Totsiens, Uncle Paul
Net meer as 'n week gelede moes Namibië, en spesifiek die plaaslike kunsgemeenskap, met swaar harte van die kunslegende Paul Kiddo afskeid neem. Hy is die Sondagoggend in die Katutura-hospitaal op die ouderdom van 72 aan 'n hartaanval dood.
Huldeblyke vir die ontslape kunstenaar het ingestroom en almal is dit eens dat sy dood 'n groot leemte in die Namibiese kunswêreld laat.
Een van sy grootste vennote deur die afgelope jare was die Nasionale Kunsgalery van Namibië (NAGN). Die galery het in 'n huldeblyk gesê: “Sy blywende bydrae tot die Namibiese kunslandskap sal vir altyd waardeer en gekoester word.”
DIE MAN AGTER DIE KUNS
Paul Kiddo (1949-2021), of Uncle Paul, soos hy algemeen bekend was, is in 1949 op Bethanie in die suide van Namibië gebore.
Dié landskap sou as inspirasie vir baie van sy werk dien.
Op die ouderdom van 14 het Kiddo met verf begin eksperimenteer. Eers in sy dertigerjare het die kunstenaar regtig ernstig begin skilder. Sy vroeë eksperimente het op ongewone oppervlaktes soos plat klippe en plafonplanke plaasgevind. Die afgelope 40 jaar het Kiddo egter byna net met akriel op hardebord en doek gewerk.
Hy het in Windhoek gewoon en gewerk as 'n gevestigde kunstenaar en het bekendheid verwerf vir sy realistiese skilderye wat dikwels tonele van mense in hul daaglikse omgewings, landskappe en historiese geboue uitgebeeld het. Hy het kuns opgelewer wat die Namibiese kulturele identiteit en sosiale kommentaar vasvang.
Kiddo se kunswerke is 'n visuele voorstelling van regte mense, en hul woonomstandighede, van opstalle tot die hedendaagse stadsilhoeëtte, insluitend ikoniese geboue en beelde, asook vervoerstelsels en die sosiale dinamika van ruimtes soos die informele nedersettings.
Kulturele erfenis
Paul het ook gereeld aan die jaarlikse /Ai //Gams-kultuurfees deelgeneem. Tot 'n maand gelede was hy 'n praktiserende kunstenaar wat aan die #WhatsYourStory-uitstalling deelgeneem het, wat deur die NAGN aangebied is en daarop gemik is om Namibiese visuele kunstenaars op virtuele platforms te plaas en 'n wêreldwye gesprek te voer.
Hy het altyd werk van 'n hoë gehalte gedurende sy loopbaan gelewer. Sy skilderye, wat dien as 'n dokumentasie van tyd en 'n vorm van kommentaar op tyd en plek, word in talle versamelings verteenwoordig.
Vanweë die gebrek aan voldoende akademiese navorsing en dokumentasie oor Nama- en Khoisan-kuns, kulturele identiteit, tasbare en ontasbare erfenisuitdrukking en die nie-bestaande post-onafhanklike inheemse Namibiese visuele kuns, weerspieël die bestaande literatuur slegs die kuns van Namibië voor onafhanklikheid, wat nie die hedendaagse mense van Namibië se kulturele identiteit en aspirasies verteenwoordig nie.
Sy kunswerke dien as 'n narratief wat in die postkoloniale Namibië saamgestel is oor die vooruitgang van die mense, van 'n etnografiese blik tot die kontemporêre bestaan.
In hierdie konteks gaan Kiddo se kuns nie bloot daaroor om 'n bepaalde landskap of omgewing op 'n skilderdoek vas te vang nie.
Dit was sy doel om noodsaaklike elemente van sy kulturele erfenis, wat bewaar moet word, in detail uit te beeld. Grond as 'n fundamentele simbool van rykdom word in sy skilderye van mense op hul lande weerspieël.
'Alle erkenning verdien'
Paul was aktief betrokke by die visuele kunsbedryf in Namibië en het talle toekennings ingepalm, waaronder die merietetoekenning in die tweedimensionele kategorie van die 2014 Bank Windhoek-triënnale.
By die 2017 Bank Windhoek-triënnale het hy die Lifetime Achievement Awards ontvang vir sy lewenslange toewyding aan visuele kunste en sy verteenwoordiging van Namibië op internasionale platforms.
“Paul se kunswerke in die verskillende versamelings in museums en galerye verdien al die eer en erkenning wat dit toekom,” sê Snobia Kaputu, die uitvoerende hoof van die NAGN.
Ten spyte van sy gesondheidsprobleme, het sy liefde vir kuns nooit verdof nie. Hoewel sy wens altyd was om 'n solo-uitstalling te hou, kon dié droom weens sy verswakkende gesondheid nooit realiseer nie.
Sy uithouvermoë word weerspieël in sy finale kunswerk getiteld Shadow left by corona, 2021, wat hy 'n paar maande gelede vir die #WhatsYourStory-uitstalling geskep het. Dié laaste werk sal dien as getuienis van sy kreatiewe reis en sal in die NAGN se permanente versameling opgeneem word.
