Toerisme fokus op afvalbestuur

Konferensie by ekspo

06 June 2019 | Gebeure
Jana-Mari Smith – Afvalbestuur is dikwels die “stiefkind” van volhoubare toerisme en iets waarvan mense wegskram.

Só sê me. Hazel Milne van Eco Awards Namibia. Milne was een van die sprekers tydens die Tourism Network Conference wat gister by die Namibië Toerisme Ekspo (NTE) aangebied is.

Verskeie sprekers het die belangrikheid van volhoubare afvalbestuur in die bewaring van die omgewing beklemtoon om te verseker dat Namibië ‘n uitsoekbestemming vir toeriste bly. Die voordele van herverbruik en herwinning is ook bespreek.

Volgens Milne beskik sommige toerondernemings en ander instellings oor volhoubare afvalbestuurstelsels. Élke Namibiër kan egter iets aan die wêreldwye probleem van opeenhopende afval doen, sê sy.

Mnr. Prosper Mageza van die Toer- en Safarivereniging van Namibië (Tasa) sê dié organisasie moedig sy lede aan om volhoubare toerisme te beoefen. Dít hou nou met afvalbestuur verband.

“Skerp reisigers kies nou meer toerismebestemmings wat die omgewing bewaar eerder as om dit te beskadig,” sê Mageza.

Die afwesigheid van afvalbestuur, veral in nasionale parke, hou ‘n gevaar vir diere, die omgewing en mense in, het hy gewaarsku. Ter illustrasie het hy foto’s van opgehoopte afval in gewilde reisbestemmings soos die Etosha Nasionale Park met die gehoor gedeel.

“Die bedreiging is werklik, veral vir diere. Nie net in Etosha nie; dis oral waar ‘n mens gaan.”

Onvoldoende afvalbestuur kan ook die water, lug en grond besoedel en siektes versprei, sê Mageza.

MORS MINDER

‘n Studie wat in 2009 gedoen is, het getoon 55% van die afval wat by Kupferberg buite Windhoek gestort is, kon nie herwin word nie.

Hoewel herverbruik en herwinning belangrik is, is minder afval dus die beste toekomsplan, aldus Mageza.

“As ons meer afval kan verminder, het ons nie so baie om te herverbruik en herwin nie,” sê hy.

Mageza het verskeie stappe voorgestel wat die toerismebedryf kan doen om afvalbestuur proaktief te benader. Dit sluit in bewusmaking en aansporingsmaatreëls vir gaste en personeel om meer omgewingsverantwoordelik te wees.

Mnr. Daniel Kavishe, die groepekonoom van FNB Namibia, sê afval kan op innoverende maniere gebruik word om krag op te wek én dorpe skoon te hou.

“Daar is meer waaroor ons moet dink wanneer ons oor afval praat,” sê Kavishe.

Namibië se toerismebedryf steun op die land se natuurlike landskappe. Die bewaring daarvan is lewensbelangrik om groei in dié sektor te verseker, sê Kavishe.

Soortgelyk

 

Operasie Kalahariwoestyn hervat

29 minute gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

16 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

16 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

16 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

16 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

16 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

16 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

16 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

16 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...