Transitorowers vas

Polisie skitter

15 November 2017 | Misdaad
Tanja Bause



Ses verdagtes wat Maandag by 'n transitoroof in Windhoek betrokke was, is dieselfde dag omstreeks 21:00 in hegtenis geneem. Die vier Suid-Afrikaanse burgers en twee Zimbabwiërs het Maandag om 09:00 'n veiligheidswag van G4S Security van N$487 320 beroof wat hy by 'n supermark in die Westlane Lifestyle-winkelsentrum in Pionierspark Uitbreiding 1 moes oplaai.

Twee van die verdagtes is in Windhoek in hegtenis geneem, terwyl vier in Rehoboth in hegtenis geneem is. Die Namibiese polisie het op 'n Toyota Etios, 'n Audi en 'n Lexus beslag gelê wat as wegkomvoertuie gebruik is. Die polisie het ook op N$336 000 en US$6 500 beslag gelê.Die verdagtes verskyn vandag in die hof.

“Goeie polisiewerk en nalatigheid aan die kant van die rowers het gemaak dat ons die verdagtes so vinnig kon arresteer,” het die woordvoerder van die Namibiese polisie, adj. komm. Edwin Kanguatjivi, gesê.

Intussen het Republikein verneem twee van die ses verdagtes is reeds vrygelaat.



loop lig dié vakansie

Hoofinspekteur Kauna Shikwambi het intussen mense gemaan om ­versigtig te wees en om hul eiendom in die komende vakansietyd op te pas.

“Verskeie sake van rooftogte is aangemeld en dit is 'n bewys daarvan dat misdadigers gebruik maak van elke kans om van ons te steel.

“Die gemeenskap en besoekers moet gereed wees om elke moontlike misdadige oortreding te voorkom,” het sy gesê.

Volgens haar kan die polisie nie orals wees nie en moet die gemeen­skap hulself en hul eiendom te alle tye beveilig.

Shikwambi het ook werknemers gewaarsku wat met misdadigers saamwerk.

“Dit is 'n baie ernstige en strafbare oortreding. Ons waarsku julle om nie van dié wat kos op die tafel sit, te steel nie, julle sal gevang word,” het sy gesê.

Soortgelyk

 

Man sterf op Walvisbaai-Swakopmund-pad

5 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

6 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

7 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

8 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

8 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

19 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

19 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

19 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

19 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...