“Mag sy siel in vrede rus.”
Huldeblyke vir die ontslape kunstenaar het ingestroom en almal is dit eens dat sy dood 'n groot leemte in die Namibiese kunswêreld laat.
Een van sy grootste vennote deur die afgelope jare was die Nasionale Kunsgalery van Namibië (NAGN). Die galery het in 'n huldeblyk gesê: “Sy blywende bydrae tot die Namibiese kunslandskap sal vir altyd waardeer en gekoester word.”
DIE MAN AGTER DIE KUNS
Paul Kiddo (1949-2021), of Uncle Paul, soos hy algemeen bekend was, is in 1949 op Bethanie in die suide van Namibië gebore.
Dié landskap sou as inspirasie vir baie van sy werk dien.
Op die ouderdom van 14 het Kiddo met verf begin eksperimenteer. Eers in sy dertigerjare het die kunstenaar regtig ernstig begin skilder. Sy vroeë eksperimente het op ongewone oppervlaktes soos plat klippe en plafonplanke plaasgevind. Die afgelope 40 jaar het Kiddo egter byna net met akriel op hardebord en doek gewerk.
Hy het in Windhoek gewoon en gewerk as 'n gevestigde kunstenaar en het bekendheid verwerf vir sy realistiese skilderye wat dikwels tonele van mense in hul daaglikse omgewings, landskappe en historiese geboue uitgebeeld het. Hy het kuns opgelewer wat die Namibiese kulturele identiteit en sosiale kommentaar vasvang.
Kiddo se kunswerke is 'n visuele voorstelling van regte mense, en hul woonomstandighede, van opstalle tot die hedendaagse stadsilhoeëtte, insluitend ikoniese geboue en beelde, asook vervoerstelsels en die sosiale dinamika van ruimtes soos die informele nedersettings.
Kulturele erfenis
Paul het ook gereeld aan die jaarlikse /Ai //Gams-kultuurfees deelgeneem. Tot 'n maand gelede was hy 'n praktiserende kunstenaar wat aan die #WhatsYourStory-uitstalling deelgeneem het, wat deur die NAGN aangebied is en daarop gemik is om Namibiese visuele kunstenaars op virtuele platforms te plaas en 'n wêreldwye gesprek te voer.
Hy het altyd werk van 'n hoë gehalte gedurende sy loopbaan gelewer. Sy skilderye, wat dien as 'n dokumentasie van tyd en 'n vorm van kommentaar op tyd en plek, word in talle versamelings verteenwoordig.
Vanweë die gebrek aan voldoende akademiese navorsing en dokumentasie oor Nama- en Khoisan-kuns, kulturele identiteit, tasbare en ontasbare erfenisuitdrukking en die nie-bestaande post-onafhanklike inheemse Namibiese visuele kuns, weerspieël die bestaande literatuur slegs die kuns van Namibië voor onafhanklikheid, wat nie die hedendaagse mense van Namibië se kulturele identiteit en aspirasies verteenwoordig nie.
Sy kunswerke dien as 'n narratief wat in die postkoloniale Namibië saamgestel is oor die vooruitgang van die mense, van 'n etnografiese blik tot die kontemporêre bestaan.
In hierdie konteks gaan Kiddo se kuns nie bloot daaroor om 'n bepaalde landskap of omgewing op 'n skilderdoek vas te vang nie.
Dit was sy doel om noodsaaklike elemente van sy kulturele erfenis, wat bewaar moet word, in detail uit te beeld. Grond as 'n fundamentele simbool van rykdom word in sy skilderye van mense op hul lande weerspieël.
'Alle erkenning verdien'
Paul was aktief betrokke by die visuele kunsbedryf in Namibië en het talle toekennings ingepalm, waaronder die merietetoekenning in die tweedimensionele kategorie van die 2014 Bank Windhoek-triënnale.
By die 2017 Bank Windhoek-triënnale het hy die Lifetime Achievement Awards ontvang vir sy lewenslange toewyding aan visuele kunste en sy verteenwoordiging van Namibië op internasionale platforms.
“Paul se kunswerke in die verskillende versamelings in museums en galerye verdien al die eer en erkenning wat dit toekom,” sê Snobia Kaputu, die uitvoerende hoof van die NAGN.
Ten spyte van sy gesondheidsprobleme, het sy liefde vir kuns nooit verdof nie. Hoewel sy wens altyd was om 'n solo-uitstalling te hou, kon dié droom weens sy verswakkende gesondheid nooit realiseer nie.
Sy uithouvermoë word weerspieël in sy finale kunswerk getiteld Shadow left by corona, 2021, wat hy 'n paar maande gelede vir die #WhatsYourStory-uitstalling geskep het. Dié laaste werk sal dien as getuienis van sy kreatiewe reis en sal in die NAGN se permanente versameling opgeneem word.
“Mag sy siel in vrede rus.”
Kommentaar
Republikein
Geen kommentaar is op hierdie artikel gelaat nie