Toekoms van 77 Air Nam-vlieëniers onseker

Byna 75% se vlieglisensies het verval

24 February 2021 | Vervoer
Francoise Steynberg – Altesaam 77 vlieëniers van Air Namibia se toekoms is onseker.

Boonop het bykans 75% van die redery se vlieëniers se lisensies verval omdat hulle maande laas weens die coronapandemie gevlieg het, het ’n vlieënier van Air Namibia en president van die Namibië Vereniging vir Lugrederyvlieëniers, mnr. Heino Jakob, gister tydens ’n onderhoud in Kletskompas gesê.

Volgens hom is die opsie om vir ’n ander lugredery te vlieg ook van die tafel, “want werksgeleenthede is tans nie geredelik in die lugvaartbedryf beskikbaar nie”.

Vir die oorwig vlieëniers wie se lisensies verval het, sê Jakob is dit bykans onmoontlik om suksesvol vir ’n ander werk aansoek te doen.

“Selfs as jy gelukkig is om ’n werk te kry, sou dit beteken jy moet Namibië, jou vriende, familie en jou kultuur agterlaat met ’n uitsettingsbevel in jou hand,” sê Jakob.

“Die 77 professionele Namibiese lugrederyvlieëniers sal moontlik oorbodig en sonder hoop wees om hul lugvaartloopbaan voort te sit. Vir die meeste van ons is dit nie net ’n werk nie, maar ’n leefstyl.”

Oor die negatiewe gevolge van die skielike verwydering van die nasionale lugredery op verskeie sektore in die ekonomie is, sê Jakob Air Namibia het 4 550 direkte en indirekte werksgeleenthede ondersteun.

“Volgens ’n 2017-verslag op grond van die 2015-’16 finansiële jaar deur Oxford Economics oor Air Namibia se impak op die ekonomie, het die nasionale lugredery belastinginkomste van N$316 miljoen ingebring en N$704 miljoen tot die bruto binnelandse produk bygedra,” sê Jakob.

Hy sê wêreldwyd is bewys dat sodra ’n nasionale lugredery gesluit het, dit reusepogings en finansiële beleggings verg om ’n nuwe lugredery weer aan die gang te kry.

Jakob voorspel dat dit vyf jaar of langer sal neem om ’n nuwe lugredery in Namibië te vestig, indien ooit.

“As ons ooit weer ’n nuwe lugredery sal begin, sal die meeste van die vlieëniers, grondpersoneel en kajuitbemanning ’n ander beroepsrigting ingeslaan het,” verduidelik Jakob.

Napa hou voet by stuk die sluiting van Air Namibia is nie in die beste belang van die land nie.

Oor die toekoms van die lugvaartbedryf wêreldwyd, sê Jakob die Internasionale Lugvervoervereniging (Iata) voorspel sake sal nie voor 2024 weer na normaal terugkeer nie.

VLIEGLISENSIES IN KAÏRO HERNU

Wat die vervalde lisensies betref, het die vlieëniers ’n voorstel by die regering ingedien om hulle te help om hul lisensies te hernu wat nie verlede jaar tydens die inperkingstyd en met geslote grense kon realiseer nie.

“Die meeste van ons het ’n jaar of meer laas gevlieg,” sê Jakob. Sy laaste vlug was in Mei verlede jaar en in 2020 het hy slegs 50 ure gevlieg.

Vir die vlieëniers om hul lisensie hernu te kry, moet hulle weer opleiding by ’n geakkrediteerde opleidingsinstelling ondergaan.

Volgens Jakob is opleiding in die Egiptiese hoofstad Kaïro goedkoper as in Suid-Afrika.

“Op die oomblik is ’n groep vlieëniers in Kairo besig is om hul vlieglisensies te hernu en hulle sal dan as instrukteurs weer opleiding verskaf,” sê Jakob.

Buiten die twee A330’s, het Air Namibia ook twee Airbus A319-100’s wat ingevolge ’n verhuringsooreenkoms tot hul oorspronklike toestand herstel en aan die eienaars terugbesorg moet word.

Volgens minister Leon Jooste van staatsondernemings sal die A330’s na Malta geneem word om daar herstelwerk te ondergaan.

Dit is een van die bestemmings in Europa waar die eienaar van die A330’s Air Lease 82 aangedui het die vliegtuie aan hom terugbesorg kan word.

[email protected]

Soortgelyk

 

Robberts bly in aanhouding

10 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

10 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

10 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

10 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

10 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

10 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

10 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

10 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

10 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...