Toelaatbare vangste bekend gemaak

‘Visvoorrade is gesond’

19 February 2019 | Visserye
Erwin Leuschner - Die minister van visserye en mariene hulpbronne, mnr. Bernard Esau, het Vrydag visvangkwotas vir vanjaar se visvangseisoen op Walvisbaai bekend gemaak.

Die toelaatbare vangs (TAC) vir 2019 se visvangseisoen vir marsbanker is op 349 000 ton vasgestel.

Vir stokvis is dit 154 000 ton.

Dié vissoorte behels sowat 94% van alle kommersiële vangste in Namibiese waters.

Vir monnikvis is die TAC-kwota vir vanjaar 8 000 ton, vir krap is dit 3 400 ton, en vir kreef 200 ton.

Esau het van die geleentheid gebruik gemaak om ’n oorsig van die bedryf gegee.

Volgens hom is Namibiese visvoorrade gesond en word dit volhoubaar bestuur.

Die minister het leiers in die visbedryf herinner 2019 is die jaar van aanspreeklikheid, derhalwe sal aansoeke om visvangkwotas noukeuriger ondersoek word.

“Almal wat oor visvangregte beskik, wie se regte nou ná sewe of 20 jaar verval, moet aanspreeklik gehou word en kan bewys wat hulle in dié tydperk bereik het,” het hy gesê.

Belanghebbendes in die bedryf het tevergeefs op die hawedorp bymekaar gekom in die hoop op ’n aankondiging oor die toekenning van visvangkwotas.

“Ons is in die finale fase van evaluering en sal in die volgende paar maande 'n aankondiging maak,” het die minister gesê.

Volgens hom is 5 193 aansoeke ontvang.

“In die verlede het ons sowat 2 000 aansoeke ontvang, wat tot ’n jaar geneem het om te evalueer en toe te ken. Dié keer is ons in die finale fase van evaluering ná net drie maande,” het Esau gesê.

“Diegene wat aan die vereistes voldoen het, in die sektor belê het en werksgeleenthede geskep het, kan verseker wees ek is vasbeslote om werksgeleenthede en belegging in die sektor te handhaaf. Vir die res is dit ongelukkig,” het hy gesê.

Esau het ook verskeie waarskuwings by sy toespraak ingesluit, veral teen mense of instansies wat hul viskwotas vir ’n vinnige wins verkoop.

Hy het gesê kwotas sal herroep word omdat dié praktyk nou iets van die verlede is. Hy het ook aandeelhouers gewaarsku wat hul vennote inloop.

“Gemeenskappe en kwesbare groepe word só uit hul dividende gekul en dít kan nie voortgaan nie,” het hy gewaarsku.

Die minister het gesê sy ministerie is bewus van voorvalle van onwettige, ongerapporteerde en ongereguleerde visvangste – “veral langs ons noordelike maritieme grens met Angola”.

Hy het dié praktyk as sporadies beskryf, wat beperk is tot die betrokke gebied, en iets wat slegs snags plaasvind.

“Ek sal nie die hele strategie hieroor bekend maak nie, maar wil net waarsku ons pas ’n regeringsbenadering toe,” het die minister gesê.

Esau het gewaarsku sondebokke sal aan die pen ry.

Die enigste uitsondering wat gesonde plaaslike visvoorrade betref, is sardyne, het hy gesê.

Oor die afgelope jare het sardynvoorrade betekenisvol gekrimp, derhalwe is ’n drie jaar lange moratorium sedert 2018 van toepassing.

“Die sardynbedryf behels maar 2,5% van die totale visvangste in Namibië en moet teen dié agtergrond gesien word,” het hy gesê.

Die vermindering van sardynvangste moenie ligtelik opgeneem word nie, het hy gesê.

“Ons is nie seker of die sardyne na dieper waters beweeg het en of die voorraad verminder het nie. Ek verwag ’n verslag ná uitgebreide navorsing in 2020," het hy gesê.

Soortgelyk

 

Duisende registreer vir e-taks

7 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

7 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

7 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

7 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

7 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Unam werp lig op kragonderbreking

7 ure gelede | Onderwys

Denver Kisting – Die Universiteit van Namibië (Unam) het gister by monde van sy woordvoerder, mnr. Johannes Haufiku, ontken die instelling se kragtoevoer is weens...

Miljarde nodig vir watersekuriteit

7 ure gelede | Ministeries

Elvira HattinghDie plaaslike watersektor moet in die volgende vyf jaar 'n begrotingsgaping van sowat N$11,7 miljard oorbrug om enkele mikpunte vir waterverskaffing en sanitasiediente te...

Kersfees en kuns in Julie

7 ure gelede | Kuns en vermaak

As jy lus is vir feestelikheid in Julie, maak gerus ’n draai by die Omba-galery in Talstraat waar die ’Ikhoba Textiles Farm Project sy 17de...

Mrs J maak ’n Windhoekse draai

7 ure gelede | Kuns en vermaak

Binnekort besoek die bekende Theresa Sedras, beter bekend as Mrs J van Suidooster, die land van die dapperes. Gospel Care Ministry bied in Augustus ’n...