Tristan slaan hard terug in Olimpiese stryd
Die tafel is gedek vir 'n stryd soos min tussen Tristan de Lange en Alex Miller by komende naweek se nasionale kampioenskap.
Andrew Poolman – Tristan de Lange het die pap dik aangemaak om Saterdag 'n belangrike oorwinning te behaal in die Olimpiese wedloop tussen hom en Alex Miller as die land se verteenwoordiger in bergfietsry by die Tokio-spele volgende jaar.
Twee naweke tevore in die eerste byeenkoms van die Nedbank Rock & Rut-reeks was daar deurgaans min te kies, totdat De Lange in die finale lopie eindstreep toe die knie teen Miller moes buig.
De Lange (Team Danste) het egter gewaarsku dat hy sy les geleer het om nie weer sy eindpoging so laat te los nie en Saterdag in resies nr. 2 by Farm Windhoek het hy van die begin af 'n hoë tempo gehandhaaf.
Dit het vrugte afgewerp toe hy tydens baanrondte 3 (uit ses) daarin kon slaag om Miller (Mannie's Bike Mecca) af te skud. Die jonger uitdager kon nie die pas volhou of die agterstand inhaal nie en het uiteindelik met meer as 'n minuut verskil in die tweede posisie klaargemaak.
Met hierdie uitslag is die tafel behoorlik gedek vir komende naweek se nasionale veldresieskampioenskap, ook geborg deur Nedbank, wat by dieselfde terrein beslis sal word.
De Lange, wenner van die goue medalje by laas jaar se Afrika-spele in Marokko, het agterna gesê sy strategie was van die begin af duidelik.
“Ek was aangedryf deur die honger om sake reg te stel ná die vorige uitslag. Ek het met oop kaarte weggespring om van vroeg af die pap dik aan te maak en te sien waartoe dit lei.”
De Lange sê hy het tydens die eerste twee harde rondtes sake deurgekyk en het in die derde baanrondte 'n tweede asem gevind om die pas nog meer te versnel en die deurslaggewende gaping te skep.
“As jy die resies vergelyk met Wêreldbeker-byeenkomste oorsee – daar is geen ruskans in enige stadium nie. Jou hartritme is 180 per minuut van die begin tot die einde en dit was my taktiek. Dit is wat in die Olimpiese Spele vereis sal word of as jy oorsee mededingend wil wees – om so diep te grawe as wat jy kan, vir so lank as wat jy kan.
“Dis wat ek vandag gedoen het en ek glo elke resies behoort so te wees. Dit het vandag vrugte afgewerp.”
Soos altyd was De Lange en Miller agterna heel respekvol teenoor mekaar en het uitgewys dat dit elke keer 'n voorreg is om kragte te meet.
“Dis altyd opwindend, want ons vertonings is gewoonlik bykans identies. Ons onderlinge kompetisie is beslis goed vir bergfietsry in Namibië en stel die voorbeeld vir die jonger ryers om harder te ry en dieper te grawe,” het De Lange gesê.
Miller wou nie verskonings voorhou nie en het bloot beklemtoon dat hy na dese meer uitsien na die volgende groot kans – komende naweek se nasionale kampioenskap waarin hy die heersende titelhouer is.
“'n Mens moet maar net die afdae in berekening hou; dis alles deel van die sport. Die wedloop vir die Olimpiese posisie het maar nog pas begin en ek sien uit na die oorblywende resiese.”
Op sosiale media het hy verklaar: “Dit was 'n harde dag met die silinders wat nie soos gewoonlik wou reageer nie. Hou in gedagte dis die sukkeltye wat die latere oorwinnings soeter maak.”
Xavier Papo (1 uur 50 minute) was derde ná De Lange (1:32:15) en Miller (Team Hollard, 1:33:26), terwyl Heinrich Köhne (Cycledelic) as die enigste ander elite mansryer tydens sy derde rondte moes tou opgooi.
VORSTER SEIL VOORT
Michelle Vorster (Davin Sporttrust) het dit twee uit twee in die resies vir elite vroue gemaak.
As enigste aanspraakmaker om die land by die Olimpiese Spele volgende jaar in Japan te verteenwoordig, was Vorster weer in 'n wedren teen haarself aan die voorpunt.
