Tradisionele owerhede moet sokkies optrek

'Trek in een rigting'

13 September 2018 | Politiek
Catherine Sasman



President Hage Geingob sê die integriteit van tradisionele owerhede word bedreig en weggekalwe deur oneindige binnegevegte en leierskapdispute.

Geingob het by die opening van die 21ste jaarlikse vergadering van die Raad van Tradisionele Leiers tans in Windhoek gesê hierdie voorvalle is teleurstellend, veral gesien in die lig van die pogings om 'n nasie te bou.

Daarvoor, het hy gesê, is eenheid nodig om in een rigting saam te trek.

“Onder geen omstandighede dra insidente van binnegevegte by tot die bevordering en bewaring van eenheid nie, en is nie in die belang van die gemeenskap nie,” het Geingob aan die tradisionele leiers gesê.

Hy het gesê regeringsbronne moet nie gebruik word om skikkings in ­oppervlakkige geskille van howe te vind nie, maar dat hierdie bronne eerder gebruik moet word vir die bou van infrastruktuur, ontwikkeling, onderwys, gesondheid en die opheffing van die armes en behoeftiges.

Geingob is onlangs gekritiseer vir sy vermeende inmenging in die regbank toe hy lede van die Ondonga Tradisio­nele Owerheid aangeraai het om hul geskille in 'n tradisionele hof eerder as die hoërhof te besleg, blykbaar om nie die bejaarde koning Immanuel Kauluma in die verleentheid te bring nie.

Hy het Maandag gesê kwessies rondom die opvolging van kaptein­skap in Afrika moet fokus op die handhawing van waardes en tradisies van die samelewing, asook in belang van die wyer gemeenskap wees.

“Met tradisionele formules in ag genome word tradisionele waardes en normes in ons samelewing weggevreet deur hierdie geskille in die arena van moderne howe te sleep. Ek glo hierdie kwessies moet op en by hierdie konferensie beraadslaag word om te verseker tradisionale ­owerhede handhaaf hul sosiale strukture,” het Geingob gesê.

Hy het gesê hy sal voortgaan om met die twee vegtende Ondonga-groepe te onderhandel.



GRONDKONFERENSIE

Geingob het voorts gesê dat die tweede nasionale ­grondkonferensie in Oktober gaan fokus op moeilike kwessies soos die voorvaderlikegrondregte, kommunale, stedelike en landelike grond, asook “nedersettingsprojekte”.

Volgens hom behoort die uitslag van dié grond-indaba konkrete planne op te lewer om die grondkwessie op te los.

Vanjaar bespreek leiers die rol van die ministerie van stedelike en landelike ontwikkeling in die sake van tradisionele owerhede, samewerking van dié owerhede met ander regerings­liggame, tradisionele howe, dispute in kapteinskappe, tradisionele troues, en die uitvoering van die regering se groenskema.

Die vergadering gaan ook kyk na die rol van tradisionele owerhede in die uitreiking van mynbou-klaringsertifikate en omgewingslisensies in kommunale gebiede, omheinings, hoe die owerhede kan voordeel trek uit visregte, en gesondheidsfasiliteite.

Soortgelyk

 

Hof toe oor ECN se bedankingsvereiste

1 uur gelede | Howe

Die Opuwo streeksraadslid en lid van die PDM, mnr. Kazeongere Tjeundo (foto), bring vanmiddag 'n dringende aansoek in die hoërhof in 'n poging om in...

Varser brood is daar nie

14 ure gelede | Byvoegsels

Tanja Bause – Elke dag om 09:00 klim Dawid Rooi op sy rooi fiets en laai varsgebakte brood op Gibeon af. Die wit- en bruinbrode...

Tropiese stelsel bring vog vir Noordooste

14 ure gelede | Weer

Elvira Hattingh - ’n Tropiese vogstelsel kan vir bykans die res van die week reën na die noordooste van die land bring. Dit sal egter...

Verkragting: 651 mans agter tralies

14 ure gelede | Misdaad

Jana-Mari Smith – Terwyl ’n epidemie van geweld teen vroue en kinders in Namibië woed, is 651 mans en twee vroue in die tronk vir...

One jump at a time

14 ure gelede | Mense

Elizabeth JosephEmmanuel Anana Samuntu is a 19-year-old high jumper with a personal best of 2.12m.He also has a long jump personal best of 7.27m. He...

Weer, Dinsdag 12 November 2019

14 ure gelede | Weer

BINNELAND: Gedeeltelik bewolk en baie tot bloedig warm met ‘n paar donderbuie in die noordooste. Geïsoleerde donderbuie word in die Zambezistreek verwag. In die...

Bek-en-klouseer: Verbod op SA-invoere geld steeds

14 ure gelede | Landbou

Elvira Hattingh - Die Namibiese direktoraat veeartsenydienste (DVS) sê die verbod op invoere van vleis en vleisprodukte van Suid-Afrika af staan steeds, soos ingestel tydens...

Stukkie paradys padlangs

14 ure gelede | Byvoegsels

Tanja Bause - Langs die B1-hoofweg by Mariental lê ’n stukkie paradys. Die Padlangs-padstal, wat in November verlede jaar sy deure oopgemaak het, is nie...

VERKIESINGS 2019: PRESIDENSIËLE KANDIDATE

14 ure gelede | Politiek

Esther Utjiua MuinjangueNational Unity Democratic Organisation (Nudo)Esther Utjiua Muinjangwe, die leier van Nudo, is die eerste vroulike leier van ‘n politieke party in Namibië en...