Treinongeluk: 7 uit hospitaal ontslaan

24 December 2020 | Ongelukke
Francoise Steynberg - In ‘n treinongeluk gisteraand omstreeks 23:00 tussen Tses en Asab is agt mense beseer en na hospitale op Keetmanshoop en Mariental afgevoer.

Volgens hoofinsp. Douglas Hanze, waarnemende hoof van koördinering van misdaadondersoeke in die ||Kharasstreek, is daar geen sterftes nie en is sewe beseerdes reeds uit hopitale ontslaan.

Volgens Hanze is slegs die mededrywer van die trein nog in die hospitaal op Keetmanshoop, maar sy toestand word as stabiel beskryf.

Vyf vroue en drie mans is tydens die ongeluk beseer wat by die Brukkarosbrug, sowat 125 km vanaf Keetmanshoop, plaasgevind het.

Vermoedelik het die afgelope week se swaar reën in die Suide meegebring dat spoor weggesak en die ongeluk plaasgevind het.

Volgens die nasionale woordvoerder van die Namibiese polisie, adj.komm. Kauna Shikwambi, was daar 59 volwasse passasiers, drie TransNamib-beamptes en meer as 80 kinders aan boord.

Sy sê die beserings van passasiers wissel van geen, lig tot ernstig.

“Dit was baie moeilik om die toneel met voertuie bereik, weens die onlangse swaar reën en vloede, maar die polisie se reserwemag het ondersteuning gebied,” het Shikwambi gesê.

Die passasiers se Kersfeesplanne is in die wiele gery. Een van die insittendes, mnr. Fabian de Kock van Keetmanshoop, het vanoggend vanaf die ongelukstoneel telefonies aan Republikein gesê die meeste van die was op pad na hul families vir die feestyd.

Hy, sy broer en dié se vrou en kinders was vanaf Keetmanshoop met die trein op pad na Mariental, waarna hulle na Stampriet sou gaan om Kersfees by hul familie te vier.

Hulle was vanoggend teen 08:00 van die sowat 20 passsasiers wat nog steeds langs die pad vir vervoer gewag het.

“TransNamib het van vanoggend vieruur vir ons belowe dat bussies gestuur sal word. Ons het die hele nag nie ‘n oog toegemaak nie. Ons is honger en dors en die son brand reeds warm,” het De Kock gesê.

Terwyl Republikein met hom gesels het, het vervoer van TransNamib wel opgedaag.

De Kock sê die Namibiese polisie was op die toneel en ander passasiers het saam met die nooddienste en ander voertuie in die nag saamrygeleenthede gekry.

Hy sê daar was baie bejaardes en kinders op die trein.

Oor die nagmerrievoorval sê De Kock die lokomotief het in die grond in geduik en een passasierswa hang in die lug.

-[email protected]

Foto's Fabian de Kock en verskaf

Soortgelyk

 

Gesondheidswerkers, leerlinge en onderwysers deel van 343 nuwe gevalle

48 minute gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...