Haar grootste uitdaging was om stelselmatig haar selfvertroue weer ten volle op te bou ná die maande van herstel van beserings in 'n ernstige botsing met 'n motoris in April verlede jaar.
“Ek gaan nie jok nie; dit het 'n tydjie geneem om my selfvertroue terug te kry. Tydens die inperking en oor die afgelope weke het ek gefokus om aan tegniese aspekte van my resies te werk.
“As 'n toetslopie voor die nasionale kampioenskap het dit vandag goed gegaan. Die roete was meer uitdagend opgestel as die vorige keer se losmaker ná die hoktyd. Ek geniet die meer tegniese uitdagings, as daar spronge, klipperige dele en draaie is. Ek voel reg vir volgende naweek.”
In die vroueresies het Courtney Liebenberg drie rondtes voltooi voordat sy 'n harde val beleef het. Met 'n vermoedelik beenbesering het dit 'n tyd geneem vir die teenwoordige noodhulppersoneel en mederyers om haar te bereik en na die ambulans te help.
Vorster het die vier rondtes in een uur 14 minute 40 sekondes voltooi en is gevolg deur Steffanie Grossmann (1:25:42), met Michelle Döman derde (1:26:49).
• Ander kategoriewenners was:
Junior mans: Bergran Jensen.
Junior vroue: Monique du Plessis.
Subveteraan mans: Christo Swartz.
Subveteraan vroue: Benita Kasch.
Veteraan mans: Hans du Toit.
Veteraan vroue: Marion Schonecke.
Meestersmans: Nick du Plessis.
Veteraanvroue: Antje Tietz.
Grootmeestersmans: Roland Graf.
Grootmeestersvroue: Elke Jagau.
Rhino-mans (90 kg en meer): Fana Lambert.
Marathon-mans: Louis Peens.
Marathon-vroue: Jean-Marie Mostert.
e-bikes: Billy Heigan.
Seuns 15-16: Daniel Hahn.
Meisies 15-16: Danika Wiese.
Seuns 13-14: Roger Suren.
Meisies 13-14: Delsia van Vuuren.
Seuns 11-12: Marco Thiel.
Meisies 11-12: Rosemarie Thiel.
Seuns o.10: Micah Chase.
Meisies o.10: Anne Cramer.
Seuns o.8: Cody Heigan.
Twee naweke tevore in die eerste byeenkoms van die Nedbank Rock & Rut-reeks was daar deurgaans min te kies, totdat De Lange in die finale lopie eindstreep toe die knie teen Miller moes buig.
De Lange (Team Danste) het egter gewaarsku dat hy sy les geleer het om nie weer sy eindpoging so laat te los nie en Saterdag in resies nr. 2 by Farm Windhoek het hy van die begin af 'n hoë tempo gehandhaaf.
Dit het vrugte afgewerp toe hy tydens baanrondte 3 (uit ses) daarin kon slaag om Miller (Mannie's Bike Mecca) af te skud. Die jonger uitdager kon nie die pas volhou of die agterstand inhaal nie en het uiteindelik met meer as 'n minuut verskil in die tweede posisie klaargemaak.
Met hierdie uitslag is die tafel behoorlik gedek vir komende naweek se nasionale veldresieskampioenskap, ook geborg deur Nedbank, wat by dieselfde terrein beslis sal word.
De Lange, wenner van die goue medalje by laas jaar se Afrika-spele in Marokko, het agterna gesê sy strategie was van die begin af duidelik.
“Ek was aangedryf deur die honger om sake reg te stel ná die vorige uitslag. Ek het met oop kaarte weggespring om van vroeg af die pap dik aan te maak en te sien waartoe dit lei.”
De Lange sê hy het tydens die eerste twee harde rondtes sake deurgekyk en het in die derde baanrondte 'n tweede asem gevind om die pas nog meer te versnel en die deurslaggewende gaping te skep.
“As jy die resies vergelyk met Wêreldbeker-byeenkomste oorsee – daar is geen ruskans in enige stadium nie. Jou hartritme is 180 per minuut van die begin tot die einde en dit was my taktiek. Dit is wat in die Olimpiese Spele vereis sal word of as jy oorsee mededingend wil wees – om so diep te grawe as wat jy kan, vir so lank as wat jy kan.
