Tot siens, Oom Kosie

17 July 2017 | Mense
Estelle de Bruyn en Jo-Maré Duddy – Hy sal met respek onthou word, het politieke swaargewigte die heengaan van veteraanpolitikus mnr. Kosie Pretorius beskryf.
Jacobus Willem Francois Pretorius of Oom Kosie – soos ieder en elk hom genoem het – is Vrydagoggend ná ‘n lang siekbed op Walvisbaai oorlede, vermoedelik aan hartversaking. Hy sou op 5 September sy 82ste verjaardag vier.
Die voormalige eerste minister en nou afgetrede Swapo-politikus, mnr. Nahas Angula, het Pretorius as een van die stigtervaders van die Namibiese nasie beskryf.
"Pretorius was 'n unieke mens. Hy het harde, konserwatiewe menings gehuldig, maar hy was 'n pragmatiese realis. Hy was hardkoppig in sy diep Calvinistiese siening, maar nie 'n obstruksionis nie.
“Op 'n persoonlike vlak het ek sy ondernemings vertrou. Sy opregtheid sal gemis word. My simpatie en meegevoel gaan aan sy familie en vriende. Rus in vrede, Oom Kosie," het Angula gesê.
Mnr. Dirk Mudge, voormalige voorsitter van die DTA, sê al het hy en Pretorius van mekaar oor die politiek verskil, was hulle nooit vyande nie en het hulle mekaar se standpunte gerespekteer.
"Dit was regtig nie vir my aangenaam om die nuus te kry nie. Hy is nou ook van een van die ou garde wat nie meer met ons is nie. Ek wil graag my opregte simpatie en meegevoel met sy familie betuig," het Mudge gesê.
Pretorius het diep spore in die Namibiese politiek getrap. As leier van Aksie Christelik Nasionaal (ACN) was hy deel van die Grondwetskrywende Vergadering. Onder die ACN-vaandel was hy deel van die Nasionale Vergadering (NV) ná onafhanklikwording.
In 1991 is die ACN ontbind en die Monitoraksiegroep (MAG) gestig. As leier van die MAG het Pretorius dié party tot sy uittrede uit die aktiewe politiek in Junie 2013 in die parlement verteenwoordig.
As oudste dogter, wat ook vir baie jare sy persoonlike sekretaresse was, is die heengaan van haar pa “baie emosioneel”, het me. Ellina Theron aan Republikein gesê.
“Ek voel dankbaar vir die voorreg en geleentheid om hom tot op sy laaste te kon versorg.”
Pretorius het hom tot op die einde “met politiek en nogmaals politiek” besig gehou, sê sy. “Hy het gereeld artikels en briewe aan die media gestuur. Ook het hy sy boek, ‘n lewensideaal, die lig laat sien - Suidwes-Afrika na Namibië.”
Die familie wil hul dank betuig aan almal wat meegevoel betoon het. “Dit word opreg waardeer,” sê Theron.
Pretorius word oorleef deur sy vrou, Drix, vier kinders en hul gades, agt kleinkinders en twee agterkleinkinders, asook sy drie susters.
‘n Roudiens sal vandeesweek op Walvisbaai gehou word. Meer inligting sal bekend gemaak word.

Soortgelyk

 

Endjala se jammer nie goed genoeg – Geingob

22 ure gelede | Politiek

Pres. Hage Geingob het die goewerneur van die Omusatistreek, mnr. Erginus Endjala, opdrag gegee om “ondubbelsinnig en onvoorwaardelik” verskoning te vra vir die stamgerigte uitlatings...

Nuwe regulasies vir myn van sand, gruis

1 dag gelede | Plaaslik

Die Windhoekse munisipaliteit het tydens hul jongste stadsraadsvergadering hul nuwe beleid oor die myn van sand en gruis binne die uitgebreide grense van die hoofstad...

Namibië nié middelpunt vir mensehandel

1 dag gelede | Howe

Verskeie inisiatiewe wat fokus op mensehandel en vir die volgende drie jaar sal duur, is huidig in Namibië onderweg. Volgens die adjunk eerste minister van...

Vier sterf in grubotsing met vragmotor

1 dag gelede | Ongelukke

Vier persone is Vrydag omstreeks 01:00 in 'n kop-teen-kopbotsing 60 kilometer buitekant Otjiwarongo op die Otavi-pad dood. 'n Sedanvoertuig met vier insittendes het teen 'n...

Vang vis vir 'net' N$50

1 dag gelede | Omgewing

Estelle de BruynGoeie nuus vir hengelaars wat net af en toe die lyne gaan natmaak, is dat hulle nie 'n maandpermit van N$1 500 hoef...

Spoed op Westelike verbypad gebriek

1 dag gelede | Ongelukke

Tanja Bause - Motoriste wat van die Westelike verbypad in Windhoek gebruik maak, se maksimum spoed sal van Dinsdag 1 Augustus af 80 km/h wees....

Wiel van geregtigheid draai stadig vir Teko-trio

1 dag gelede | Howe

Jacqueline Louw Regter Christie Liebenberg, die nuutaangestelde regter in die verhoor van me. Teckla Lameck en mnre. Kongo Makaxwa en Yang Fan, het gister verhoordatums...

Weer, Vrydag 28 Julie 2017

1 dag gelede | Weer

BINNELAND: Sonnig en warm tot baie warm. Winderige toestande sal oor die binneland heers.KUS: Gedeeltelik bewolk en matig in die noorde met miskolle in die...

Swartbooi bedank uit Swapo

1 dag gelede | Politiek

Catherine SasmanDie uitgeskopte Swapo-parlementslid, mnr. Bernadus Swartbooi, het op ‘n amper triomfantelike manier sy uittrede uit die regerende party aangekondig, maar het bespiegelinge dat hy...