Tristan wys hy is Afrika-tierkat; silwer vir Miller
'n Val om die eerste draai kon nie vir Tristan de Lange van die goue medalje weghou nie.
Andrew Poolman - Namibië het sy eerste goue en silwermedalje van die Afrika-spele in Marokko ingepalm, te danke aan die bergfietsryers Tristan de Lange en Alex Miller in die veldresies.
Dié twee het gister deurgaans aan die voorpunt gejaag, maar ná twee rondtes saam het De Lange weggebreek om uiteindelik sowat 45 sekondes voor Miller klaar te maak. Hul tydverskil voor die volgende ryer was meer as vier minute.
Met elf lande se ryers in die resies oor sewe rondes (totaal 35 km), het dit vir 'n lang tyd gelyk asof Namibië eerste, tweede en derde kon klaarmaak, want Xavier Papo het ook sterk meegeding vir die bronsmedalje voordat hy uiteindelik deur 'n Tunisiër, Maher Habouria, verbygesteek is en vierde klaargemaak het.
De Lange se prestasie is selfs meer indrukwekkend wanneer in ag geneem word dat hy reeds om die eerste draai saam met ander jaers in 'n val betrokke was.
Hy het gelukkig nie baie tyd verloor nie, maar moes wel van naby die agterste helfte terugveg – wat hy voor die einde van die eerste ronde reggekry het. Hy is ook nie ernstig beseer nie, hoewel hy met 'n verband om sy voorarm sy goue medalje op die podium gaan ontvang het.
Die 22-jarige De Lange se tweestryd met die jonger Miller (18) is gewis 'n opwindende vooruitsig vir Namibiërs om te aanskou. Miller het in April vanjaar die bronsmedalje by die Afrika-kampioenskap in Windhoek verower en het sodoende vir die land 'n enkele plek na volgende jaar se Olimpiese Spele in Tokio verseker.
Die nasionale afrigter, Hans du Toit, sê: “Twee medaljes vir Namibiese fietsry – dis hoekom ons hier is. Ons is baie tevrede met die vertoning en sien uit na Vrydag se marathon-bergfietsresies, waar ons dieselfde vier ryers sal inspan (Danzel de Koe was gister 13de).
“Xavier se voortdurende verbetering is ook baie verblydend.”
De Lange sê: “Vir my persoonlik is hierdie 'n groot oorwinning. My jaar sover was nie van die beste nie, met verskeie terugslae en gesondheidskwessies, maar my harde werk het vrugte afgewerp en ek is verheug om weer terug op dreef te wees.”
Volgens hom het die Namibiërs nie vooraf geweet hoe sterk die kompetisie sou wees nie, maar was nietemin vol vertroue in hul medaljekanse.
“Kort ná die wegspring was daar 'n skerp draai na links. 'n Ander ryer het my van die kant af getref en ek het neergeploeg.
“Ek was amper heel agter, maar ek het elke opening gebruik om die gaping na die voorlopers in te haal. Dit het darem gewerk.”
“My spanmaats het uitstekend gery en ons is baie bly oor hoe dinge uitgewerk het. Ek is bly om die goud terug na Namibië te kan bring.”
Die Namibiese padfietsspan in die tydtoets en padresies is eers volgende week in aksie.
Dié twee het gister deurgaans aan die voorpunt gejaag, maar ná twee rondtes saam het De Lange weggebreek om uiteindelik sowat 45 sekondes voor Miller klaar te maak. Hul tydverskil voor die volgende ryer was meer as vier minute.
Met elf lande se ryers in die resies oor sewe rondes (totaal 35 km), het dit vir 'n lang tyd gelyk asof Namibië eerste, tweede en derde kon klaarmaak, want Xavier Papo het ook sterk meegeding vir die bronsmedalje voordat hy uiteindelik deur 'n Tunisiër, Maher Habouria, verbygesteek is en vierde klaargemaak het.
De Lange se prestasie is selfs meer indrukwekkend wanneer in ag geneem word dat hy reeds om die eerste draai saam met ander jaers in 'n val betrokke was.
Hy het gelukkig nie baie tyd verloor nie, maar moes wel van naby die agterste helfte terugveg – wat hy voor die einde van die eerste ronde reggekry het. Hy is ook nie ernstig beseer nie, hoewel hy met 'n verband om sy voorarm sy goue medalje op die podium gaan ontvang het.
Die 22-jarige De Lange se tweestryd met die jonger Miller (18) is gewis 'n opwindende vooruitsig vir Namibiërs om te aanskou. Miller het in April vanjaar die bronsmedalje by die Afrika-kampioenskap in Windhoek verower en het sodoende vir die land 'n enkele plek na volgende jaar se Olimpiese Spele in Tokio verseker.
Die nasionale afrigter, Hans du Toit, sê: “Twee medaljes vir Namibiese fietsry – dis hoekom ons hier is. Ons is baie tevrede met die vertoning en sien uit na Vrydag se marathon-bergfietsresies, waar ons dieselfde vier ryers sal inspan (Danzel de Koe was gister 13de).
“Xavier se voortdurende verbetering is ook baie verblydend.”
De Lange sê: “Vir my persoonlik is hierdie 'n groot oorwinning. My jaar sover was nie van die beste nie, met verskeie terugslae en gesondheidskwessies, maar my harde werk het vrugte afgewerp en ek is verheug om weer terug op dreef te wees.”
Volgens hom het die Namibiërs nie vooraf geweet hoe sterk die kompetisie sou wees nie, maar was nietemin vol vertroue in hul medaljekanse.
“Kort ná die wegspring was daar 'n skerp draai na links. 'n Ander ryer het my van die kant af getref en ek het neergeploeg.
“Ek was amper heel agter, maar ek het elke opening gebruik om die gaping na die voorlopers in te haal. Dit het darem gewerk.”
“My spanmaats het uitstekend gery en ons is baie bly oor hoe dinge uitgewerk het. Ek is bly om die goud terug na Namibië te kan bring.”
Die Namibiese padfietsspan in die tydtoets en padresies is eers volgende week in aksie.
Kommentaar
Republikein
Geen kommentaar is op hierdie artikel gelaat nie