“Dis wat ek vandag gedoen het en ek glo elke resies behoort so te wees. Dit het vandag vrugte afgewerp.”
Soos altyd was De Lange en Miller agterna heel respekvol teenoor mekaar en het uitgewys dat dit elke keer 'n voorreg is om kragte te meet.
“Dis altyd opwindend, want ons vertonings is gewoonlik bykans identies. Ons onderlinge kompetisie is beslis goed vir bergfietsry in Namibië en stel die voorbeeld vir die jonger ryers om harder te ry en dieper te grawe,” het De Lange gesê.
Miller wou nie verskonings voorhou nie en het bloot beklemtoon dat hy na dese meer uitsien na die volgende groot kans – komende naweek se nasionale kampioenskap waarin hy die heersende titelhouer is.
“'n Mens moet maar net die afdae in berekening hou; dis alles deel van die sport. Die wedloop vir die Olimpiese posisie het maar nog pas begin en ek sien uit na die oorblywende resiese.”
Op sosiale media het hy verklaar: “Dit was 'n harde dag met die silinders wat nie soos gewoonlik wou reageer nie. Hou in gedagte dis die sukkeltye wat die latere oorwinnings soeter maak.”
Xavier Papo (1 uur 50 minute) was derde ná De Lange (1:32:15) en Miller (Team Hollard, 1:33:26), terwyl Heinrich Köhne (Cycledelic) as die enigste ander elite mansryer tydens sy derde rondte moes tou opgooi.
VORSTER SEIL VOORT
Michelle Vorster (Davin Sporttrust) het dit twee uit twee in die resies vir elite vroue gemaak.
As enigste aanspraakmaker om die land by die Olimpiese Spele volgende jaar in Japan te verteenwoordig, was Vorster weer in 'n wedren teen haarself aan die voorpunt.
Haar grootste uitdaging was om stelselmatig haar selfvertroue weer ten volle op te bou ná die maande van herstel van beserings in 'n ernstige botsing met 'n motoris in April verlede jaar.
“Ek gaan nie jok nie; dit het 'n tydjie geneem om my selfvertroue terug te kry. Tydens die inperking en oor die afgelope weke het ek gefokus om aan tegniese aspekte van my resies te werk.
“As 'n toetslopie voor die nasionale kampioenskap het dit vandag goed gegaan. Die roete was meer uitdagend opgestel as die vorige keer se losmaker ná die hoktyd. Ek geniet die meer tegniese uitdagings, as daar spronge, klipperige dele en draaie is. Ek voel reg vir volgende naweek.”
In die vroueresies het Courtney Liebenberg drie rondtes voltooi voordat sy 'n harde val beleef het. Met 'n vermoedelik beenbesering het dit 'n tyd geneem vir die teenwoordige noodhulppersoneel en mederyers om haar te bereik en na die ambulans te help.
Vorster het die vier rondtes in een uur 14 minute 40 sekondes voltooi en is gevolg deur Steffanie Grossmann (1:25:42), met Michelle Döman derde (1:26:49).
• Ander kategoriewenners was:
Junior mans: Bergran Jensen.
Junior vroue: Monique du Plessis.
Subveteraan mans: Christo Swartz.
Subveteraan vroue: Benita Kasch.
Veteraan mans: Hans du Toit.
Veteraan vroue: Marion Schonecke.
Meestersmans: Nick du Plessis.
Veteraanvroue: Antje Tietz.
Grootmeestersmans: Roland Graf.
Grootmeestersvroue: Elke Jagau.
Rhino-mans (90 kg en meer): Fana Lambert.
Marathon-mans: Louis Peens.
Marathon-vroue: Jean-Marie Mostert.
e-bikes: Billy Heigan.
Seuns 15-16: Daniel Hahn.
Meisies 15-16: Danika Wiese.
Seuns 13-14: Roger Suren.
Meisies 13-14: Delsia van Vuuren.
Seuns 11-12: Marco Thiel.
Meisies 11-12: Rosemarie Thiel.
Seuns o.10: Micah Chase.
Meisies o.10: Anne Cramer.
Seuns o.8: Cody Heigan.
Kommentaar
Republikein
Geen kommentaar is op hierdie artikel gelaat nie