Toeriste kan Namibië makliker besoek

Beamptes ‘moet ingesteldheid verander’

26 September 2019 | Ministeries
Augetto Graig - Toegang tot Namibië is gister vir toeriste, beleggers en sakelui aansienlik makliker gemaak.

Die minister van binnelandse sake en immigrasie, mnr. Frans Kapofi, het die eerste fase van die visum by aankoms-projek by die Internasionale Lughawe Hosea Kutako van stapel gestuur.

Volgens die minister sal hierdie verwikkeling die land se toerisme- en reisbedryf help om meer mededingendheid te wees.

Volgens die Wêreld- Ekonomiese Forum is Namibië 81ste uit 140 lande op die gebied, sê Kapofi.

Wat algemene toeganklikheid in Afrika betref, was Namibië in 2018 38ste uit 55 lande, sê hy.

In 2016 het die ministerie die visumvereistes vir besoekers uit Afrika met diplomatieke of amptelike paspoorte opgeskort.

Sedertdien het die ministerie ook die gebruik van elektroniese visums, paspoorte en grensbeheer geïmplementeer.

Vroeër vanjaar het die raadgewende hoëvlakpaneel oor die ekonomiese opdrag gegee dat visums by aankoms in Namibië toegepas moet word.

Die projek, wat eers by die internasionale lughawe getoets word, sal later na verskeie toegangspunte tot Namibië uitgebrei word.

Boonop sal meer lande in die toekoms hierby baat. Vir nou is die burgers van 47 lande daarvan vrygestel om vir visums vir Namibië aansoek te doen.

Visums by aankoms is beskikbaar vir toeriste, voornemende beleggers, deelnemers aan vergaderings, seminare en slypskole, mense wat vriende of familie kom besoek en reisigers wat Namibië vir mediese doeleindes besoek.

Kapofi dring egter daarop aan dat toergidse, betaalde aanbieders van geleenthede of individue wat in Namibië kom werk ’n werkspermit bekom.

Die Afrikalande wat by die loodsfase van die projek baat, is Benin, Burkina Faso, Burundi, Kaap Verde, Kameroen, die Sentraal-Afrikaanse Republiek (CAR), Tsjad, die Comore-eilande, Ivoorkus, Djiboeti, Ekwatoriaal-Guinee, Eritrea, Gaboen, Gambië, Guinee, Guinee-Bissau, Liberië, Madagaskar, Mauritanië, Niger, Rwanda, Sao Tomé en Principe, Sierra Leone, Togo, Tunisië, Wes-Sahara en Uganda.

Van buite Afrika kan burgers van Wit-Rusland, Bulgarye, Kambodja, Chili, Tsjeggië, Hongarye, Mexiko, Moldawië, Nicaragua, Pole, Roemenië, Slowakye, Suid-Korea, Venezuela, Viëtnam, Thailand, Turkye, die Verenigde Arabiese Emirate, Singapoer en Oekraïne Namibië ook nou makliker besoek.

Aansoek om ’n visum by aankoms kos N$1 000 elk en goedkeuring hang steeds van die gevestigde immigrasiebeheer af.

By die geleentheid het me. Penny Akwenye, ’n presidensiële raadgewer, ’n beroep op immigrasiebeamptes, die polisie en doeanebeamptes gedoen om hul ingesteldheid te verander.

“Vandag is die begin van verandering. Ons verander die lughawe. Visums verander, en ek vra dat julle ook verander,” het sy gesê.

Mnr. Leake Hangala, voorsitter van die Namibië Lughawensmaatskappy (NAC) se raad, sê onbeskofte beamptes verteenwoordig nie die beeld wat Namibië aan die wêreld wil wys nie.

“Ons wil hê besoekers moet Hosea Kutako gebruik omdat dit die beste lughawe is. Daarvoor moet ons dit die beste maak en almal ons deel doen om te verseker die nasie vaar goed,” sê hy.

Mnr. Johannes Gawaxab, voorsitter van die raadgewende hoëvlakpaneel oor die ekonomie, het gesê die ministerie vaar goed wat die toepas van hul aanbevelings betref.

“Met die verandering van die visumstelsel sal ekonomiese groei ’n hupstoot kry.

“Toerisme is baie belangrik vir volhoubare groei. Ons moet nou Indië en China teiken om die getal toeriste te verdubbel en beduidende werksgeleenthede skep,” het hy gesê.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...