeloos,” het die regter gesê.
Verder het sy gesê Seibeb se weergawe dat hy nie die oorledene aangeval het nie, kan nie waar wees nie. Onder die omstandighede word dit verwerp. Boonop is die drie beskuldigdes gesien waar hulle saam sit ná Gomxob se dood.
Kommentaar
Republikein
Geen kommentaar is op hierdie artikel gelaat nie