TransNamib vir N$30 m. gedagvaar

Beëindig glo kontrak ‘onregmatig’

26 July 2019 | Plaaslik
Catherine Sasman - Die hoërhof het opdrag gegee dat ‘n bemiddelingskonferensie vir skikking tussen TransNamib en RMH Logistics gehou geword oor N$30 miljoen wat laasgenoemde van dié staatsonderneming vir die onregmatige beëindiging van ‘n kontrak eis.

Die bemiddeling moet teen 16 Augustus afgehandel wees.

TransNamib en HRD Trading Enterprises het in Desember 2015 ‘n kontrak gesluit vir die herstel en rehabilitasie van die grondoppervlak by die diesellokomotief-depot op Walvisbaai.

HRD Trading (verteenwoordig deur mnr. Hendrik Dawids) en RHM Logistics (verteenwoordig deur mnr. Rodney Hanganda) het in Augustus 2016 ‘n ooreenkoms aangegaan waarvolgens RMH Logistics die TransNamib-kontrak oorgeneem het.

Dokumente in die hofstukke toon RMH Logistics is toe as ‘n diensverskaffer van TransNamib geregistreer wat die dienste sou lewer, soos in die kontrak uiteengesit.

Dié maatskappy het TransNamib versoek om ‘n gedetailleerde werksuiteensetting voor te lê wat die koste uitstippel. Volgens RHM Logistics het hy in Januarie 2017 as ‘n onafhanklike entiteit ingevolge die oordrag deur HRD Trading met die werksaamhede begin.

RMH Logistics sê as gevolg van TransNamib se “swak betalingskedule” het hy by die SME Bank vir kredietgeriewe aangesoek gedoen. Die werksplan wat TransNamib voorgelê het, is as stawende dokumentasie by die bank ingedien.

Die maatskappy sê verder Hanganda en TransNamib (verteenwoordig deur me. Magda Nawes) het die betrokke ooreenkomste ter stawing aan die bank voorgelê.

RMH Logistics sê hy was veronderstel om die werk oor ‘n tydperk van twee jaar te verrig, maar voer aan TransNamib het die kontrak op 6 September 2017 “onregmatig” beëindig, wat tot sy verlies van N$30 miljoen (plus rente) gelei het.

Soortgelyk

 

14 'wildmisdadigers' vas

1 uur gelede | Misdaad

Altesaam 14 vermeende wildmisdadigers is verlede weke in hegtenis geneem, van wie vier elk in verband met renoster- en olifantstropery of horing- of ivoorsmokkelary of...

Verklaar raad nietig, sê Itula

18 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

18 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

18 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

18 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

18 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

18 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

18 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

18 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...